سحر : يمة
العنود : هلا
سحر : عادي تشغلين اغاني ؟
اسامة : ابشري ياست سحر
بحكم ان سحر ما تتحجب هي الوحيدة الي اعرفها من بين الباقيات لانهم كلهم منقبات ..
اسامة : سحر
سحر : هلا ؟
اسامة : شبغيتي اغنيه ؟
سحر : اي شي من ذوقك
شغلت اغنيه عبدالمجيد عبدالله ( اسمعني )
كنت اشوف اذا القردة ذي لسع تناظر فيني و رفعت عيوني على المراية و انخرشت اكثر و توترت ، طلعت تناظر الله يلعنها
اسامة : عمه عادي ادخن ؟
العنود : خذ راحتك وانا عمتك
قمت ادخن و يوم خلصت الى احس بيد تضرب فيني من وراي واسمع اسمي
نورة : اسامه خذ القهوة حرقت يدي ..
يويلي وش ذا الصوت ونعومته وربي يا انه جبر خاطر ..
اسامة : لبيه هلا ؟
نورة : خذ القهوة يا اسامة
اسامة : بسم الله وشهو ؟
العنود : ناوليني القهوة يانورة لا تنحرق يدك
اوففففف وش ذا الشعور حسيت بفراشات وابي اطير كل ذا الحنيه و الرقه والصوت الهادي من نورة ام لسانين .. طحت وماحد سما عليك يا اسامة
واخيراً وصلنا .. حرفياً كنت اسعد انسان لاننا وصلنا قابلت محمد وسلمت عليه وقام يضمني وينغزني مع خصري وانا ذي الحركه ترفع ضغطي واطلع اصوات لا ارادية و قعد يضحك بصوت عالي ..
اسامة : عله
محمد وهو مستمر : تكفى تكفى وحدة
اسامة بصوت عالي وغليض : يازق
محمد من الخرشه صنم بمكانه ، وانا انخرشت من نفسي اول مرة ذا الصوت يطلع .. وربي يخوف
شفت البنات ينزلون من السيارة و انا رحت للسيارة اخذ الدخان عشان ادخن ، بديت افتح البكت و انا مصدوم ان البكت شوي ويخلص بصوت عالي وانا انده على محمد
اسامة : محمد معك دخان ؟
سحر : خلاص دوبك مدخن
اسامة بمزح : ولو تبي اخلص البكت كله عشان عيونك
ضحكت سحر : لا خلاص لا تدخن
اسامة : بالله طيري
لفيت وجات عيوني بالغلط على القردة نضراتها تخوف ، ودي اقول خير فيه شي ، شفت نورة موجهه صوب خيمة الحريم وانا بخاطري اروح معها قلت لمحمد كل شي صار بالسيارة ..
اي صح للمعلوميه فهد وبدر رجعو الرياض فهد ما ادري ليش رجع الرياض بس بدر اهله يبون يسافرون تبوك ف رجع الرياض .. نرجع لمحور حديثنا ، نزلنا العفش وسوينا الخيم و بدينا نشب نارنا احمد ربي انه كان معي هودي لان ما توقعنا الجو يكون برد مثل كذا تجمدنا اخر الليل ..
بدا الكل يلعبون ويضحكون ما عدا انا ومحمد و كم واحد من العيال
الجد مهنا : يا اسامة خذ القدر ذا واغسلة
ياليل ما لقى غيري خلقه انا بردان
اسامة : ابشر ياجد بس وين ؟
الجد مهنا : خذ الماء من عند الحريم خلي وحدة من عماتك تعطيك الماء
يلعن ام الوناسه لارحت عند الحريم اكيد بشوف نورة .. هذا الي كان براسي
اسامة : ابشر ياجد
توجهت يم الحريم وبديت انادي على امي وعلى عماتي وقمت اتنحنح
جدتي فاطمة : تعال تعال ياوليدي تعال سلم على جدتك جميلة .
الصدق اشتقت لجدتي جميلة ( جميلة وهي زوجة الجد مهنا ) ..
اسامة : ارحبي ياجدة كيفس
جميلة : ياهلا ياهلا بقليبي هلا بولدي
اسامة : كيفس ياجدة جميلة ؟ طمنيني عنك شحالك ؟
جميلة : بخير بخير نحمد الله انت وينك لك مدة ما تزورنا ؟ شكلك مليت مننا وما اشتقت لنا
ضحك اسامة : لا لا وين محشومة ، والله ان الشوق لك قد الدنيا
فاطمة : اجل اشتقت لجميلة وما اشتقت لي يا الطقوع ؟
ضحكنا كلنا و بديت اخذ اخبارهم و اتطمن عنهم مر الوقت ونسيت ان جدي طلب مني اني اغسل القدر اكيد بموت اليوم ..
دخلت نورة وهي مبسوطة : جدة فاطمة جيعانه
ولأول مرة بعد مدة طويلة اشوف نورة ، ما اوصف لكم الشعور الي حسيتة ..
