واخيرا بعد ما مت من الطفش طلعوني ..
شفت جدي مهنا
اسامة : ارحب ياجد
مهنا : البقى ياجدك
اسامة : لا اوصيك قل للي بالديرة اني طلعت ، يعني طمنهم عني
مهنا : ما عليك ما عليك
شفت جدي يتصل على جدتي فاطمة
فاطمة : هلا ايش صار
مهنا : ابشرك طلعوه
كنت اسمع صياح جدتي وزغاريط كنت اسمع فرحتهم فيني وهذا وانا كلها كم يوم الي قعدتها بالمستشفى
مر شهر رمضان على خير وباقي كم يوم ونروح للديرة اول مرة اتحمس للديرة بذا الشكل ..
ريتاج : اسامة يمه
اسامة : لبية ؟
ريتاج : جهز شنطتك وحط اغراض العيد بها
اسامة : ليش ؟
ريتاج : بكرا بنروح للديرة يبونا نكون معهم ونجهز كلنا توزيعات للعيد و نجهز للعيد سوا
اسامة : اها ، تمام
اوف يافرحتي بذا الوقت ما تنوصف ، اخيراً اخيراً بشوفك ..
ريتاج : اسمع ابيك تروح للسوبر تشتري اغراض
اسامة : اغراض مثل ايش ؟
ريتاج : مفرحات و حلويات و اكياس للعيدية وذي الامور
اسامة : اها تمام ابشر
قمت بسرعة لبست جات خطة ببالي وقتها ، رحت لاكبر سوبر بالرياض وصرت اشتري كل مالذ وطاب من شبسيات وحلويات وبساكيت و علك وكل شي ما خليت شي الى وخذيته بعد ما خلصت رحت و اشتريت لنورة اشياء خاصه لها خذيت لها شبسيات وبساكيت بحميع انواعها جالكسي كندر توكس مارس كل شي بعد ما خلصت حاسبت على الاغراض ورحت يم المول دخلت محل مجوهرات معروف وخذيت لها طقم كامل كان هادي مثلها ورحت اشتريت لها عطر ريحتة فواحة وهادي بس ثابت بعد ما خلصت حطيت اغراضها على جنب ورحت بعدها لمحل هدايا خليته يحط الشبسيات والبساكيت واغراضها كلها ببوكس هدايا .. بعد يوم مليان من الصرف رحت لامي ابغى اقول لها توصل ذي الهدية لنورة بس كيف افتح معها الموضوع ؟
اسامة : يمة
ريتاج : هلا ، ايش هذا ؟
اسامة : بوكس مفرحات
ريتاج : لمين ؟
اسامة : بقول لك بس لا تعصبي علي
ريتاج : قول
اسامة : انا احب نورة و ابي اوصل لها هالهدية بس ما عرف ف مافيه غيرك يوصلها لها
ريتاج بأبتسامة : كان جبت بعد جوال للست نورة ؟
اسامة بصدمة : كيف !
ريتاج بضحكة : ادري انك تحب نورة
اسامة : كيف ؟
ريتاج : انا امك واعرف كل شي ، مافيه شي ما اعرفه عنك قلب الام يحس
اسامة : طيب اجيب جوال ؟
ضحكت امي
ريتاج : روح طق لها اخر موديل
يوه لو تشوفو فرحتي كنت راح اطير من الوناسه
رحت لجرير و اشتريت لها جوال وخذيت لها سماعات و طلعت لها رقم كله عشان اراضيها .. حسيتها زعلانه مني
غلفت الهدية في باقة ورد واول ما رجعت للبيت خذت امي مني الهداية و قالت لي انها بتعطبها نورة بنفسها وبتقول لها انها مني ...
