الأجازة ومين مايحب الاجازة ؟.
صباح الخيييير لكل العالم صباح الخير يادنيا ..
يوم الثلاثاء إجازة ويوم ميلادي تقدرو تقولو انه انضرب عصفورين بحجر واحد ، اوه ما عرفتكم على نفسي انا اسامه وحيد امي لكن ربي معوضني بأولاد خالتي و أخواني الحمدالله واكبر مثال محمد وفهد و بدر الثلاثة ذول لو يخيروني بينهم و بين الملايين مستحيل اختار غيرهم ، بتكلم لكم عن حياتي الحاليه وروتيني اليومي .. اسامه و عمري 24 ابوي تاجر و معروف في مجال التجارة و امي مدرسة تدرس ثاني ابتدائي لانها تحب الاطفال وانا انا هذي اخر سنه لي بالجامعة وادرس تمريض روتيني اليومي دايم مع العيال نطلع بعد ما اخلص من الجامعة ومن الجامعة للبيت اريح شوي ثم يدقون علي العيال و نطلع نروح اي مكان في العالم اهم شي نستانس و ابوي مستحيل يسألني وين رايح ومن وين جاي ايش اشتريت ومن ذا الكلام ف اخذ راحتي بالطلعات و بالفلوس و اشتري الي ابيه واي شي بخاطري اجيبه ، بس بتكلم شوي عن اهل ابوي واهل امي ، اهل ابوي عايشين في قريه و اهل امي عايشين في مدينه و امي و ابوي ما بين حضر و بدو اما انا مالي بالبداوه شي يعني صح اني اعرف ان لازم نكرم الضيف و نذبح له الذبيحه اي صح نسيت اعلمكم صح ابوي تاجر بس بعد فيه عرق البداوه لسع يعني عنده مزرعه كبيره وبها حلال منها الغنم ومنها النياق و ما الى ذلك اما انا لاني ما احب ريحت الابل والغنم ما اروح هناك ودايم بالاسطبل عند خيولي وكلبي لاني من عشاق الخيول ابوي اشترا لي اسطبل كامل .. ودامي عرفتكم على نفسي خليني اعرفكم على العيال :
محمد هو ولد خالتي وولد عمي ابوه يشتغل مع ابوي واقدر اقول لكم انه بدوي اكثر مني بس له بالحضارة بعد شخص سيده ماله بالف والدوران يعصب لا كذبت عليه انا وفهد .
اما فهد ضروفه الماديه عاديه مو مثلنا على قولته من الطبقه المخمليه ، ما بتكلم عن خواته ولا عن اخوانه لان ما احب ادخل بالتفاصيل بس هو اكثر شخص داهيه عرفته في ذي الحياه اكثر شخص احبه و اكثر شخص معي كل مصايبنا سوا يعني صح ان كلنا مصايبنا مع بعض بس مصايبي انا وفهود غير حيل غير ، فهد يحب شي اسمه رفاهيه اوف قلبه فندق مستحيل تلاقي غرفه فاضيه وان بغيت غرفه وعجبته بيطرد لك اي شخص من قلبه بدون اي سبب يعشق شي اسمه تصوير وما يحب احد يغلط علينا صح انه عصبي و كريه بس حنون احن من محمد بعد
بدر الهادي الصادق المزيون النتفه كل الصفات الحلوه فيه ولو بمدحه من اليوم لبكره ما بوقف ، احب ذا الادمي والله احبهم كلهم
اقدر هالحين ابدأ بقصتنا و ايش صار معنا ...
