#تحدي_الحب
فراس/نيفين ارفعي راسج خلي عيونج بعيوني
نيفين/بداخلي مااكدر اخلي عيوني بعيونه حيل خجلانه من الشي الي صار ابينه بقيت مدنكه راسي احس حراره تطلع من خدودي وعيوني دمعت من الخجل
فراس/نيفين ارفعي راسج كلت
نيفين/رفعت راسي نعم استاذ
وي مارفعت راسي نزلت دمعتي
فراس/شِفـٍـْت دمعتها نزلت احس جسمي كله رجف ماادري ليش هلابنيه احسها طفله ورقيقه من ابسط شي احسها تنجرح كمت سحبت كلنس ومسحت دموعها
نيفين/من مسح دموعي متحملت نهاريت بجي مو بس علمود الي صار بينه انما اني مهمومه حيل وكاتمه بكلبي حياتنه بعد وفاة بابا صارت حيل صعبه ماما تعبت ومتكدر بعد تداوم وعدنه ايجار البيت وقسط الجامعه وماما تمرضت شكل عدها السكر بوفاة بابا اخر حل توصلت اله هو اترك الجامعه بدون علم ماما واشوف شغله اشتغل اوفر الايجار وعلاج ماما ومصرف البيت
صح اخواتي يكدرون يساعدونه بس بينه طبع عزة نفس عدنه ومنقبل نخلي احد يصرف علينه احس نفسي مخنوكه وفرغت الي بكلبي يم فراس عن طريق دموعي
فراس/لزمتها من كتفها نيفين شبيج لخاطر الله
نيفين/مابيه استاذ بس بخصوص الغيابات اني ناويه اترك الجامعه
فراس/نيفين اني كلت هيج كدام الطلاب بــَس ترى الغيابات ممحسوبات اني حجيت وي مدير القسم لتخافين
نيفين/حته لو استاذ اني اصلاً اريد اترك الجامعه
فراس/ ليش نيفين بسببي موو بسبب هذيج الليله اووووف والله مو قصدي والله ساعه شيطان ودزيتلج رِســٰالـْه واعتذرت منج لتركين الجامعه بسببي الله يخليج هذا مستقبلج
نيفين/استحيت اكوله اتركها بسبب العيشه ووضعنه ميساعد بعد وفاة بابا كمت ترخصت منه وطلعت بدون. مااحجي اي شي بعد طلعت كبل للبيت
جان بابا مخليلي سايق خاص عفته وكمت اصعد بالكيه حته شويه اقتصد وصلت للبيت لكيت ماما حيل تعبانه اجرت تكسي واخذتها للدكتور لليل ياله رجعنه فراس هوايه اتصل عليه يم الدكتور بس مجاوبت ثاني يوم مداومت بــَس طلعت الصبح ادور على شغل بدون متدري ماما عبالها رحت للدوام بلشت ادور شغل بالمولات
فراس/نجنيت من عرفت بنيفين تريد تترك الجامعه بقيت الوم بنفسي كله بسببي اتصلت عليها كومه متجاوب رحت فتت من يم بيتهم ماكو احد رجعت للبيت والدنيه طالعه من عيني طبيت للبيت امي وسحر وساره كاعدات ياكلن كعك وي الجاي
ام فراس/يمه ساره كومي حضري الغده الفراس
فراس/ماريد يمه طاب الغرفتي انام
طبيت للغرفه نزعت ملابسي بقيت بس بالداخليات وتمددت على الجربايه ونمت
هستوني غافي واحس احد حضني من ضهري عرفت هاي سحر اني كاره روحي علمود نيفين وهاي اجتي راساً دفعتها من يمي
أنت تقرأ
#تحدي_الحب
Romanceتدور احداث القصه بين استاذ جامعه مسلم جنوبي الاصل وبين فتاة مسيحيه الديانه طالبه في نفس الجامعه
