بذي اللحظة حطيتي يدك على شفايفي عشان اسكت جاء لحظت صمت و كان بخاطري اقول لك وقتها اني جد احبك و اقول لك عن كل المشاعر الي مخبيها لك و لو تبي وقتها اقدر اعطيك شعر او اغني لك اي شي تبيه مني وقتها بسويه كنت ابي اعترف لك عن المشاعر القديمه الي بالاول كنت اهتم لها ويوم كبرت ما اهتميت لها ويوم شفتك رجعت لي المشاعر ..
كانت نظراتك تخطفني نسيت روحي ونسيت يدي الي على شفايفك ، مستحيل انسى الشعور الي حسيته بذا الوقت ..
اسامة : شيماء
نورة : كيف ؟
كنت احسبك غلطت بأسمي كان بخاطري اعطيك كف
اسامة : شيماء طلعت من الخيمة
نورة بتوتر : يمه تكفى لا تشوفنا سوا
اسامة : نورة
نورة : لبيه ؟
اسامة : ليش خايفة ؟
نورة : اخاف احد يشوفنا سوا ويصير لك شي
اسامة : لا تخافي دامك معي
نورة بأبتسامة : سيمو انا بمشي
اسامة : سيمو !
نورة : اي بدلعك فيها شي ؟ تحمد ربك اني قاعدة ادلعك
اسامة : هدي هدي ما قلت شي دلعيني جعل ما يدلعني غيرك
اسامة : نوير
نورة : نوير ؟
اسامة : نورتي ؟
نورة : عيونها
اسامة بابتسامة : انتبهي لنفسك و نوم العوافي
نورة : يعافيك
تركتك بذاك الوقت وانا مالي خاطر اتركك ..
وجهت للسيارة و ما حسيت على نفسي ورقدت
صحيت على صوت العيال وهم يصارخون
قمت واول ما قمت شفت محمد بوجهي
محمد : قم ياحج
اسامة : قمت قمت يا بعصه
محمد : يلا قم غسل وجهك الحريم قاعدين يسون الفطور
اسامة : ليش متى نمشي ؟
محمد : على الساعة 10
اسامة : اما ؟
محمد : اي
قمت فزيت من مكاني ورحت غسلت وجهي وشغلت سجارتي وقعدت ادخن وانا انظر على خيمة الحريم ، يا زين الزين صدق .. اول ما خلصت توجهت لجدي
اسامة : ياجد
مهنا : ها ؟
اسامة : شرايك نقعد يوم ثاني
مهنا : ليش ؟
اسامة : والله الجو حلو وجازتلي القعده
مهنا بضحكة : زين زين
محمد : غريبه منك تبي تقعد ؟
اسامة : جاز لي الوضع
محمد : تكلمت عشانك ولا عشانها ؟
اسامة بضحك : خلاص عاد لا تفضحنا ما صدقت على الله انها صارت
محمد بصدمة وخوف وتوتر : ايش الي صارت ؟
اسامة : بسم الله لا يطير بالك بعيد ، اقصد قعدنا واعترفنا لبعض
محمد جاه صمت طويل
اسامة : ندخل ؟
محمد : ليش
اسامة : برد
محمد : براحتك ادخل انت
ندمت اني كلمت جدي وقلت له نقعد يوم ثاني .. طفش طفش طفش وما صار شي ابداً لا انا الي شفت نورة و لا حتى لمحتها
مر اليوم مثل السنه تمنيته يخلص بسرعه مت الملل والطفش الي صار
جاء صباح اليوم الثاني واسمع صوت حنون بأذني
اسامة قم .. اسامة اسامة سيمو
اسمع اسمي يتكرر واثرها حبيبت القلب
نورة بصوت هادي : اسامة قم عمتي والبنات الحين يجو
اسامة : ليش شصاير ؟
نورة : بنرجع البيت
اسامة : شرايك نهرب انا وانتي بس ؟
ضحكت وتركتني وراحت ...
