ကားစီယာတိုင်ကိုကိုင်ထားတဲ့ လက်တွေကသွေးကြောစိမ်းစိမ်းတွေထင်းနေပီး အနည်းငယ်တုန်ချိလျက်။ဘေးခုံပေါ်ကဂျေးကို အဆင်ပြေလားလှည့်မေး
တာလဲ ဘယ်နှခေါက်မှန်းမသိတော့။အဆင်ပြေပါတယ်ဖြေနေပေမယ့် ဒဏ်ရာကနက်တာမလို့အခုထိသွေးတွေစီးကျနေတာကို တချက်တချက်လှည့်ကြည့်နေတဲ့ဆောင်ဟွန်းအမြင်။အိမ်မြန်မြန်ရောက်ချင်ကာမှ သွားရတဲ့လမ်းကပိုကြာနေသလို။သူဂျေးကိုစိတ်ပူလှပီ။
ကားပါကင်ထိုးရတာလဲဒီနေ့မှပိုခက်နေသလို ဓာတ်လှေကားကလဲဒီနေ့မှပိုနှေးနေတဲ့အတိုင်း။အခန်း passwordကုတ်ကိုအလျင်အမြန်ရိုက်ထည့်ပီး ဆိုဖာတွေဝယ်မထည့်ရသေးတဲ့ဧည့်ခန်းမှာဂျေးကိုထိုင်စောင့်စေသည်။ဆေးသေတ္တာ ပတ်တီးနဲ့ပစ္စည်းအစုံအလင်ယူချလာပီး ဆောင်ဟွန်းကဂျေးရှေ့တည့်တည့်မှာဝင်ထိုင်သည်။ဆေးကျောင်းသားများဖြစ်တာကြောင့်ဒဏ်ရာသန့်ရှင်းပီး ပတ်တီးစည်းပေးတာလောက်က ပြဿနာမဟုတ်ပေမယ့် ဆေးထည့်ပေးရမဲ့လူကဂျေးဖြစ်နေတော့ ဆောင်ဟွန်းလက်ချောင်းတို့ကအနည်းငယ်တုန်လှုပ်နေသည်။အမြဲတမ်းသူကပဲဂျေးဆေးထည့်ပေးတာခံလာရတဲ့လူ ဂျေးကိုထိခိုက်ဒဏ်ရာမရစေချင်သလို ဘယ်တော့မှလဲဆေးထည့်ပေးတာမျိုး မလုပ်ပေးချင်ခဲ့။
လက်ဖျံရိုးပေါ်ထိစီးကျနေတဲ့သွေးတွေကို ရေနွေးဝတ်သန့်သန့်နဲ့သုတ်ပေးလိုက်ပီး ဒဏ်ရာတစ်ဝိုက်ကိုပါခပ်ဖွဖွပွတ်ဆွဲလို့ သွေးများသန့်ရှင်းသွားအောင်သုတ်ပေးလိုက်သည်။စပ်ဖျင်းဖျင်းဒဏ်မခံစားရအောင် အရက်ပြန်မသုံးချင်ပေမယ့် ဒဏ်ရာပိုးမဝင်အောင်သုံးကိုသုံးရမည်ကိုဆောင်ဟွန်းသိသည်။ဂွမ်းချောင်းလေးပေါ်မှာအရက်ပြန်စွတ်ပီး ဒဏ်ရာတစ်ဝိုက်ကို အသာတို့ထိလို့ နှုတ်ခမ်းပါးတို့ကနေလေတဖူးဖူးမှုတ်ပေးသည်။
"နာရင်ငါ့ကိုပြော"
"အင်း"
ဒဏ်ရာကိုသန့်ရှင်းရေးလုပ်ပီးတော့ ဆောင်ဟွန်းကဆေးလိမ်းပေးသည်။ဆေးလိမ်းပေးနေတုန်းမှာလဲ တကယ့်ကိုနုနုယွယွလေး။အားလေးနည်းနည်းသုံးလိုက်တာနဲ့ ဂျေးနာကျင်သွားမှာကိုကြောက်သည့်ဟန်။ဆောင်ဟွန်းက ဂျေးရဲ့နှစ်လက်မလောက်ရှိတဲ့ပြတ်ရှဒဏ်ရာကိုဆေးလိမ်းပေးရင်း မြင်ကွင်းတွေကဝေဝါးလာသည်။
YOU ARE READING
Love started by those glasses
Teen FictionHazel eyes under black glasses are so fucking dangerous!! park sunghoon + park jongseong written in burmese (both unicode and zawgyi available)
