I Just Want To See You 💕 (✅✅✅)

EP -12 💫

ကလေးနဲ့ သူနဲ့ကြား ဘာတွေလွဲမှားနေတာလည်း ဆောင်ဟွန်း သေချာပြန်စဉ်းစားမိသည်။ အစက သူ့ကို သဘောမကျလို့ ရှောင်နေတယ် ထင်မိခဲ့ပေမဲ့ ညက ကလေးမူးပြီး ပြောနေပုံအရ မချစ်တာတော့မဟုတ်။  ဘာကစပြီး ဒီလိုတွေဖြစ်တာလဲဆိုတာ ဦးနှောက်ကို အသည်းအသန် အလုပ်ပေးရတော့သည်။

ကလေးက လာမယ်ပြောတာတောင် မလာခိုင်းလိုက်ရတဲ့ အကြောင်းရင်းက အစ်ကိုဟီဆွန်းနဲ့ တီလေးဆိုသူကို တွေ့ဖို့ သွားရာက စ သည်။ ဒယ်လူနာစံအိမ်ကြီးက ထွက်လာပြီး အမျိုးအဆွေအကုန် မရှိတော့ဟု သိထားရာမှ ရုတ်တရက်ကြီး တီလေးနဲ့ အဆက်အသွယ်ရတယ် ဆိုတာကြောင့် ကလေးနဲ့ ချိန်းထားတာကို ဖျက်ပြီး သွားတွေ့ကြခြင်းပင်။ သူတို့ဒယ်လူနာမျိုးဆက်တွေ အစွမ်းတွေစွန့်လွှတ်ဖို့ ဆုံးဖြတ်ကြတုန်းက တီလေးက လက်မခံပဲ အစွမ်းကို ဆက်ထားရှိဖို့ ရွေးချယ်ခဲ့တဲ့ထဲက အနည်းစုဖြစ်သည် ။ ထိုလက်မခံတဲ့သူတွေ ဒယ်လူနာစံအိမ်ကြီးက ထွက်ခွာသွားပြီး ဘာအဆက်အသွယ်မှ မရခဲ့ ။ သူတို့ စံအိမ်ကြီး တိုက်ခိုက်ခံရတာနဲ့ သူတို့ နှစ် ၁၀၀ လောက် အိပ်စက်ခဲ့ရတာတွေကြောင့် ထို ခွဲထွက်သူတွေကို မေ့သွားခြင်းပင် ။ အခု အစ်ကိုဟီဆွန်းပြောမှ ဒယ်လူနာမျိုးဆက်ဟာ သူတို့ ၂ ယောက်တည်း မဟုတ်မှန်း ပြန်သတိရသွားတော့သည် ။

"ဆောင်ဟွန်း အဆင်ပြေရဲ့လား ဆောနူနဲ့ ချိန်းထားတာ ဖျက်လိုက်ရလို့ အားနာပါတယ်
တီလေးက ဒီနေ့တွေ့ချင်တယ်ပဲ ပြောနေလို့"

"အားနာစရာမှ မဟုတ်တာ အစ်ကိုဟီဆွန်းကလည်း ။ ကျွန်တော်လည်း တီလေးနဲ့ တွေ့ချင်ပါတယ် ပြီးတော့ ကလေးလည်း ဒီနေ့မှ စာမေးပွဲပြီးတာဆိုတော့ နားရတာပေါ့ ။ ဒါနဲ့ တီလေးနဲ့က ဘယ်လိုအဆက်အသွယ် ပြန်ရသွားတာလဲ"

"တီလေးတို့က စံအိမ်ကထွက်သွားတာနဲ့ ကိုရီးယားကနေ ထွက်သွားပြီး ဂျပန်ကို ရောက်သွားကြတာတဲ့ ။ ဟိုမှာပဲ တစ်အိုးတအိမ်ထူထောင်နေပြီပြောတယ် ။ အခုလည်း တီလေးအမျိုးသားက အလုပ်ကိစ္စနဲ့ ဒီကိုအလည်လာရင်း လိုက်လာရာက အစ်ကိုနဲ့တွေ့တာ ။ တီလေးလည်း စံအိမ်ကိစ္စတွေကော အစ်ကိုတို့ အကြောင်းတွေပါ သိတော့ ဆောင်ဟွန်းနဲ့တွေ့ ချင်တယ် ပြောလို့"