البارت العاشر من الجزء الثاني
" فى شركة الصياد "
كان يجلس نوح داخل مكتب صقر الصياد الكبير لدرجة هائله وهو يتطلع إلى جماله ورقيه ، دار بعينه حول رجال العائله باكملهم وهم يجلسون معاً جميعهم حول بعضهم ، وفى مقدمتهم كان يراسهم صقر الصياد الذي يجلس بجبروت وقوة يحسده عليها فى وجود الجميع حوله وهم يحترمون كلمته ويتمنون ان يفعلوا اى شىء له ، دار وجهه فى جهة فراس الذى كان يجلس بعيون حزينه وعقل شارد دائماً ، تنفس بهدوء وهو ينظر إلى نظرات نجم الموجه إليه طوال الوقت وهو يحاول عدم الاهتمام به ، قطع تفكيره صوت صقر الذى قال بهدوء :- كويس أن الكل موجود أنا حابب اتكلم معاكم بخصوص الان و هتان
دار صقر وجهه لـ سادن ونجم الذين يجلسون بجوار بعضهم وهو يقول :- سادن الان و هتان هيكونوا موجودين معكم هنا فى الشركه هيشاركوكم كل حاجه بخصوص الشغل وايوب كمان
تنفس سادن بضيق وهو يدير وجهه إلى يحيى الذى شعر بتوتر من نظراته وهو يقول :- بس هما ميعرفوش حاجه عن الشغل وبعدين الله واعلم أن كانوا متعلمين ولا لا
نظر له نوح بضيق وهو يقول :- والله احنا مش جهله وبعدين أنا مش موافق اشتغل هنا أنا عندى شغلي
قال فراس بنفى وهو ينظر له :- لا يانوح احنا عارفين أن عندك شغلك بس هنا هيكون مكانك انت والان سادن بس مش عارف بيقول ايه
نظر له سادن بضيق وهو يقول :- أنا عارف انا بقول ايه هما جاين من حارة يعنى اكيد ميعرفوش حاجه فى الشغل .. وبعدين هو اى حد يجي يشتغل هنا وخلاص
ضرب صقر الطاولة التى يجلس خلفه بغضب يلمع داخل عينه وهو ينظر إلى ابنه الأكبر وهو يقول :- سادن ماتيجي تقعد مكانى صوتك ما يعلاش انت فاهم ده قراري وانا ماطلبتش رايك
نظر لهم يحيى بخوف وهو يهز رأسه بتأكيد وهو ينظر لـ سادن :- انا اتخرجت من كلية تجاره ونوح حقوق
نظر له نوح بضيق وهو ينهض ويقول بنفى :- انت مش لازم تقول احنا متخرجين من ايه يا يحيى أحنا مش عايزين شغلك يا استاذ سادن أنا واخويا بنشتغل وعارفين ازاى نصرف على نفسنا والحارة اللى بتتكلم عنها دى بتكون المنطقه اللى اتربيت فيها وانا ماسمحش ليك تتكلم عننا ولا عنها
نظر له سادن بغضب حتى قال صخر وهو ينهض ويقترب منه :- معلش يا هتان سادن مايقصدش اى حاجه وأنا فخور ان واحد زيك هيشتغل معاً
اقترب فراس وهو يقف أمامه ويقول :- ولو مش عايز تشتغل هنا ممكن نفتح مكتب المحاماه اللي انت عايزه
نظر له نوح بصمت حتى قال صقر بنفى :- لا يافراس هتان والان هنا شركتهم ومفيش حد منهم هيشتغل بره
ضغط سادن على يده بغضب حتى قال يونس بضحك :- وبعدين انتو الاتنين من العيله دى يعنى ده حقكم
هز عمر رأسه وهو يقول :- فعلاً ده احنا فرحانين انكم هتشيله عننا شويه
ابتسم بحر وهو يقول بتأكيد :- صح أنا عن نفسي هاخد اجازه سنه
ابتسم صخر بقله حيله على اخوه وهو يقول بنفى:- راحة ايه انتو الاتنين مش بتشتغلوا من الأساس
نظر له بحر بغيظ وقال يونس بضحك:- اهو نقلل العمال ونوفر الفلوس
ابتسم عمر على شقيقه وهو يقول :- اخويا معروف عنه البخل
نظر له يونس بغيظ وقال منذر برجاء :- اكسب فيا ثواب يابابا واسيب أنا الشغل ليهم
نظر له يونس بقرف وهو يقول :- اخرس يا فاشل هو مش الان قدك فى العمر هو خلص جامعه وأنت لا يا حيوان يا ساقط
لوا منذر فمه بغيظ وقال وهو يمسك يد عمار :- قول لـ عمك ما يشغلش تفكيره بيا
تطلع له عمار بلا مبالاة وهو يقول :- طيب والله معه حق
ابعد منذر جسد عمار بعيداً عنه وهو يقول :- منك لله انتو لازم تفضحوني
ابتسم عمار وهو يدير وجهه إلى صقر الذى اكمل قائلاً :- حمد انت هتعلم الان و هتان كل الشغل
دار وجهه إلى ايوب وهو يقول :- وكمان ايوب هو واحد مننا
دار حمد وجهه وهو يهز رأس لـ ايوب الذي قال بنفى :- مفيش داعى أنا دكتور جامعه و عندى شغلي
نظر له الجميع بصدمه وقال نجم بتعجب :- دكتور فى الجامعه
هز ايوب رأسه بتأكيد وقال صقر بتفهم :- مفيش مشكله ممكن تشتغل هنا كمان لو عايز وعلشان كمان هتان والان ما يقلقوش من حاجه
ابتسم ايوب بتأكيد وهو يقول :- تمام بس انا وفلك هنمشي من البيت بعد فتره لوقت ما نوح ويحيى يتعودوا عليكم
نظر له نوح بصدمه وقال صقر بنفى :- ايوب الكلام ده ليه وقته يعنى احنا مع بعض دلوقتى
هز عمر رأسه وهو يقول :- وبعدين انتو كمان من العيله
دار ايوب رأسه له بعيون تلمع بالحقد تجاهه ولكن منع هذا سادن الذى نهض وهو يقول :- عن اذنكم
أوقفه صوت صقر وهو يقول بأمر :- استنا على فين
توقف سادن وهو يستدير له قائلاً بهدوء :- عندى شغل برا الشركه
نظر له صقر بجمود وهو يقول :- تمام ياريت تاخد الان معك علشان يشتري شويه هدوم
نظر له نوح بضيق وقال سادن وهو يدير وجهه لـ يحيى الذى بلع ريقه بخوف :- أنا مش محتاج هدوم
هز صقر راسه وهو يقول :- اسمع الكلام يا الان وروح مع سادن أنا طلبت منك ما تجيبش هدومك ماتقلقش
بلع ريقه من جديد بقلة حيلة ونظرات خائفه موجهه إلى نوح الذى قال بقلق عليه :- أنا هروح معه
صقر بنفى :- لا يا هتان انت هتفضل هنا حمد هيفهمك الشغل
هز رأسه بصمت تحت أنظار سادن الذى غادر للخارج وخلفه الان بخوف
وقام صخر بالنهوض وهو يقول :- طيب أستاذاً أنا عندى شغل
نهض مثله الجميع وهم يغادرون واحد تلو الآخر وظل فراس ونجم الذى قال وهو ينظر إلى عمه :- عمى أنا كنت عايز اتكلم معك
هز صقر راسه وقال باستفهام :- خير..؟
