#تحدي_الحب
فراس
نيفين خاله
اكو موضوع اريد افتحه وياكم
ام نيفين/كول امي شنوو الموضوع
فراس/انشالله خير هو
اكو ابالي مشروع مشترك ابينه اني ونيفين
نيفين/يا مشروع
فراس/ناوي افتح محل مال كوزمتك يعني اني صح مااعرف بهالامور بس صديقي عنده محل بهالمجال وهو يكدر يساعدني يعني مشروع صغير نكدر نكول شغلات مال بنات فقط مكياجات وعطور واصباغ شعر واجهزه كهربائيه مال شعر وهاي السوالف يعني
واريد نيفين تلزمه للمحل طبعاً اني راح اشوف المحل لو بمنطقتنه لو بمنطقتكم ولافضل يكون بمنطقتنه لان اكو مكان مخلي ابالي تجاري وعليه رجل على طول واني اوصلها النيفين وارجعها
ام نيفين/حلوو څــِْ♡̷̴̬̩̃̊ـِوش مشروع ونيفين هم تحب هاي السوالف بس جامعتها شلون
فراس/نيفين تلزم المحل العصر فقط يعني من ال4 لل8 مثلاً
والصبح اخلي عامل بي
اهم شي ميأثر على دراستها
نيفين/
بداخلي حيل فرحت لان اني اصلاً محتاجه للشغل والحلوو فراس مديري وابقه بجامعتي راساً كولت
اييي موافقه شوكت نبلش بالمشروع
فراس/ابتسمت احسها فرحت وتحمست
انشالله من اليوم ابلش ادور على محل وكلها ايام ويكون كلشي جاهز ونروح اني وصديقي نسوك لان هو يعرف اكثر مني بهالشغلات وشنو الاصلي وشنو الي عليه طلب هو صار سنين بهاي الشغله
نيفين/تمام
فراس/انـ شـاء الـلّه خير
ام نيفين/
اني ابد مااحب نيفين تشتغل بس دامها وياك مأمنه عليها اووووف راحت خيمتنه مجنه نحس بكلشي حته اني جنت اداوم بأجر قليل بس علمود اطلع من البيت وماابقه وحدي اوضوج وخصوصاً جان شغلي وياه نفس الشركه
فراس/ربي يرحمه وانشالله متحتاجون لاحد
بقيت يمهم لل4 گـِْـِْلِْ شويه امها جايبتلي شي اكله احس نفسي تنكت رجعت للبيت بدلت ملابسي اتصلت بصديقي حسام كتله رايدك بشغله اتفقنه بالقاعه نلتقي وي ما اريد اطلع وصارت المى كدامي اخذتها شلتها وطلعت للاسواق اشتريتها حلويات الها ولاخوها وبستها نزلتهابالباب كلتلها طبي جوه واني شغلت سيارتي وطلعت
فتحت الموضوع وياه وكتله شكد يكلف فهمني على كلشي وكال اكو محل جبير ومرتب حيل جان كال ازياء نسائيه اذا تحب نشوفه الك
كتله تمام على باجر نروح
ثاني يوم رحنه شفت المحل موقعه ممتاز اتفقنه على لايجار خلال اسبوع كملنه ديكور المحل
بقه بــَس نسوك خلصت لاسبوع بين الجامعه وشغل المحل ماارجع للبيت لليل كلش بيوم جنت راجع بليل تعبان طبيت لغرفتي لكيت سحر نايمه على جربايته حاضنه ملابس جهالها وتبجي عًـٍُُيُِِِِونها حمر فد نوب كعدت يمها
شبيج سحر
سحر/اطفالي راحو اليوم اخذهم الحقير وراح احس كلبي دا يتكطع دااموت جهالي هذوله قطعه من روحي راحو بعيدين عني راحو من حضني
أنت تقرأ
#تحدي_الحب
Romanceتدور احداث القصه بين استاذ جامعه مسلم جنوبي الاصل وبين فتاة مسيحيه الديانه طالبه في نفس الجامعه
