So This Is Love!

11

Scroll Down For Zawgyi

'' အခုက ဇာတ်ကားရွေးရမယ့်အချိန်ပဲ ''

ရိပေါ်ရဲ့ ဘေးနေရာမှာ ဝင်ထိုင်လာတဲ့ ရှောင်းကျန့်က ကျောင်းဝတ်စုံကို လဲလှယ်ခဲ့ပြီး အပေါ်ထပ်လှေကားတွေဆီက ဆင်းလာခဲ့တာဖြစ်တယ်။ ခပ်ပွပွ အဝါနုရောင် တီရှပ်က ရှောင်းကျန့်နဲ့ အတော်လိုက်ဖက်ကြောင်း ရိပေါ်က စိတ်ထဲကနေ တိတ်တဆိတ် တွေးမိတယ်။

'' ဒီတစ်ခါလည်း Emma Waston ပဲလား ''

'' ဒါက ဘယ်လိုလေသံမျိုးလဲ... ငြိုငြင်နေသလိုလား ''

ရိပေါ်က အရှေ့က စားပွဲဆီကနေ ရေခွက်ကို လှမ်းယူသောက်ပြီး ဘာမှပြန်မဖြေတော့ပဲနေပေမယ့် ရှောင်းကျန်ကတော့ ကျေနပ်ပုံမရပါ။

'' ဒါမှမဟုတ် သဝန်တိုနေတာလား... ဟုတ်လား ''

ရှောင်းကျန့်က ချက်ချင်းပဲ ရိပေါ်ကို ခပ်ဖြေးဖြေးတွန်းပြီး မေးလိုက်တော့ ရိပေါ်ရဲ့လက်ထဲမှာပဲ ကိုင်ထားလျက်ရှိသေးတဲ့ ရေခွက်ဆီက ရေတွေက ရိပေါ်ရဲ့ အင်္ကျီတွေဆီ ဖိတ်စင်ကျသွားတော့တယ်။

'' မင်း အင်္ကျီတွေ စိုကုန်ပြီ...ငါတောင်းပန်ပါတယ် ရိပေါ် ''

'' ဘာမှမဖြစ်ပါဘူး... ခဏလောက်ကြာသွားရင် ခြောက်သွားမှာပဲကို ''

'' ဒီအတိုင်း ဆက်နေမယ်လို့ စဥ်းစားနေတာလား ရိပေါ်... အများကြီး စိုရွှဲသွားတာကို
မဖြစ်ဘူး.. မင်း အင်္ကျီလဲရမယ် လာ ''

အပေါ်ထပ်က သူ့အခန်းဆီ ရှောင်းကျန့်က ရိပေါ်ကို ဆွဲခေါ်သွားတယ်။ လှေကားတွေက ခြေလှမ်းတွေက ညီညီညာညာပါပဲ။ ဆွဲခေါ်သွားရာပါသွားတဲ့ ရိပေါ်က ရှောင်းကျန့်ရဲ့လက်လေးဆီ ပိုလို့ထွေးဆုပ်ထားတယ်။

'' မင်းရဲ့ ဗီရိုထဲမှာ အင်္ကျီတွေက အရောင်အစုံပဲ ''

'' ဒါပေါ့... အရောင်တစ်ခုတည်းကိုချည်း ထပ်ဝတ်နေရရင် ပျင်းစရာကောင်းလွန်းတယ်လေ ''

'' မင်းသိလား... ငါ့မားကတော့ ငါ့ဗီရိုကိုဖွင့်တဲ့အခါတိုင်း စျာပနပွဲတစ်ခုနဲ့တူတယ်လို့ အမြဲပြောတာ ''

ရိပေါ်ရဲ့စကားကြောင့် ရှောင်းကျန့်က သဘောတကျရယ်တယ်။ သူကတော့ အရောင်ကာလာတွေကို သိပ်သဘောကျတာပဲ။ အရောင်တွေဟာ အဓိပ်ပါယျကိုယျစီရှိတယျ။အရောငျတှကေ ကမ္ဘာကြီးကို ပိုလှစေတယ်။