#تحدي_الحب
نيفين
بعد مااتصل عليه حسام وكال تحضري راح آٍجُـي اخذج للمستشفى فراس مسوي حادث وحالته حرجه من الصدمه اغمى عليه
محسيت نفسي اله اني بحضن زينب وتغسل وجهي بالمي فتحت عيوني
صحت فراس وين فراس بقيت اصيح باسم فراس تهسترت
زينب/حبيبتي بالمستشفى امشي حسام ياخذج
من اتصل بيج ويحجي وياج ماكو صوت اجينه نركض عليج حسام كسر باب الشقه وطبينه لكيناج واكعه بالكاع كومي حبيبتي خلي حسام يوديج يم فراس
نيفين/واهله شلون
زينب/همه اهله يعرفون ماادري لان امه كايله لحسام انتي تدري بي متزوج نيفين
نيفين/شلون عرفو فراس ممخبرهم
زينب/همه اول وتالي راح يعرفون يله كومي
كومتني زينب لبستني ملابسي ونزلتني اني ماعرف شسوي غير البجي عيوني ما بطلن بجي رحنه اني وحسام للمستشفى زينب بتها بعدها عمرها شهر ماكدرت تجي علمودها
طبينه للمستشفى شفت امه وابوه واخوانه وابنيه يمكن زوجته رنا
حسام/شيحجون وياج اسكتي هــًـًســًه همه بحالة صدمه تحملي بــَس خلي فراس يصحى ويكوم على حيله
وصلت للغرفه الي بيها فراس جانو هستوني مطلعينه من العمليات بس مصاحي اول ما وصلت يم الغرفه امه بقت تصيح عليه كله من وراج راح يروح ابني من ايدي بسببج
بعدها اجتي لابنيه تهجمت عليه الي هي رنا
محمد بعد رنا مني وحسام بعد ام فراس
اني بس ابجي مهتميت الشي بس اريد اشوف فراس
ابوه باوع عليه بس يبجي ماحجه شي
بعدها اجوي زلم ونسوان كرايبهم
بقيت كاعده على صفحه لان مااعرف احد ميقبلون واحد يطب لفراس لان هستوني طالع من العمليات
بقيت ابجي اريد بس اشوفه اعرف شي عليه اجه الدكتور همه التمو عليه اني ماافتهمت شي ولا يخلوني اتقرب يمهم الكل جان يباوعلي بحقد ومحملني مسؤليه الحادث لليل كال الدكتور بس اثنين يطبون يشوفونه ويطلعون لان المريض بعده على الاجهزه ومصاحي
ردت اطب بس رنا دفعتني
وطبت هي وامه طلعت امه اتضرب على وجهه وتعيط هنا عرفت حالة فراس خطره لليل انترست المستشفى زلم ع فت هذوله عمامه من العماره اجوي هنا سمعت ام فراس كالت لابنها الصغير اخذها للبيت ولتخلوها تطلع من اجي اني اعرف شتصرف وياها
اجه اخوه الي اسمه علي كلي امشي ويايه
ماقبلت كولت مااروح ابقه هنا يم فراس
بس امه اجتني كرصتني حيل ايدي كالت روحي وياه وبعدين اعرف شغلي وياج اذا مات ابني اله ادفنج بيدي
خفت منها ورحت امشي وراه صعدت بالسياره وطلع لبيتهم وصلت للبيت اتلكني بنات اخواتها ومااعرف منو بعد اقاربه
اول ماطبيت وحده من اخواته تهجمت عليه وتصيح كله من وراج راح يموت آخـۅيھ كوه كدرت ساره تخلصني من ايدها وصعدتني لغرفتها غسلتلي وكالت تعالي اكعدي شربتني مي
أنت تقرأ
#تحدي_الحب
Romanceتدور احداث القصه بين استاذ جامعه مسلم جنوبي الاصل وبين فتاة مسيحيه الديانه طالبه في نفس الجامعه
