بعد مرور 5اشهر...
حور، صار على حملي ستة اشهر وعمتي معتنية بية وماسمعتني بعد اي حجاية وامي هم ما مقصرة وادم طاير من الفرح كل يوم يجيبلي انواع الاكل يكول اخاف تشتهين شي اليوم موعد الدكتورة لازم اروح ادم كال اني اوديج اريد اشوف ابني ونعرف شنو راح ينورنة لانو لحد هسة ماعرفنة شنو جنس الطفل
رحنا اني ويا للدكتورة انتضرنا الحجز لحد ما اجة دونا طبيت اني بالبداية وادم ينتضر برة دخلت للدكتورة
حور، السلام عليكم دكتورة
دكتورة، اهلا بنتي
حور، دكتورة جيت اطمن على الطفل وزوجي واكف برة عادي يدخل وياية
الدكتورة، اي عيني خلي يدخل
حور، صحت لادم دخل وياية
الدكتورة، يلة عيني نامي على السدية حتى اخذلج سونار
حور، نمت على السدية وادم وكف يمي جتي الدكتورة حطلتي جل على بطني وبدت تاخذلي سونار
الدكتور، ماشاء الله وضع الطفل كلش زين وراح اسمعكم نبضة
ادم، دكتورة نكدر نعرف شنو جنس الطفل
الدكتورة، اي لحضة الف مبروك راح يجيكم ولد
ادم، الف الحمد لله سمعتي حور
حور، بدموع اي
خلصتلي دكتورة فحص وكالت صحت الطفل زينة وانطتني ادوية وكالت لختافين تكدرين عادي تحركين
رجعنة للبيت وادم الطريق كلة مشغل اغاني ويركص كتلة راح تدعمنة
ادم، اليوم فرحتي مانطيهة لحد راح يصير عندي ولد ويصير سند الي
حور، يعني لو جايتنة بنية ماراح تفرح
ادم، اكيد افرح كلشي من الله نعمة بالعكس اني احب البنات وان شاء الله مرة الثانية يصير عدنة بنوتة تشبهج
حور، ياا دخلي اولد هذا بالاول
ادم، من هسة اكلج اني احب الاطفال لو كل سنة واحد هم عادي عندي
حور، لا يمة شنو كل سنة
ادم، ههه
حور، ادم
ادم، قلبة
حور، شوف من هسة اكلك اذا تحب ابنة اكثر مني ازعل عليك
ادم، ههه خبلة اكيد احبة اكثر منج هذا ابني
حور، ما معلية متحبة
ادم، لا انتي الاساس انتي حبج يختلف حب عاشق لمحبوبتة
حور، تسلملي يا احلى زوج بالعالم
رجعنة للبيت وخبرنا اهلنا والكل فرح راح يجيهم حفيد
حور، رحت لغرفتي حتى ارتاح باليل اتصل علية الرائد كال اريدج باجر بالدوام خلصت اجازتج