يوه هالحين تجي القردة مالي خلق لها ولا لي خلق اتوتر بسببها ، نزلت وخذيت لي سجارة وبديت ادخن
ركبو الكل سياراتهم وبدؤ يحركون اما انا مستكن بسجارتي ..
ركبت وكالعادة نورة وراي .. اول ما حركنا حطبت اغنيه رابح صقر ( دخيلك بس احظني )
مديت يدي على نورة ابيها تمسكها .. كنت خايف انها تسفهني بس صدمتني وامسكت يدي كان احلا شعور
في نص الطريق بدأ جوالي يدق ويا فرحة ما تمت
اسامة : الو ، هلا
عبدالله : خذ امك و الحقني الرياض
اسامة : ايش صاير ؟
عبدالله : صارت مشكله في التجارة وانجبرت انزل الرياض انا وعمك
اسامة : ابشر ابشر بنزل عمتي واخذ امي
عمتي العنود : ايش صاير ؟
اسامة : صارت مشكلة في تجارة عمي و ابوي و انجبرو يرجعو الرياض وطلب مني اخذ امي والحقه للرياض
العنود : يا ساتر
ناظرت بالمرايا ويا عساني اشوفك .. مديت يدي لك ومسكتيها بقوة كأنك تقولي لا تروح
كنت اتكلم مع عمتي العنود بس عشان تفهمين انتي سبب رجوعي و ايش احس
اسامة : عاد تدرين يا عمة
العنود : اي ؟
اسامة : مالي اي نيه ارجع للرياض الحين
العنود : يوه ليش ايش صاير ، ما كنت تكلمني بالجوال و تقول لي ان مالك خلق للديرة و كنت شوي وتصيح
اسامة بضحكة : صح هذا اول اما الحين وضع الديره جازلي ، القعده فيها حلوه
وقتها شديت على يدك عساك تفهمين
في نص كلامنا و سوالفنا اتصل جوالي وكان محمد
وانا مسميه بالانجليزي حبيبي ..
العنود : حركات ماي لوف ؟
اسامة بضحكة : هلا يا روحي
محمد : وينك
اسامة : بالديرة
محمد : لا تستهبل ادري انك بالديرة
اسامة بضحكة : بنزل عمتي و البنات بيت جدي واخذ امي و اطلع الرياض
محمد : خذيت خالتي و خذيت اهلي و نزلت فيهم الرياض
اسامة بستغراب : كيف ؟ طيب وانا
محمد : انت ارتاح شوي في بيت جدي و بعدها اطلع و انا بقول لعمي اني انا الي قلت لك
اسامة : ياولد بالله انثبر
محمد : ما تبغى تودع حمد ؟
اسامة : من حمد ؟
محمد : حمد خويك الجديد
اسامة بضحكة : اها ، زين زين
محمد : اي اي ، زي ما قلت لك ريح وارجع
اسامة : زين انتبه لطريقك
بعد ساعة وصلنا للديرة
العنود : لا هنت يا اسامة نزلتي بيتي عشان زوجي رجع من الشرقية
اسامة : ابشري ياعمة
انبسطت حيل ان عمتي تبي تروح لبيتها لان وجه القرد بيتها جنب بيت عمتي و خذيتها فرصه انزل البنات و اروح انا و نورة يم بيت جدي لان نورة وامها يعيشون عند بيت جدي ( عمتي هدى زوجها مسجون من قبل 12 سنه من يوم ما كان عمر نورة 11 وهي اصلاً وحيدة امها )
بعد ما نزلت عمتي بديت انزل البنات بيوتهم ، بحكم ان الديرة صغيرة و البيوت جنب بعض سهل علي اني انزلهم كلهم و ما صار معي بالسيارة الى نورة
اسامة : نورة ..
نورة : هلا
اسامة : تدرين شي ؟
