So This Is Love!

5

Scroll Down For Zawgyi

သူတို့နှစ်ယောက် ချိန်းထားတဲ့ စနေနေ့ဖြစ်တယ်။
အပေါ်ထပ်သူ့အခန်းဆီကနေ ဆင်းလာခဲ့တဲ့ ရှောင်းကျန့်က ရိပေါ်ပို့ထားတဲ့ လိပ်စာကို တစ်ခေါက်ပြန်ထုတ်ကြည့်ပြီး ဖုန်းကို ဘောင်းဘီအိတ်ကပ်ထဲထိုးထည့်တယ်။

'' မားမား ''

မီးဖိုခန်းထဲ အလုပ်ရှုပ်နေတဲ့ ရှောင်းမားမားကို အနောက်က ဖက်လိုက်ပြီးခေါ်တော့ မားက သူ့ဆီလှည့်ကြည့်လာတယ်။ သပ်သပ်ရပ်ရပ်ပြင်ဆင်ဝတ်ဆင်ထားတဲ့ သူ့ကိုသတိထားမိသွားတဲ့ပုံရတဲ့ မားက သူ့ကို သေချာကြည့်တယ်။

'' ဘယ်သွားမလို့လဲ သား ''

'' သူငယ်ချင်းအိမ် စာသွားလုပ်မလို့ မား ''

'' သြော်... ကောင်းယွီတို့လား ''

'' မဟုတ်ဘူး မား... သူငယ်ချင်းအသစ် ''

'' ဟုတ်လား... သွားရမှာ ဝေးလား
မား လိုက်ပို့ပေးရမလား''

'' ရတယ် မား... သိပ်မဝေးဘူး
ဘတ်စ်နဲ့ပဲသွားလိုက်မယ် ''

'' ဟုတ်ပါပြီ ဟုတ်ပါပြီ ဂရုတစိုက်သွားဦးနော် ''

မားက ပြောရင်းနဲ့ပဲ သူ့ရဲ့ပါးတစ်ဖက်ဆီ ခပ်ဖွဖွလေးဆွဲတယ်။ အရပ်တွေရှည်ပြီး ထွားလာလည်း မားက သူ့ကို ကလေးလေးလို့မြင်နေတုန်းပဲ။

'' သွားပြီနော်... မား ''

'' နောက်မကျစေနဲ့အုန်းနော် ''

ပြေးထွက်သွားတဲ့သူ့ကို ကျန်ခဲ့တဲ့မားက အဲ့သည်လို သတိလှမ်းပေးတော့ ဖိနပ်ဆီက ကြိုးတွေကို ချည်နေရင်း သူ့မှာ လှမ်းအော်ပြီး ဖြေခဲ့ရသေးတယ်။

.
.
.
.

'' ရောက်လာပြီလား... ငါမင်းကို စောင့်နေတာ ''

'' ငါ နည်းနည်းနောက်ကျသွားတယ် ''

'' ဘာမှမဖြစ်ပါဘူး... စာကြည့်ဖို့အချိန်တွေရှိပါသေးတယ် ''

ရှောင်းကျန့်က အိမ်ထဲရောက်ရောက်ချင်း ဟိုဟိုဒီဒီကြည့်ရင်း ငေးနေတယ်။ စင်တစ်ခုပေါ်က မိသားစုဓာတ်ပုံက ရိပေါ် ပြိုင်ပွဲတစ်ခုမှာနိုင်ခဲ့တုန်းက ရိုက်ထားတဲ့ ဓာတ်ပုံဖြစ်မယ့်ပုံပဲ။