والحمدالله على سلامتي وصلت الرياض بعد ساعات ومسافات طويلة كان همي الوحيد اني ارجع البيت انام ، خلاص تعبت
رجعت البيت اول ما رجعت على طول طلعت لغرفتي ورقدت ما قابلت لا امي ولا بهار وميرا ولا حتى سألت ابوي شصار معه ..
من التعب ما صرت ادل الى غرفتي
صحيت عقب الساعة 3 الفجر
كنت جوعان ، نزلت تحت عسى الاقي لي اكل اكلة
اول ما دخلت المطبخ وفتحت الثلاج لقيت فوتشيني بالربيان ، لاني من عشاق الربيان مستحيل اقاومها
حميتها بالميكرويف ورحت يم غرفتي شغلت لي فيلم ودي اقول Movie بس مالي خلق الانجليزي ابداً خليني على العربي وخليني اكمل القصه بسلام ...
فتحت السناب وبديت اقلب بالمحادثات
شفت قروب العيال ماحد ارسل قلت اشوفهم اذ نطلع الصباح او لا
اسامة : يا عيال شرايكم نطلع الصباح اي كوفي او اي مكان
فهد : غريبه رجعت ؟
اسامة : اي رجعنا لان صارت مشكلة بشغل ابوي وعمي
فهد : اها اجل زين نشوف
قفلت الجوال وقعدت اتابع الفيلم فجأة يدق جوالي واثرة فهد
فهد : ياولد ايش صاير
اسامة : الواحد يتطمن يسلم مو ياولد ايش صاير
ضحك فهد : تعرفني ما احب اسأل و اتطمن احب ادخل بالموضوع على طول
اسامة : اي والله ادري
فهد : طيب قلي الحين ايش صاير ؟
اسامة : ايش صاير !
فهد : اي ايش صاير
اسامة بعصبية : ايش الي ايش صاير ؟؟؟
فهد : ياليل ، يعني ايش صار معك بالديرة ياثور
اسامة : اها قول كذا من البدابة مو لازم ترفع ضغطي
فهد : اخلص اخلص تكلم بس
اسامة : ماصار شي
كنت بيني وبين نفسي افكر اقول للفهد ولا اسكت واخليه سر بيني وبين محمد .. كنت متشتت بسببك يانورة
فهد : علينا ؟
اسامة : اي والله ما صار شي طلعنا كشتنا يومين و اليوم الي بعده وحن راجعين دق ابوي وقال انه طلع الرياض ويبينا نلحقه انا و محمد وبس وامس المغرب الي رجعت
فهد : اما ، يلا الحمدالله على سلامتك
اسامة : فهد انقلع خليني اتابع فيلمي
فهد : شرايك ادخلك قروب مكس دامك طفشان فيه بنات هناك مزز ؟
اسامة : لا ما ابغى بتابع فيلمي و اكل
استغرب فهد من جوابي متوقع اني بقول مثل كل مرة قدام او يلا او كفو او اي شي بس ما توقع ولا واحد بالمية جوابي ذا ..
فهد : فيك شي ؟
اسامة : لا ، ليش ؟
فهد : مدري ، حاس ان فيك شي
اسامة : ما فيني غير العافية الحمدالله
فهد : زين ، يلا يلا اتركك تتابع
قفل فهد الخط و انا قمت اتابع الفيلم و في نص الفيلم تذكرت سؤال ( ايش بعد ذا الحب )
صرت افكر وصارت افكاري تجيبني وتوديني كأني لعبة بين يد سؤالك ...
حطيت راسي على المخدة من الصداع الي احسه عسى انام وليتني ما حطيته اول ما حطيت راسي الى ويمر سؤالك حاولت ادورله جواب بس مالقت جوابه
دقيت على محمد الساعة 5 ادور الجواب
محمد : هلا يا حب
اسامة : محمد
محمد بستغراب : هلا ؟
اسامة : بسألك
محمد : قول
اسامة : ايش بعد ذا الحب ؟
محمد : كيف ؟
اسامة : سألتني نورة امس بالسيارة ايش بعد ذا الحب ، حاولت ادور جوابه واحمد الله ان عمتي هدى قطعت كلامنا ولا كان نورة ما راح تناظر بوجهي مرة ثانيه
محمد : ماعليك لا تفكر بالموضوع ، وجواب هذا السؤال مع الايام بيبان وبتعرف الجواب
اسامة بتوتر : خايف افقدها
محمد : لا تفكر بالموضوع ولا تخاف ، اذا ربي كاتب لكم نصيب مع بعض بتكونو لبعض لو العايلة كلها معارضين .. قم صل الفجر وادع ربك انها تكون من نصيبك
قفل محمد الخط وخذيت بكلامة ، قمت توضيت وصليت ودعيت ربي انها تكون من نصيبي .. صرت اصلي فروضي الخمس كلها وبشكل منظم مو مثل اول متقطع صرت ادعي ربي بكل سجدة انك تكوني من نصيبي ...
