So This Is Love!

7

Scroll Down For Zawgyi

'' ပြန်လာပြီလား သား
သား နောက်ကျမယ်ဆိုလို့ မားကထွက်စောင့်နေတာ ''

'' အင်း မား... ဒါက ရိပေါ်တဲ့ ''

'' သား ဟိုတစ်ခါပြောတဲ့ သူငယ်ချင်းအသစ်ဆိုတာလား... လာ မားတို့အိမ်ထဲဝင်ကြရအောင်
ဒီရက်ပိုင်းထဲ ဒီအချိန်တွေဆို အေးနေပြီ ''

ရှောင်းကျန့်ကိုရော ရိပေါ်ကိုပါ အိမ်ထဲလက်တွဲခေါ်သွားတဲ့ မားက အိမ်ပြင်ဘက်က အေးစက်နေတဲ့လေထုတွေနဲ့ ဆန့်ကျင့်စွာပဲ နွေးထွေးလွန်းတယ်။
စစတွေ့ချင်းမှာပဲ ပြုံးရယ်ရင်းနှုတ်ဆက်ခဲ့တာ ရိပေါ်ကိုယ်တိုင် မြင်ခဲ့ရတာပဲမဟုတ်လား။

'' သားတို့ ထိုင်ကြဦး... မား ညစာသွားပြင်ပေးမယ်
သားရိပေါ်ပါ တစ်ခါတည်းစားသွားရမယ်နော် ''

ပြောနေရင်းနဲ့ပဲ မီးဖိုခန်းထဲဝင်သွားတဲ့ မားက သူတို့ဆီလှည့်ပင်မကြည့်တော့ပဲ ညစာပြင်ဖို့အတွက်သာ စိတ်အားထက်သန်နေခဲ့တာ ဖြစ်တယ်။ ဧည့်ခန်းထဲက ဆိုဖာပေါ်ထိုင်နေကြလျက်ပဲ သူတို့ကျန်ရစ်ခဲ့ကြတယ်။

'' မားက မင်းကိုနေရခက်အောင်လုပ်နေသလိုဖြစ်နေလား ရိပေါ် ''

လက်ဆီ ခပ်ပွပွကိုင်ပြီး ပြောလာတဲ့ရှောင်းကျန့်ရဲ့ ဆံပင်တွေထဲ ရိပေါ်က လက်ချောင်းတွေထိုးထည့်ပြီး ခပ်ဖြေးဖြေး ဖွပစ်လိုက်တယ်။ ဒါက ဟိုးအရင်ကတည်းက သူလုပ်ခွင့်ရဖို့ မျှော်လင့်ခဲ့ရဖူးတဲ့ အရာတစ်ခု ဖြစ်တယ်။

'' မဖြစ်ပါဘူး... သူမက ငါ့မားထက်တောင် နွေးထွေးလွန်းတယ်... မင်းက တကယ်ကံကောင်းတဲ့ကောင်လေးပဲ ''

'' ဟုတ်လား... မင်းလဲ ကံကောင်းတဲ့ကောင်လေးဖြစ်မယ်ထင်တယ် ''

'' ဘာလို့လဲ ''

'' ငါ့လို ဥာဏ်ကောင်းပြီးစာတော်တဲ့ကျောင်းသားနဲ့ အထူးပတ်သတ်ခွင့်ရှိနေလို့လေ ''

'' ဟုတ်ပြီ... ဒီလိုမျိုး ကျောင်းက အဖိုးတန်ရတနာ
လေးနဲ့ အချစ်ဇာတ်လမ်းလေးဖြစ်ခွင့်ရလို့ သိပ် ဂုဏ်ယူမိပါတယ် ''

'' မင်း! ရွဲ့နေတာလား ''

မျက်မှောင်တွေကြုတ်ကြည့်ရင်း မကျေနပ်တဲ့အမူအရာနဲ့ ရှောင်းကျန့်ကို ရိပေါ်က သဘောကျစွာပဲ တဟားဟားရယ်မောတယ်။ တစ်ဖက်က မကျေနပ်နေတဲ့ စာတော်တဲ့ကျောင်းသားလေး ရှောင်းကျန့်က သူ့လက်မောင်းတွေဆီ တဖက်ဖက်နဲ့ ထုရိုက်တော့တာပဲ။