Unicode
ပင်လယ်ကပြန်လာပြီး ပိတ်ရက်တစ်ခုမှာ Sehun က ရုပ်ရှင်အတူကြည့်ဖို့ချိန်းလို့ ရုပ်ရှင်ရုံကိုအတူတူထွက်လာကြပါသည်။ Sehun က ပြိုင်ကားအနီလေးမောင်းလို့ ရုပ်ရှင်ရုံရှိရာ Mall ကိုလာကြသည်။
ရုံထဲမဝင်ခင် Jongin စားချင်တဲ့ချောကလက်ပေါက်ပေါက်နဲ့ Vanilla Milkshake ဝယ်ပေးပြီး Sehun ကတော့ဘာမှမဝယ်ဖူး။
သရဲကားကြည့်ကြမှာဖြစ်လို့ Jongin ကတော့တက်ကြွနေမိသည်။ Jongin က သရဲကားသိပ်ကြိုက်သည်။
ပင်လယ်ကမ်းခြေကနေ Sehun နဲ့အတူပြန်လာပြီး ဖေဖေ့အဆူခံရပြီးနောက် အခုကပထမဆုံးအကြိမ်အပြင်ပြန်ထွက်တာဖြစ်သည်။ ကြားထဲမှာ Sehun နဲ့မတွေ့ဖြစ်တာ ၁ပတ်လောက်ကြာသွားတယ်လေ။ အခုကဖေဖေကနယ်မြို့သွားပြီးအလုပ်လုပ်လို့ ၂ပတ်လောက် Jongin အပြင်ထွက်ဖို့အဆင်ပြေနေသည်။
ဖေဖေမရှိတုန်း အခွင့်အရေးကိုအသုံးချပြီး Sehun နဲ့အတူတူရုပ်ရှင်လာကြည့်ကြတာပါ။ သရဲကားဆိုတာ Jongin favourite ပဲမို့ Sehun က လိုက်ပြ၏။
ရုံထဲဝင်တာနဲ့ Sehun ကလက်ဆွဲလို့ Jongin ကိုခေါ်သွားသည်။ အရာရာ Sehun ဦးဆောင်တာနောက်လိုက်ရုံပဲ။
Sehun လက်မှတ်ဖြတ်ထားတာက ရုံရဲ့နောက်ဆုံးတန်းက အတွဲခုံဖြစ်သည်။ Sehun နဲ့ချစ်သူဖြစ်ပြီးထဲက ရုပ်ရှင်တူတူမကြည့်ဖူးသေးပါ။ ဒါကပထမဆုံးဖြစ်သည်။ အတွဲခုံမှာကြည့်ရမှာမို့ Jongin ရင်တွေခုန်နေပါသည်။
"ငါ့ကိုမှီပြီးကြည့်လေ"
ရုပ်ရှင်စတာနဲ့ ပိတ်ကားပေါ်ကအရုပ်စုံကို မျက်တောင်မခတ်တမ်း Jongin ကြည့်မိပါသည်။ တစ်ယောက်ထဲတောင့်တောင့်ကြီးထိုင်နေမိတော့ ဘေးက Sehun က Jongin ကိုယ်ကိုသူ့ဘက်အတင်းဆွဲချသည်။
အားနဲ့ဆွဲနေလို့ Jongin ဟာ Sehun ရင်ခွင်ကျယ်ထဲကျရောက်သွား၏။ ထိုအခါ Sehun က ခပ်ဟဟလေးရယ်ပြီး Jongin ဆံနွယ်ညိုလေးတွေကိုနမ်းရှိုက်လာသည်။
"ငါ့ရင်ခွင်ထဲဇိမ်ကျကျကြည့်စမ်းပါ။ ပေါက်ပေါက်လည်းခွံ့မယ်နော်"
"အွန်း Hun"
Jongin တစ်ယောက် Sehun ရင်ခွင်ထဲကနေ သရဲကားကြည့်နေသည်။ Sehun ခွံ့တဲ့ချောကလက်ပေါက်ပေါက်စားလိုက် Sehun ကိုင်ပေးထားတဲ့ Vanilla milkshake ဘူးကိုစုပ်သောက်လိုက်၊ သရဲခြောက်တဲ့အခန်းဆို ရင်ခွင်ကျယ်ကြီးထဲဝင်ပုန်းလိုက်နဲ့ သဘောအကျကြီးကျနေတော့သည်။
YOU ARE READING
Devotion
Fanfictionမင်းတစ်ယောက်သာ ငါ့အတွက် အဆုံးအစမဲ့ ကိုးကွယ်ရာ...... Sehun x Jongin Start - 16.12.2022 End - ?????????????
