bossကို ချစ်မိသွားပြီဆိုတာ ကိုယ့်ကိုယ်ကိုယ်သိလိုက်ရတဲ့အချိန်ဟာ အရမ်းကိုနောက်ကျနေခဲ့တယ်။
ချစ်တယ်ဆိုတဲ့စကားဟာ ထာဝရသိမ်းဆည်းထားရမယ့် ဝတ္တရားတစ်ခုဖြစ်ပြီး ထိုစကားကိုbossလည်းဘယ်သောအခါမှ ကြားနိုင်မှာမဟုတ်တော့။
ဖြစ်ချင်တာထက် ဖြစ်သင့်တာကိုဦးစားပေးရတာတွေ ဘဝမှာများလှသည်။
ချစ်တယ်လို့ ဖွင့်မပြောခဲ့ရတဲ့ နောင်တတွေ
မချစ်သင့်တဲ့ လူကိုချစ်ခဲ့မိတဲ့ နောင်တတွေ
အစကတည်းက တွေ့ဆုံဖို့မသင့်ခဲ့တဲ့လူနှစ်ယောက်...."အကိုဟိုဆော့"
ဆိုင်တံခါးကိုဖွင့်ဝင်လာတဲ့ လူကိုကြည့်ရင်းဟိုဆော့နှစ်လိုဖွယ်ပြုံးပြလိုက်မိသည်။
J Groupမှာ သူအလုပ်မလုပ်တော့ပေမယ့် အဲ့ဒီကလူတွေနဲ့တော့အဆက်အသွယ်လုပ်တုန်းပဲ။"ဂျယ်နို လာလေ ဒီနေ့ရုံးမတက်ဘူးလား"
"ဟီး အလုပ်ပြုတ်လာတယ်"
"ဘယ်လို"
ဟိုဆော့ထိုင်နေတဲ့ ကောင်တာရဲ့မျက်စောင်းထိုးက သစ်သားစားပွဲဝိုင်းလေးမှာ ဝင်ထိုင်ရင်းထိုသူက အရယ်တဝက်နှင့်ပြုံးပြသည်။
ဟိုဆော့လည်းအဲ့ဒီစားပွဲဝိုင်းမှာဝင်ထိုင်လိုက်သည်။"ဘယ်လိုဖြစ်လာတာလဲ"
"ဂဂျီဂဂျောင် CEOပေါ့ ကော်ဖီဖျော်ခိုင်းတာအရမ်းချိုသွားတယ်ဆိုပြီး တမင်ပြဿနာရှာလိုက်တာ သူကကျွန်တော့်ကိုဆိုမျက်မုန်းကျိုးနေတာလေ အဲ့တော့အလုပ်ဖြုတ်ဖို့ အခွင့်ကောင်းကိုစောင့်နေမှာပေါ့"
"ကော်ဖီဖျော်တာချိုသွားရုံနဲ့တော့ အလုပ်မဖြုတ်ပါဘူး မင်းတစ်ခုခုအမှားလုပ်ခဲ့တယ်မလား"
အရှေ့ကစပ်ဖြီဖြီးနဲ့ ရှက်ရယ်ရယ်နေတဲ့ ဂျယ်နိုကိုကြည့်ပြီးဟိုဆော့ သက်ပြင်းချလိုက်မိတယ်။
သူထင်တဲ့အတိုင်းကွက်တိ အမှားတစ်ခုခုလုပ်လာခဲ့တာအသေအချာပဲ။"မင်းကိုငါပြောခဲ့ပါတယ် အစမ်းခန့်ကာလအတွင်းbossနဲ့အဆင်ပြေအောင်နေပါလို့ ခုတော့အလုပ်ပြုတ်လာပြီမလား"
"အကိုဟိုဆော့ကလည်း သူ့လူဘက်ကပဲကာကွယ်နေတယ် CEOနဲ့အဆင်ပြေတာ တစ်ရုံးလုံးမှာအကိုတစ်ယောက်ပဲရှိတဲ့ဟာကို ဘာပဲဖြစ်ဖြစ်ပါကျွန်တော်အခုအလုပ်သစ် လျှောက်ထားပြီးပြီ"
YOU ARE READING
Kiss Me Darling(Completed)
Fanfictionငါမင်းကိုသိပ်ချစ်တာပဲ ကောင်လေး start date- 1.11.22 end date- 14.5.23