اسامة : هلا يبه ، ايش بغيت ؟
عبدالله بعصبيه : ما قالت لك امك ترتب شنطتك ؟
اسامة بستغراب : لا ، اصلاً ما شفتها اليوم ولا قابلتها
عبدالله : طيب الله لا يهينك تنقلع الحين غرفتك وترتب شنطتك بكرا بنطلع للديرة
صدمت عمر مرت علي ولا حسبت حسابها ، حرفياً جاتني صدمة ما قدرت اتكلم من الصدمة ، تكفى يبه انا اكره طاري الديرة كيف تبغاني اروح لها
اسامة : ابشر
ركضت للغرفه عشان اعلم العيال لان لو ما ساعدوني المره ذي بموت اتصلت بالقروب وردو
محمد : ها ايش المصيبه الي مسويها ؟
اسامة : ابشركم يا عيال
فهد : ابوك تزوج الثانيه ؟
اسامة : مو وقتها تكفى يا فهد
بدر : طيب علمنا ايش صاير
اسامة : بكرا بنطلع الديرة تكفون تعالي هربوني سو اي شي بس لا تخلوني اروح الديرة
محمد : بس هذا الموضوع !!!
اسامة : اجل ايش تبغى ؟
بدر : ياولد كلها يومين وترجعو تحمل
فهد : عندهم بنات حلوات بالديرة ؟
اسامة : يا عيال مو وقت الطقطقه ، ساعدوني ايش اسوي ؟
محمد : سهله كلم ابوك وقله ما راح تروح
اسامة : اي تبغون الفكه مني
بدر : كيف يعني ؟
اسامة : يعني تبغوني اموت ؟
بدر : بسم الله عليك ، لا تجيب طاري الموت يا غبي اقداركم من افواهكم ما تفهم انت ؟
محمد : سيمو ابوك وين الحين ؟
اسامة : تحت جالس بالصاله
محمد : زين اجل جاينك
قفل محمد الخط بوجهي ...
فهد : صدق بنروح لعمي عبدالله ؟
محمد : ايوا
فهد : مجنون انت تبغانا نموت
بدر : وليش نموت ، مو انت الي دايم تقول خلو قلوبنا على بعض واي شي يصير على واحد مننا يصير علينا كلنا ؟ وين فهد ولد سلطان الي يقول ذا الكلام ، الولد قال تكفى يافهد تبغى نترك اخونا لحاله ؟
فهد شاش راسه
فهد : ابك يحتزم الامير هالحين جايه ولد سلطان
ضحك محمد ومات بدر من الضحك
بعد كم من ساعة وصلو العيال يم بيتنا ودخلو يم ابوي عبدالله
عبدالله : ارحبو يا عيال اقلطو
يا بنت سوي القهوة
محمد : كيفك ياعم طمنا عنك ؟
عبدالله : والله بخير يا عيالي انتو كيفكم وكيف اموركم ؟
محمد : الحمدالله بخير وامورنا كلنا تمام
عبدالله : ياربي لك الحمد وانت يا فهد كيف ابوك
فهد : ابشرك بخير
بدر : يا عم حن جاينك نبيك بموضوع
عبدالله بستغراب : طيب وليش الرسميه قل الي عندك
محمد : يا عم جانا خبر انك بتطلع الديرة
عبدالله : ايوا ؟
محمد : وحن نبي اسامة يقعد عندنا بالرياض لان كنا ناوين نطلع جدة ونروح الطايف ونتمشى
عبدالله : وابوك داري انت وياه ؟
محمد : اي بكلمه شويات
عبدالله : اي اي ما عليك هالحين تلاقي ابوك يجهز الشنط
محمد بستغراب : كيف ؟ شقصدك ياعم
عبدالله : انا وابوك ناوين نطلع الديرة عشان جدك مهنا
محمد : وليش ؟ شفيه جدي !
عبدالله : جدك مهنا مسوي عمليه ودوبه راجع الديرة وهناك مسوين عشاء وناوين يسو فعاليات للاطفال
محمد : طيب وحن ايش دخلنا ياعم ؟
عبدالله بعصبيه : ايش الي وش دخلنا ؟
اسامة : هد هد يبه يعني محمد يقصد ايش دخلنا بالجد مهنا يعني المفروض انت تروح و ترجع مو لازم حن نروح
تعرفون شمعنا زادنا الطين بله هذا الي صار
عصب عبدالله وبصوت حاد
عبدالله : انقلع انت وياه على بيتكم وانت والله لاكلم ابوك واعلمه ايش قلت قال ايش دخلنا ، روح ياورع انت وياه
قمنا كلنا مع بعض من الخوف وكل واحد راح بيته
دق جوالي الى الاقيه قروب العيال
اسامة : هلا
محمد : ياولد وربي ابغى اذبحك
بدر بضحكه : هدي هدي
اسامة : شدخل ابوي انا
بدر : انت زدت الطين بله ليتك انثبرت ولا تكلمت
فهد : عادي يا عيال ، سهله
اسامة : ايش السهله !
فهد : مو انت ومحمد بتروحو الديرة ؟
محمد و اسامة : ايوا ؟
فهد : عادي انا وبدر نلحقكم و نروح كلنا الديرة نغير جو و نشوف اجوائكم
بدر : والله فكرة ذكرني ابوس راسك ، احس تحمست يلا يلا يا عيال نتقابل بالديرة
محمد مات ضحك على بدر
اسامة : يا عيال طفش والله بنموت هناك
محمد : ياولد دامنا كلنا مع بعض بنغير جو بعض
اسامة : اجل توكلنا على الله
صباح اليوم الثاني دخل عبدالله على اسامة وهذي اول مرة يدخل غرفة اسامة ...
عبدالله : اسامة ياولدي قم يلا بنتأخر قم
اسامة : ابشر هالحين قايم
قمت وتجهزت وقعدت شوي اشوف جوالي واشوف بدر متحمس بالقروب ومن حماسه مانام قعدت اضحك على كلامهم وشفت اضافه بعد بس متعود على اضافات السناب كانت بنت واسمها شيماء وللأمانه قبلت الاضافة كان الوضع عندي عادي رحبت بها و طلعت من المحادثة سمعت صوت ابوي يناديني وبعد كم دقيقه حركنا للديرة ومرينا بيت عمي عبدالكريم ابو محمد وتوجهنا للديرة ...
