نرجع لأسامة الفتى المدلل ..
محمد : ايش فيك لك كم يوم مو عاجبني ؟
اسامة : ما فيني شي
محمد : هو نفس الموضوع ؟
اسامة : اي مافيه غيره
بدر : ايش هو الموضوع
فهد : لك فترة متغير ترا ، لا تحسب اني مو ملاحظك ، فيك شي انت ومحمد تعرفوه وحن ما نعرفه ؟
محمد : السالفة ومافيها ان اسامة راح الديرة بقلب ورجع بدون قلب
بدر بضحكة : اما عاد
فهد : حلوة ؟
اسامة : يا عيال اسكتو شوي
فهد : طيب معك سنابها ، رقمها شي ؟
اسامة : بالله عليك لو معي بتلاقيني كذا ؟
فهد : طيب ليش ما اخذته ؟
اسامة : البنت ما معها جوال ، بالديرة هناك ما عندهم جوالات
بدر : اها كذا الموضوع
فهد : طيب جيب لها جوال هدية
محمد : هوب هوب شوي شوي
اسامة : فكرت فيها بس صعبه
محمد بستغراب : كمان فكرت فيها حلو حلو ، زين انك عارف انها صعبه عشان تجيك عمتك هدى وتذبحك ها
بدر : يا عيال صبر شوي
اسامه : شعندك يا اينشتاين ؟
بدر بغمرة : بفكر لك بفكرة جبارة بس صبر
اسامة : يلا نشوف
فهد : الحين يقول رح تزوجها
بدر : ه ه ه تافه ، هو الصدق مالك غير الزواج بس توك صغير شوي شوي على نفسك
محمد : تكفو فكونا من طاري نورة بكرا صيام ، مالك يا سيمو غير انك تدعي كل يوم برمضان وربك بيحلها
كنت ساكت و اسمع كلام العيال و اخذ برايهم
بعد مدة وتقريباً ما بين 15 الى 18 رمضان تعبت وسخنت حيل كنت انام واصحى على المغذيات والابر ..
وصل خبر تعب اسامة لجدي ونزل علي مثل الساعقة
تفاجئت انك تعبان لدرجة ان جدي نزل للرياض عشانك والكل كان خايف ما كنت فاهمه شي غير ان اسامة تعبان كانو عماتي وزوجات عمامي يتكلون وانا ما افهم شي ..
سحر : يمة اول مرة اشوف اسامة كذا
سارة : اشوف اشوف
كانو سارة و سحر يطالعون على صورتك بالجوال لفت سحر الجوال علي و ورتني الصورة كان جسمك مليان ابر و الاسلاك في كل مكان وقتها كان قلبي بيوقف لو ما درت سارة ان بيننا علاقة قالت سحر لسارة كل شي بكيت بقوة وصرت اشهق خفت يصير فيك شي وافقدك مثل ما فقدت ابوي ...
مهنا : وين حفيدي ؟
عبدالله : عانه بالعناية منومينه خوف يصير له شي
مهنا : ايش قالو الدكاترة ؟
عبدالله : قالو ان حرارتة مرتفعه و ممكن تأدي للوفاة
مهنا : إن لله وإن إليه راجعون ، وش ذا الكلام
دقت جدتي على جدي اليوم الثاني
فاطمة : مهنا كيف اسامة طمنا عنه ؟
مهنا : يقولو الدكاترة الي هنا ان حرارتة مرتفعة وممكن تأدي للوفاة ادعوله ادعوله
فاطمة : إن لله وإن إليه راجعون
اول ما سمعت جدتي قالت كذا اغمى علي ولا عاد عرفت ايش صار بعدها ..
صحيت و امي وجدتي والكل حولي
هدى بدموع وصياح : ايش فيك يا بنتي ؟
فاطمة : يا هدى استهدي بالرحمن خلي البنت تصحصح
بدأت جدتي تقرأ علي القرأن وانا مابين الواقع والخيال ما تذكر ولا شي ..
نورة : ايش صار ؟
سارة : اغمى عليك
نورة بدموع : قبلها
فهمتني سارة ايش يقصد جدي ..
سارة : ما عليك ما مات
ارتحت وقتها بس
سارة : يقولون ان معه حرارة وان الحرارة اذا ما نزلت تأدي للوفاة عشان كذا جدتي قالت إن لله وإن إليه راجعون
قمت غسلت وجهي وصليت دعيت ربي انه يحميك ويحفظك ويبعد عنك الحرارة
بعد كم من ساعة جاء لجدتي خبر ان حرارتك نزلت و نقلوك لغرفة عادية و لو استقر وضعك بيطلعوك بكرا ...
