*داخل قصر الصياد*
وفى أحد الأماكن فى المنزل...
كان يجتمع كل النساء وهم يجلسون معاً حول تلك الطاوله التى تقع فى منتصف المطبخ الكبير المخصص للجميع فى القصر وهم يتحدثون ويضحكون، حتى اقتربت منهم اثير وهى تضع لكل منهم القهوة أمامهم حتى قالت كارما بستفهم:- امال زوج كل وحده منكم فين
لوت اثير فمها وهى تردد:- جود فى المستشفى زى العاده
لم تختلف جويريه فى رد فعلها وهى تنظر لهم بغيظ وتقول:- زوجى الأفندي كان مسافر ورجع امبارح بليل وانا شاكه أنه متزوج عليا
ابتسم الجميع عليها وقالت فرح وهى تقترب منها:- انتى ملقتيش غير صخر إللى يخونك
قالت قدس بضحك:- مش هو عنده عضلات وزى بتوع الافلام بس بيخاف منك
ضحكت عليه جويريه وقالت كارما بتأكيد:- طيب والله معكم حق جويريه عارفه تمسك قلبه باحكام اما انا أخرى بختي أستاذ بحر طول الوقت عامل عنده بعند بناته وبحس عقله أصغر منهم
قالت سيلين وهى تقترب منهم:- بصراحه الله يكون فى عون إللى هيتزوجوهم بحر ممكن يقتل اى حد يفكر يقرب منهم
ابتسمت ياسمين بخبث وهى تنظر لـ فرح:- الظاهر ابنك هيموت على ايد بحر يافرح
قالت فرح بسرعه وهى يظهر على وجهها الخوف:- بعيد الشر على ابنى ياياسمين
قالت ياسمين بنفى وهى تنظر لها:- انا مكنتش اقصد
وضعت جويريه يدها على يد ياسمين وهى تقول:- معلش يافرح ياسمين بتهزر ولا ايه
بلعت فرح رايقها بتوتر وهى تحاول الابتسامه:- اها انا اسفه ياياسمين
ابتسمت لها ياسمين بحزن وقالت سيلين بغيظ:- انا بشك أنهم مش طايقينا
قالت جويريه بضحك:- على اساس احنا حد يتحمل يعيش معانا ده والله، ربنا يكون فى عونهم
هزت فرح راسها بضحك وهى تقول:- احنا اه كيوت بس بنرخم عليهم جامد
قالت ياسمين بلا اهتمام:- وايه يعنى يستاهلوا علشان يخافوا مننا
قالت قدس بنفى:- انا مكنتش اتخيل فى يوم احس نفسي شريره كدا
قالت اثير وهى تسير على اقدمها وتتحدث بدموع:- بس بصراحه ربنا بيعوض بحاجات حلوه اوى
هزت كارما رأسها وهى تقول:- معاكم حق انا حياتى حلو اوى مع بحر
ياسمين وهى تتنفس براحه:- عمر حنين اوى
جويريه بدموع:- حتى صخر مش بس زوج وأب ليا
سيلين بتأكيد:- حتى الولا يونس بسكوته كدا ياخواتى عليه
فرح بحب:- حتى صقر دنيا تانيه بجمال أمه ده
ادمعت عين قدس وهى تفضل عدم الحديث تحت أنظار جويريه التى قالت بضحك:- بس بذمتكم ده شكل امهات مخالفين جحوشه
هزت ياسمين راسها وهى تقول:- انا اوقات بستغرب نفسي ازاى مخلفه عيل شحط زى عمار
قالت جويريه بسخريه:- ياشيخة اتنيلى على الأقل عمار ده نسمه مش زى حمد هيجيب أجلى بارد زى ابوه
قالت فرح بضحك:- طيب والله حمد ارحم من النسخه المصغرة من صقر التانى
وضعت كارما يدها على وجهها وهى تقول:- على الأقل انتو مش بتغيروا من عيالكم اوقات ببقاء نفسي اقتلهم لشدة حب بحر ليهم
قالت اثير بغيظ:- حتى انا جود مش بيستحمل شكة الابره على نيار هانم
قالت سيلين بسخريه:- على الاقل مش زى ابن الهبله إللى هيكون طلاقي على أيده ده
قالت قدس بحزن:- أما أنا بتمنى لو كان نجم حنين زى فراس
نظر لها الجميع بحزن ممزوج بالصمت حتى قالت جويريه بضحكه انفعالية:- بس البت عشق وحشتنى اوى هى هتيجي امتى
قالت فرح بغيظ:- بتقول أن فى مشاكل كتير مع مراد علشان كدا مش هتقدر تنزل الفترة دى
قالت كارما بحزن:- حتى انا وحشتنى اوى
فرح بنفى:- ما تقولوش كدا ربنا يصلح حالها
الجميع معاً:- يارب
اقترب منهم صوت من الخلف ويقول:- طابخين ايه انا عايز اكل
نظر الجميع إلى مصدر الصوت الذى قال:- ماما
نفخت سيلين بقلة حيله وهى تقول:- صبرنى يارب عن اذنكم
قالت فرح بضحك:- وانا هطلع عند صقر زمانه صحي
هز الجميع رأسه وقام كل منهم بنهوض للقيام بعمله...!
