حور، بديت اداوم وعمتي مادري شبيهة رغم ماقصر بشي وياهة بس كل ماطلع للدوام تخبل ومن يجي ادام تضل تحجي علية كدامة وهو يتخبل ويرجع علية ونتعارك
ادم، صح تزوجت حور الانسانة الي حبيتهة وعاشت وياهة اجمل ايام عمري حتى وية نغم ماحسيت هيج بس ورة مارجعت للدوام اول يوم رجعت بي امي جتي وكالتلي ليش تخلي مرتك تداوم وانتو بعدكم عراسان وهي ماتحترمني وتكلي لتدهلين بحياتنة وزوجي قابل ضجت من كلام حور وياة امي مهما تكون امي واحترامهة من احتراني نيصير تحجي وياهة هيج رحت حجيت وياهة وعصبت منهة بعدين راضيتهة لانو احبهة ماكدر ازعل منهة واحنا بعدنة اول ايام زواجنة ماريد من البداية نبدي عرايك
بس ضلت امي تضوج لانو حور تشتغل ضابطة واني ماكدر احجي وية امي شمصير تبقى امي حتى اني ضوجتني بشغلهة بالبداية جنت احجي وية امي واقنعهة انو هذا وظيفتهة من قبل مانزوج بس هي تكلي هي تزوجت هسة مو مثل قبل واني من جنت بنية ماقبل بوظيفتهة مو عاد هسة صار جنتي شكد حاولت اقنعهة واحجي وياهة بس ابد مافاد ماضل عندي حل بس احجي وية حور بلكي تقتنع وتعوف شغلهة واني راتبي كلش زين مامقصر وياهة
دخلت لغرفة شفت حور كاعدة كتلهة اريد احجي وياج
حور، شكو ادم صاير شي
ادم، لاحياتي تعاي اريد احجي وياج بموضوع
حور، رحت كعدت يمة كتلة احجي
ادم، حور انت تعرفين اني احبج واني من تزوجتج لانو احبج انتي واريدج تجاوبيني اني فديوم مقصر عليج بشي من تزوجنة لحد هسة
حور، لا بالعكس
ادم، حبيبتي تدرين امي ماراضية على شغلج وانتي كتيهة مامقصر عليج بشي اتركي لو ضيفة لخاطري ماريد مشاكل والصراح اني من البداية ماعاجبتني وظيفتج انو تفترين وية الزلم وتطلعين محافضات بس ماردت اجرح مشاعرج
حور، فاجئني بطلبة كتلة ادم انت تدري بية شنو وظيفتي قبل مانزوج صح لو لا واني مستحيل اترك وظيفتي اني تعبت حتى اوصل لهنا ليش اتركهة اذا امك ماقابلة مو مشكلتي انت تدرون شنو شغلي قبل مانزوج وامك انت احجي وياهة واقنعهة لتدخل
ادم، حور احترمي نفسج تبقى امي والهة لحق تدخل بحياتي واكيد تريد مصلحتي
حور، الي عندي كلتة مستحيل اترك الوظيفة
ادم، شلون متكليلي لعد اروح على تحجي اجي هنا تعاندين ترة مليت
حور، اهدء حبيبي اسفة لتعصب وعمتي اني احجي وياهة اذا تريد
ادم، لا اني احجي وياهة
نزلت وحجيت وية امي وكتلهة يمة هذا وظيفتهة اني ماكدر ادخل بيهة
ام ادم، شنو متدخل انت مو زوجهة
ادم، يمة كافي ترة والله اطلع بيت وحد اذا ظليتن هيج
ام ادم، هيج ضارت يا ادم لخاطر مرة تريد تعوفني
ادم، يمة صدكيني ماعوفج بس ماريد. مشاكل بينجن ياعيني
ام ادم، اي ضل ورة مرتك وخلي امك تشتغل ليل نهار تخدمكم وهي بس تكضيهة لو نايمة لو بشغلهة
ادم، هاي شلون شغلة انوب يمة اشك هدومي اذا على الشغل اجيبلج خدامة بالنهار وحور باليل تشتغل وبعدين هاي مو مرة عمي وياج والبنات خما بس حور
ام ادم، ضل دافع لمرتك ضل
ادم، يمة ما مدافع لحد كامت وعافتني جني زعلت الحجية
صعد شفت حور نايمة رحت اني هم نمت يمة صدك صايرة اربع وعشرين ساعة نايمة دبدوبي صارلنة شهرين من تزجنة ومشاكل لعمة والجنة دوخني لعد لو يصير سنين شلون يجوز يموتني قبل يومي
حور، حجالي ادم شحجة وية امة وروة اسبوع صدك. جاب مرة تشتغل الصبح وية عمتي والبنات مع انو احنة مامحتاجين بس مادري شبيهة عمتي تدور مشاكل واني مادري شبيه هل فترة دائما احس بخمول واحس جسمي تعبان وحالتي النفسية تعبان بس ابد ماخليهة تاثر على وظيفتي او علاقتي وية ادم لانو احبة وماريد ازعلة مني ابد ضليت حوالي اسبوع هيج لحد مابيوم جنت بمكتبي حسيت بدوخة كلش قوية خلصت شغلي بسرعة وكمت حتى اطلع مادري شصار وبعد ماحسيت بشي فتحت عيني بالمستشفى وادم يمي كتلة شكو شصار واني شجابني لهنا
ادم، ماكو شي حبيبتي بس اغمى عليج بالمكتب واتصلو علية جايبينج للمستشفى وهسة الدكتورة سوتجلج فحوصات وتحاليل ننتضر النيجة
نص ساعة وجتي الدكتور
الدكتور، انت زوج المدام
ادم، نعم تفضلي دكتورة
الدكتور، الف مبروك المدام حامل بس عدهة فقر دم قوي محتاجة تغذية زينة ولازم تنام على ضهرهة ومتحرك هواية لانو الطفل مهدد بالاسقاط
حور، الدنيا ماواسعتني من الفرحة بس بنفس الوقت خفت من كالت مهدد بالاسقاط
تشكر منهة ادم وكتبتلنة ادوية وسجلنة خروج ورحنة للبيت وادم كلشوي لازم بطني لو يحضني لو يبوسني يكول مامصدك واخيرا راح اصير اب
ادم، ردت اطير من الفرح ياعالم راح اصير اب الحمد لله يارب اكبر فرحة بحياتي رجعت للبيت وخبرنا الكل كلهم فرحو وامي كامت تهلهل
حور، كل الي بالبيت فرحوا وخاصتا عمتي كل شوية وبايستني تكول راح يصير عندي حفيذ ومن شرحلهم ادم وضعي كالت اني اعتني بيهة صدك ضل طول فترة حملي هي تعتني بية حتى غرفتي كالت لادم ينزلهة جوة حتى لا اضل صاعدة الدرج وداومي اخذت اجازة منة
..
...
...
