#تحدي_الحب

البارت السابع

#تحدي_الحب
البارت السابع

ام فراس/ها يمه اجيت

فراس/يمه شكوو

ام فراس/تعال يمه اكعد اسولفلك
سحر بت خالك مو متزوجه ابن خالها بالخارج وطلعت مطلكه منه صار 6 اشهر وكاعده وحدها بالشقه هي وجهالها ومحد يدري من بيت خالك لاهي حجت ولا هو واهله وهسه خابر على مرت خالك يكلها اني بتكم مطلكها من 6 اشهر ولترجع تبقه يمكم واني راح اجي اخذ جهالي بس

فراس/بقيت صافن راسي افتر شنووو يمه معقوله مطلكه ومتكول لاهلها وصار 6 اشهر

ام فراس/اي والله يمه كلنه انصدمنه

فراس/زين خالي وينه وشكال

ام فراس/خالك راح يموت تخربط ضغطه صعد ويكول ماريدها بالبيت بعد شلون جذبت عيلنه وضمت هيج سالفه

فراس/زين هي وينها سحر

ام فراس/فوك قافله الغرفه عليها ومخليها جهالها يمها بس تبجي وتعيط

فراس/باوعت على مرت خالي مخليه ايدها على راسها ومدنكه تكسر الكلب كلتلها خاله من رخصتج اريد اصعد احجي وي سحر افتهم منها لَيــِْش ضمت شغله مثل هاي

كالت روح خاله كلشي ماافتهمنه منها اخذتنه بعياطها وبجيها الرعنه بالكت انت تفهم منها شي

صعدت فوك دكيت باب الغرفه
بقت تصيح عوفوني بحالي لحد يولومني محد يعرف الي عشته تريدون انطي جهالي لو يموت

كلت سحر فتحي الباب اني فراس

ثوانـ¹ـ²ـ³ـي وانفتح الباب شمرت نفسها بحضني وتبجي بحركه فراس آلُـِْلُـه يخليك لتعوفني وحدي محد دا يفهمني انت افهمني الله يخليك اني سحر حبيبتك

انكسر كلبي عليها بس من كالت اني سحر حبيبتك احس صارت رجفه بكلبي وهي بحضني رغم الوضع الي هي بي بس احس كلبي رجف عليهاًوبنفس الوقت تذكرت هي الي تخلت عندي وخيبت امالي دفعتها. راساً من حضني
لزمتها من وجهه وخليت عيوني بعيونها صار وجهه حيل قريب على وجهي بلعت ريكي

سحر اهدئي وفهميني شكوو شصاير وياج لدرجه خلاج تضمين هيج شي مهم على اهلج مافكرتي بسمعتج شنوو مطلكه 6 اشهر وباقيه يم رجلج زين مافكرتي بابوج وامج شبيج سحر تخبلتي فهميني عصبت فد نوب عليها انتبهت الجهالها بقو يبجون ومرعوبين من منضر امهم وخايفين سحبت الجهال شلت المى ولزمت احمد من ايده كلتلهم تعالو خالو
سحر/وين ماخذ جهالي عوفهم يمي
فراس/اشششش مااعرفهم يم ام مخبله مثلج حابسه الاطفال مرعبتهم خلي ينزلون يم ساره هسه انتضريني اوديهم يم خالتهم واجيج
نزلت الجهال يم ساره ويم بيبيتهم ورجعت صعدت طبيت وسديت الباب كتفت ايدي وعقدت حاجبي واني واكف كدامها وهي كاعده على الجربايه وشعرها هوسه تفرك براسها وتبجي

فراس/عوفي البجي وفهميني لَيــِْش هيج سويتي
اهدئي واخذي نفس ولمي هاي الكفشه مالتج واحجيلي بكل هدوء