So This Is Love!

8

Scroll Down For Zawgyi

'' ရိပေါ်... မင်းက ဘာလို့ ပိုက်သာဂိုရပ် သီအိုရီကြီးချရေးထားတာလဲ ''

'' ငါ တွေးမိတာ အဲ့ဒါပဲရှိလို့ ''

'' တကယ်ကြီးလား... ဒါက အထူးနှိုင်းရသီအိုရီ ပုစ္ဆာလေ ''

သိပွံခန်းရဲ့ ဘေးဘက်က ကော်ရစ်တာဆီမှာ ထိုင်နေကြရင်း သူတို့က ရူပဗေဒပုစ္ဆာတစ်ပုဒ်ကို ဖြေရှင်းဖို့ ပြင်ဆင်နေကြတာ ဖြစ်တယ်။ အမြဲတမ်းလိုလို ကော်ရစ်တာဟာ လူသူရှင်းနေတတ်ပြီး အရှေ့ဆီလှမ်းကြည့်တဲ့အခါ အားကစားကွင်းကျယ်ကို မြင်ရတယ်။ နောက်ပြီး ခပ်လှမ်းလှမ်းစာသင်ဆောင်တွေဆီက ကော်ရစ်တာတွေကိုလဲ မြင်ရနိုင်တယ်။

'' မင်းရဲ့ ဦးနှောက်ထဲ ရူပဗေဒဘာသာအတွက် နေရာအနည်းငယ်လေးတောင် ရှိမနေဘူးလား ''

'' နှလုံးသားနေရာတစ်ခုလုံးမှာတော့ မင်းပဲရှိတယ်''

'' ဝမ်ရိပေါ်!! ''

ပခုံးဆီ ရောက်လာတဲ့ လက်တွေက နှစ်ချက်လောက် ဆင့်ရိုက်သွားလေရဲ့။ ရည်းစားဖြစ်ပြီးနောက်ပိုင်းမှ ရိပေါ်မှာ အမြဲလက်ပါတတ်တဲ့ ဂိုက်ဆရာလေးတစ်ယောက် ရလိုက်သလိုပါပဲ။

'' စနောက်နေတာ တော်တော့... သီအိုရီအကြောင်းပဲဆက်ပြောရအောင် ''

'' မပြောချင်ဘူး ''

'' မင်းပဲ စာလုပ်ဖို့ ဒီနေရာရောက်နေတာလေ ''

'' မဟုတ်ပါဘူး ... ဒီတိုင်း ဒီနေရာက ဘယ်သူမှမရှိနေလို့ ''

'' ဘယ်လို... ဘယ်သူမှမရှိတာက ဘာဖြစ် ... အာ...
ရိပေါ် မင်းကတော့ ''

ထပ်ပြီး ရိုက်ဖို့ရွယ်လာတဲ့ လက်သေးသေးလေးတွေကို ချုပ်ကိုင်ထားလိုက်ဖို့ ရိပေါ်အတွက် ဘယ်လောက်မှ မကြိုးစားလိုက်ရဘူး။ နှုတ်ခမ်းတွေတင်းနေအောင် စိထားတဲ့ ရှောင်းကျန့်ရဲ့ ဒေါသထွက်နေကျပုံစံကို သဘောကျတဲ့ သူက တစ်နည်းမဟုတ်တစ်နည်းနဲ့ ရှောင်းကျန့်ကို စနောက်တတ်တယ်။

များသောအားဖြင့်တော့ အခုလိုမျိုး ရှောင်းကျန့်ရဲ့နားဖျားလေးတွေ ရဲလာတဲ့အထိ ရှက်သွားအောင် စနောက်ရတာမျိုးကို သူက ပိုသဘောကျတယ်။ဒါကလဲ မကြာသေးခင်ကမှ သူကိုယ်တိုင် သတိထားမိခဲ့တဲ့ သဘောကျခြင်းတစ်မျိုး ဖြစ်တယ်။