#تحدي_الحب

البارت 26

#تحدي_الحب

نيفين
من شفت فراس احس كلبي طار عليه هنا تاكدت فراس دا يدور عليه اكيد بس من تذكرت زوجته وابنه الي جاي بالطريق منعت نفسي ودرت وجهي حته ميشوفني لان ماريد اعيش زوجته الي عيشنياه فادي متاكده تزوج بعد ما رحت لكركوك ع لاساس اسافر اكيد ايس مني وتزوج لان الي لاحضته قبلها جان على طول بليل يحجي ويايه من رحعت صار ابد ميحجي ويايه بليل وميخابرني اصلاًبلبيت بــَس مراسله بس ليش ضم عليه معقوله خاف لا يخسرني ولهذا السبب ماحجه درت وجهي ع كيف شفته طلع رحت امشي ورا على كيف مسافه بينه طلع من الباب الرئيسيه  طلعت وراه ابوع عليه مشه مسافه وصعد سيارته وطلع هي مشت سيارته واني دمعت عيوني حسيت نفسي مراح اشوفه بعد رجعت للبيت وصلني مسج من ديانا باجر ب7 تمر عليه للبيت تاخذني حضرت نفسي وشنو الي البسه
ثاني يوم بدلت وانتضرتها اجتي بسيارتها اخذتني تعرفت عليها متزوجه وعدها 2 اطفال واحد اول متوسط وواحد خامس ابتدائي وصلنه للروضه طبيت عرفتني على الكادر التدريسي صرت ويه مس اتعلم منها كم يوم وبعد استلامك للمنتج تراسلني حته اخلي اسمك بالسستم المتابعه وتابع حضرتك اول باول الزم صف وحدي اباوع على الاطفال يخبلون مثل الطيور يلعبون ويدرسون حبيتهم حيل واستمتعت وياهم
رجعت وياها للبيت وصلتني لان هي بيتها قريب على بيت الام ماري
من رجعت بقيت اسولفلها على الروضه وعلى الاطفال وهي مبتسمه على سوالفي

فراس/لايام تمشي وماكو اي خبر على نيفين مرت اشهر حالياً احنه سنه 2020
صار حضر وسدو المدارس والحالات تزيد

نيفين/صارلي كم شهر بالروضه وجمعت مبلغ حلوو من راتبي لان مااصرف ماعندي شي بس ارصده علمود ٱلنت بس لاوضاع تأزمت بسبب كارونا وحضر وسدو المدارس والروضات والجامعات هنا كعدت بعد مرت الاشهر وبدت اعراض عد الام ماري طلبت اوديها للمستشفى بــَس ماقبلت اصرت تبقه ابيتها واني وحدي مااعرف شلون اتصرف بقيت اسويلها عصاير برتقال وليمون وتعقيمات واداريها وكل مااطلب منها اوديها مستشفى ما تقبل الى ان حالتها حيل تأزمت نقلتها اني وصديقتها ام ديانا وصديقتها الثانيه  للمستشفى  حجروها بالمستشفى وبقت يمهم اني وحدي بالبيت صرت اخاف لان لبيت مو صغير جبير واخاف وحدي كوه اخلص الليل مر 20 يوم على وجودها بالمستشفى لكن للاسف فارقت الحياة راحت الام الحنونه ماري الكل تأثر برحيلها اني وصديقاتها واصحاب الكنيسه كلهم راحت روحها للسماء بجيت عليها كأنما خسرت امي ثاني مره تعلمت عليها وتعلقت بيها حيل خفت اتعلق بأي شخص بعد لان گـِْـِْلِْ الي تعلقت بيهم راحو رجعت تحطمت من جديد بقيت فتره ابيتها بعدها اجوي الدوله صادروه لان ماعدها احد يورثها والبيت رهينه للدوله هنا اضطريت اطلع اجه ابالي  البيت الي جنه ساكنين بي حنيت على ذكرياتي بي وي ماما وبابا رحت اشوفه حته لو من الباب واسترجع ذكرياتي
انفتح الحضر بس جزئي اخذت غراضي ورحت للفرع طبيت شِفـٍـْْــٰٰتْ اطفال كاعدين بالباب مالته باوعت عليه وتذكرت كولشي شكد جنت بوقتها مدلله بوجود بابا وماما ومحاسه بشي اروح للجامعه ومتونسه ومرتاحه درت وجهي صار بيت جوراينه كدامي الجوارين الوحيدين الي جانت عدنه علاقه بيهم اباوع على الباب جان تنفتح طلعت امهم جانت صديقه ماما شافتني واكفه ظلت تباوع عليه كالت تعالي خاله
رحت تقربت يمها هي اسمها ام حسين