So This Is Love!

9

Scroll Down For Zawgyi

စာသာပို့ပြီး ဖုန်းမကိုင်တော့တဲ့ ရှောင်းကျန့်ကြောင့် ကော်ရစ်တာပေါ်က ရိပေါ်ရဲ့ ခြေလှမ်းတွေက တဖြည်းဖြည်း မြန်ဆန်လာခဲ့တယ်။ စာသင်ခန်းဆီ ပြန်ဝင်ကြည့်ပေမယ့်လည်း ရှောင်းကျန့်က ရှိမနေခဲ့။

'' ခဏ...ရှောင်းကျန့်ကို တွေ့မိသေးလား ''

သူတို့နှစ်ယောက်ရဲ့ အရှေ့တန်းမှာထိုင်တဲ့ ကျောင်းသူကို အခန်းရှေ့မှာ အမှတ်တမဲ့တွေ့မိတာနဲ့ မေးလိုက်ပေမယ့် အဲ့သည်ကျောင်းသူနာမည်ကိုပင် ရိပေါ်မသိပါ။ မှတ်ဥာဏ်တွေထဲ '' လိပ်ဖြစ်ချင်တဲ့ ကျောင်းသူ '' လို့သာ မှတ်မိတာ ဖြစ်တယ်။

'' ရှောင်းကျန့်လား... ခုနက သူနဲ့ ရှန်းယုံကို
ရုံးခန်းနားတွေ့ခဲ့တယ် ''

'' ပထမထပ်က ရုံးခန်းလား ''

'' မဟုတ်ဘူး ဒုတိယထပ်က ရုံးခန်းအဟောင်း ''

ကြားပြီးပြီးချင်းပဲ ဒုတိယထပ်ဆီပြေးတဲ့ ရိပေါ်က ကျေးဇူးတင်စကားမပြောသွားပေမယ့် ကျောင်းသူက ဒါနဲ့ပတ်သတ်ပြီး အပြစ်တင်လိုက်ခြင်းမရှိဘူး။

ဒါပေမယ့် သူ့ဘေးနားက ကျောင်းသူကိုတော့ ညည်းညည်းညူညူနဲ့ လှမ်းပြောတယ်။

'' ကောင်းရော... သူတို့ နှစ်ယောက်ကိုအမြဲတမ်း တွဲတွေ့နေရတာ အခုတစ်ယောက်တည်းကို တွေ့တော့လဲ နောက်တစ်ယောက်ကို အသည်းအသန်ရှာနေတာ ''

'' အို... မပြောနေပါနဲ့တော့လား..
ဒါ ငါတို့မရနိုင်တဲ့ ဘဝပဲလေ ဟုတ်တယ်မလား '' ။

.
.
.
.

'' မင်း ဒါ ဘာလုပ်တာလဲ!!! ''

တံခါးဆွဲဖွင့်ရင်း အခန်းထဲ ပြေးဝင်ချင်းချင်းပဲ အလင်းရောင်ဖြဖြအောက်က မြင်ကွင်းကြောင့် ရိပေါ်ခေါင်းတစ်ခုလုံး ဗလာဖြစ်သွားပေမယ့်
ဆန္ဒတစ်ခုကတော့ ကျန်ရစ်ခဲ့တယ်။

အဲ့ဒါကတော့ ရှန်းယုံရဲ့ မျက်နှာတစ်ခုလုံးကို စုတ်ပြတ်သတ်သွားတဲ့အထိ ထိုးကြိတ်ချင်တာပဲ ဖြစ်တယ်။ မျက်နှာနေရာတချို့ ပေါက်ပြဲရင်း ကြမ်းပြင်ဆီလဲကျနေတဲ့ ရှန်းယုံက သူ ဒါကိုတကယ်လုပ်ပစ်ခဲ့တယ်ဆိုတဲ့ သက်သေပဲ ဖြစ်လိမ့်မယ်။