#تحدي_الحب
فراس
قريت المسج وعيوني صارت بكصتي شنوو شبسرعه اتخذت قرار وحددت موعد وليش تريدني اكون موجود
استغفرالله ربي
رجعت للبيت الدنيه طالعه من عيني طبيت الغرفتي ابدل اندك الباب فتحته جانت سحر عًـٍُُيُِِِِونها حمر مبينه جانت تبجي ماردت اكسر بخاطرها كلتلها تفضلي طبت وكعدت على الجربايه اخلي ايدها على وجهه وبقت تبجي كعدت يمها
فراس/الجهال وينهم
سحر/يم ساره بغرفتها دا يتفرجون كارتون
فراس/شبيج سحر
سحر/تعبانه حيل فراس تعبانه شلون اتخيل حياتي بدون جهالي والله مااكدر متعلقه بيهم فراس اني ام ومهما يكون لام متكدر بدون اطفالها خصوصاً اطفالي صغار الله يعلم شراح يصير بيهم هناك منو يدير باله عليهم من يتمرضون منو يسهر وياهم ويهتم بيهم
فراس/ليش مو بيبيتهم وعماتهم هناك
سحر/يا بيبيه يا عمات شبيك عبالك مثل طبعنه هذني ماخذات شمرت الاجانب وحده متدري يالثانيه من الصبح لليل خارج البيت يجني بــَس ينامن بالبيت حته طبخ ميطبخن اصلاً هو اله يجيبلهم مربيه والمربيات نادراً ما يحنن على الاطفال
فراس/مو اتفقنه كامره وياهم 24 ساعه
سحر/واذا خبث ومخلاني اتصل بيهم واشوفهم شلون قابل اروحلهم همه ورا البيت تعبت ياربي والله تعبت والتفكير اكل راسي
فراس/لا احنه اتفقنه وياه وميصير يخلف بلاتفاق خليني اني ماخذه بالسياسه والله كريم بالكت ميكدر على رعايتهم ويرجعهم الج
سحر/انشالله يااا رب
اني هوايه تعبتك ويايه ودوختك وعد منا ورايح مراح ازعجك وربي يسعدك وي حبيبتك
فراس/كالت حبيبتك لاا ارادياًابتسمت ابسامة استهزاء
ياا حبيبه هاي
سحر/حبيبتك الي اسمها نيفين
فراس/مو حبيبتي هاي مجرد طالبه عندي لااكثر ولا اقل لا حبيبه ولاشي
سحر/صدوك لعد مو انت كلت حبيبتي واجتي وياك للعرس
فراس/تنهدت وجريت حسره
اي هيج كلت صح بس كله تمثيل جان
المهم سدي الموضوع تعبان اريد انام باجر دوام محتاجه شي
سحر/لا سلامتك تصبح على خير
طلعت وسدت الباب طفيت الضوه وتمددت على الجربايه بقيت اكلب بتليفوني ماادري شلون ايدي راحت على الواتساب وعلى اسم نيفين ودست اتصال وراساً لغيته ورا ثوانـ¹ـ²ـ³ـي اتصلت
عرفت بين يمها استغفر الله ربي اني شسويت
فتحت خط بس احجي وياها بثكل وبدون واهس
فراس/نعم نيفين تفضلي
نيفين/مرحبا فراس
فراس/اهلا محتاجه شي تفضلي
نيفين/لا بس اجتني فائته منك وكولت اتصل هاف محتاج شي
فراس/اي بالغلط ماادري
نيفين/تمام عادي اني هم جنت ناويه اتصل بيك اصلاً
فراس/لَيــِْش
نيفين/داافكر بالموضع
فراس/يا موضوع
نيفين/مال ايفان
فراس/يا ايفان
نيفين/شبيك الولد الي يريد يتقدملي
فراس/اهاا اي شبيه
نيفين/هو مرحله رابعه يعني ممدرسه متعرفه انت
فراس/اني مااخذ مرحله رابعه بس اولى
وصارلي 3 سنوات من ادرس بالجامعه يعني الي مرحله رابعه هسه ممدرسهم اني
نيفين/اهاا ايي صح
فراس/والمطلوب مني شنوو
نيفين/شبيك شو احسك متغير وطريقه كلامك تختلف وياي
فراس/لاا ماكو شي بس نعسان اريد انام
نيفين/تمام اخذ راحتك وتصبح على خير
فراس/هلاوو
سديت الخط
بقيت احجي وي روحي
تفكر وهي حددت موعد وخلاص كلهن نفس الطينه ميصدكن واحد يخطبهن راساً يوافقن
صفنت وي روحي هسه اني شبيه ضايج هي وين واني وين هي من قوم عيسى واني من قوم محمد حته لو مااريدها تزوج هم من سابع المستحيلات ننجمع سويه بــَس لَيــِْش كلبي يوجعني يااربي ليشششش حته الفكره الي ابالي ماكلتلها بيها اوووف اووووف نيفين منين طلعتيلي بقيت ادخن جكاير لحد ما نعست ونمت كعدت كالعاده تريكت بدلت وطلعت للجامعه صار موعد محاضرة قاعه نيفين طبيت انطيتهم المحاضره واني المحاضره كلها مابوعت عليها ولا عبالك موجوده حته من اسالهم سؤال ترفع ايدها مااكومها اخر سؤال سألت هي الوحيده الي رفعت ايدها سويت نفسي ماشفتها كلتلهم ياله مو مهم تجاوبون المهم تفتهمون لميت غراضي وطلعت من القاعه
أنت تقرأ
#تحدي_الحب
Romanceتدور احداث القصه بين استاذ جامعه مسلم جنوبي الاصل وبين فتاة مسيحيه الديانه طالبه في نفس الجامعه
