#تحدي_الحب

البارت الاول

البارت الاول

الحب ليس لمس يد رقيقه وليس قبله عميقه
الحب ليس اشتباك ايادي وليس كلمات تؤخذ من الاغاني
الحب احساس بقلب يخاف عليك
يمنحك الأبتسامه عندما تقسي الدنيا عليك
نظره تسكنك في جنة الخيالات
الحب احساس انك اهم شخص في حياة من يحبك

نبدي القصه بسم الله تعالى

فراس
مرحبا
اعرفكم عن نفسي وعن عائلتي
اسمي فراس مواليد 1985
خريج علوم سياسيه ماستر
وبديت ادرس كأستاذ جامعي بأحد الجامعات الأهليه في بغداد
مواصفاتي
طولي 180
وزني 85
جسمي متناسق حيل محافض على لياقتي البدنيه
شعري اسود
بشرتي بين الحنطيه والسمره
بطبيعه وضيفتي لبسي كله رسمي
بالدوام فقط اما بالاماكن البقيه كجول واكثر لبسي بالعماره من اروح دشداشه

اصلنه من محافضه العماره بــَس احنه من سكنة بغداد من سنه 2000 سكنه بيها يم خوالي بعد مابعنه بيت جدي ورثه اشترينه بيت بمنطقه بالرصافه اما عمامي وعماتي بقو كلهم هناك
كملت دراستي ابغداد ودخلت جامعه بغداد بعد ما تخرجت منها درست ماستر وناوي على الدكتوراه رغم اهلي وعمامي ممخلصين دراسه بس الكل جان يشعجني والوحيد بالولد وصلت. والكل جان فخور بيه
خصوصاً امي وابويه
عائلتي تتكون من
اخوان2 اصغر مني
محمد مواليد 1988
علي مواليد 1993
اخواتي 2 اكبر مني
فاطمه مواليد 1980
زهراء مواليد 1983
متزوجات بالعماره اثنينهن وحده لابن عمتي والثانيه لابن صديق ابويه
عمامي 4 وعماتي 6
خوالي 2 وخالات ماعندي امي الوحيده
ايام الدرسه بالاعداديه جنت احب بنت خالي وهي تحبني اسمها سحر مواليد 1987واحد يحب الثاني علاقه 4 سنوات حب بــَس بعد كل هالحب والمعانات عافتني وتزوجت بالخارج لابن خالها وحالياً هي بالنمسا وبعدها قفلت كلبي وكلت مستحيل احب او افكر بالحب هدفي الوحيد هو الدراسه وبس
حالياً احنه سنه 2018
عٍمري33 سنه
بلشت سنه دراسيه جديده وبلش الدوام صار شهر تقريباً
طبيت اخذ مرحله اولى اول محاضره تكون تعارف بيني وبين الطلاب اني اصغر استاذ بالجامعه ادرس وعلاقتي طيبه وي الطلاب كلهم اعتبرهم اصدقائي ولد وبنات
بديت اتعرف على الطلاب گـِْـِْلِْ طالب يكوم يكلي شنو اسمه واشافه وياهم واضحك وصل السره الطالبه سبحان الخالق جمالها مو عراقي ابد شكلها مميز عن بقيه الطالبات كلهم وحته لبسها يختلف جانت لابسه قميص وي الحزام ضيق وتنوره قصيره وي الركبه وفاتحه شعرها بياضها قوي لدرجه يجذب النضر وشعرها اشقر عيونها صفر بلون الشمس كامت وكفت كالت مرحبا استاذ اني اسمي نيفين
فراس حجيت بضحكه حضرتج عراقيه
نيفين/هههههههه لا استاذ امريكيه طبعاً عراقيه
فراس/اهلا وسهلا بيج
بقو بقيه الطلاب يكومون ويعرفوني على اسمهم
بديت انطيهم نبذه عن المرحله الاولى ونصائح

فراس/اني استاذكم او اخوكم او صديقكم شتحبون تعتبروني اعتبروني انتم هسه مرحلى اولى نصيحتي الكم واتمنه تاخذون بيها هدفكم الوحيد من دخولكم للجامعه هي الدراسه وبس لتستغلون دخولكم للجامعه بغير شغلات الجامعه من اسمها جامعه يعني جامعه الزين والشين السيئ واللطيف واشكال وانواع النماذج راح تلكون هنا دامكم طابين لغرض الدراسه لتكونون علاقات هوايه مو معناها لتكونون صداقات بالعكس الصداقه حلووه بس الكروبات مو حلووه لان مجمع تصير ومن غير اقسام وناس متعرف ناس بلاصل شنوو لذالك تكون صداقات منفرده احلى وافضل محاضرات لتفوتون ابد دراستكم اهم شي وشهادتكم هي سلاحكم بالحياة ولتفقدون ثقه اهلكم بيكم الي دازينكم للجامعه واكيد كلكم اهلكم تعبانين عليكم وعلى تربيتكم وكلكم جاين من بيوت وعوائل وبعد ماحاجه احجيلكم على مجتمعنه انتم كبار وواعين ومثقفين خصوصاً كلامي موجه للبنات اكثر شي اتمنه محد يزعل من كلامي كلتلكم اني بمثابه اخوكم الكبير او صديقكم حالياً وقت الدراسه فقط اني استاذكم واي واحد منكم يحتاج شي لتترددون تكدرون تجون للمكتب مالتي وتدللون سواء مساعده دراسيه او مساعده شخصيه اني بالخدمه
وراح اشرحلكم شويه نبذه مختصره الماده الي راح ادرسها الكم ماده حلووه وسهله اهم شي تحبون الماده من البدايه حته تصير سهله عليكم اي ماده مو فقط هاي كل مـاده من البدايه حبوها ولتفوتون محاضره راح تكون سهله وحلوه عليكم