اليوم الي بعدة رحنا الديرة واخيراً
اول ما وصلنا لقينا الكل متجمع عند بيت جدي كالعادة يعني مو شي جديد اول ما نزلت
اسامة : يمه لا تنسي هدية نورة
ريتاج : طيب طيب ترا اكلت راسي
ابتسمت لامي واول ما دخلنا بدؤ الكل يرحبون في امي شفت نورة قاعدة مع البزارين
اسامة بصوت واطي : نورة
التفتت علي وركضت وضمتني بقوة
صنمت مكاني من الصدمة ، واستوعبت نورة ايش سوت وقامت تعتذر
اسامة : روحي يم امي سريع
نورة : يمه ليش ؟
اسامة : مفاجأة
نورة بتوتر : تكفى ايش صاير ؟
اسامة : ماراح اقول روحي بسرعة
نورة : ما ابي ادخل
اسامة : بتدخلين
نورة : ماراح ادخل
اسامة : والله غير تدخلي
دفيت نورة عشان تروح تشوف امي ، واخيراً دخلت بعد عناد
ريتاج : هلا هلا ياهلا والله
نورة بستغراب : اهلين فيك يا عمة ، كيفك
ريتاج : والله بخير انتي كيفك ؟
نورة : ابشرك بخير
اول ما دخلت توترت وتوترت اكثر من ترحيب عمتي ريتاج اول مرة ترحب فيني كذا ، جاء كل شي ببالي خفت ما ادري من ايش خفت بس خفت .. جلسنا احتمال ربع ساعة مابين السوالف نادتني عمتي ريتاج
ريتاج : نورة بنتي تعالي شوي ابيك
ياويلي يا التوتر رجلي مو قادرة تشيلني من التوتر
نورة : ابشر ياعمة
رحت مع عمتي ريتاج و هنا كانت الصدمة ..
بدأت تعطيني كرتون هدايه فيه بطاطس وبسكوت واشياء كثيرة بعدين اعطتني ورد وبوسطه هدية
ريتاج : ها ماتبين تفتحينها ؟
دخلت امي وعمتي
هدى : الله الله وش ذا
ريتاج : هذي هدية لنورة
هدى : ايش المناسبة ؟
ضحكت ريتاج : وهو لازم مناسبة
ريتاج : يلا افتحيها نبي نشوف ذوق اسامة
يويلي يوم قالت كذا وقعدت تغمز لامي تمنيت يغمى علي ثاني توترت الف ، فتحت الهدية وعمتي ريتاج تصورني اول ما فتحتها انصدمت بأيفون اخر موديل جيت اموت ايش هذا الله يلعنك يا اسامة ايش ذي الورطة ما عرفت انطق ولا عرفت اقول شي حرفياً تصنمت في مكاني
ريتاج : والله ولدي طلع ذويق
هدى : ولد منو
ريتاج : ولدي اكيد
ضحكو عماتي .. وانا من التوتر ما غير اوزع ابتسامات
بعد ما خلصت رحت وضميت عمتي ريتاج وشكرتها وليتني بس شكرتها
ريتاج : المفروض الحضن ذا والبوسات لاسامة
وترجع ترسل غمزات لامي وهم يتضاحكون
يمه والتوتر توترت توترت خلاص تكفون اطلعو
بعد كم ساعة قامو البنات يسون توزيعات العيد
سارة : ما شاء الله نورة من وين لك ذا الجوال ما شاء الله
نورة : جاني اليوم هدية
سحر بغمزة : حركات من مين ها
وقعدو يضحكون ويتناغزون
امجاد : على البركة
نورة : الله يبارك فيك
دخلت شيماء علينا
شيماء : سمعتكم تباركون على ايش ؟
سارة : على الجوال الجديد حق نورة
شيماء : ما شاء الله اشتريتيه ؟
امجاد : لا عمتي ريتاج اشترته هدية لنورة
شيماء : عمتي ريتاج ؟
امجاد : اي
شيماء : عمتي ريتاج ولا اسامة ؟
نورة : ايش هذا الكلام الي تقوليه يا شيماء عيب
شيماء : عيب ! حلو ما شاء الله صرتي تعرفين العيب الحين ؟
سحر : شقصدك انتي ؟
شيماء : مدري بس اتوقع شفت قرين نورة جالس مع اسامة بذاك اليوم في البر
الله يلعنك يا شيماء يويلي صدق ياويلي بموت بموت خلاص .. من التوتر انخرست كلياً
سحر : وانتي ايش دخلك ؟
شيماء : انا ايش دخلني ؟ ، ايش راح تقول عمتي هدى لا درت انك تحبين اسامة وتقابلينة من وراها ؟
سارة : عادي مافيها شي لا قابلت خطيبها
من الصدمة نطقنا كلنا : كيف ؟
سارة : اليوم اسامة خطب نورة من جدي بالمجلس و عمتي ريتاج قالت للعمتي هدى وعمتي هدى قالت لي امهد لنورة الموضوع واكلمها وقلت لها كل شي كان بين نورة و اسامة
اقدر اقول لكم ان الفرحة صارت فرحتين الحمدالله
واخيراً نورة قريب بتصير حلالي وام عيالي ..
كلمت نورة بالجوال
اسامة : قبل شهر سألتيني سؤال
نورة : ايش هو ؟
اسامة : ايش بعد ذا الحب ؟ وصلك جوابه ؟
ضحكت نورة : اي وصلني
The End
يعطيكم العافية على صبركم و نشركم
لقصة : رحلة الى الديرة
اتمنى انها نالت اعجابكم 🫂
