#تحدي_الحب

البارت الثامن

#تحدي_الحب

نيفين
من كلي فراس تعالي يمي احس نفسي اني هم اريد قربه بدون ماافكر ولااتردد راساً التجئت اله وخليت راسي على ايده صرت اتنفس عطره تغطيت وياه بنفس الغطه

فراس/احس جسمي كله يرجف عليها بقيت اردد بكلبي الله ينعل الشيطان
ربي لتخليني اغلط وي هاي الطفله واطب بخطيتها
وبنفس الوقت مااكدر ابعدها عني صار شعرها يم خشمي بقيت اجر النفس واشم بي تمنيت الصبح ميطلع
تمنيتها مسلمه والله ماافوت لحضه راساً اخذها اليه
تمنيتها تكون ملكي ومرتي اليه وحلالي بــَس رجعت وكلت هالشي مستحيل اني من دين وهي من دين مستحيل ننجمع سويه ورغم هالتفكير بــَس حب سحر بكلبي بالحضتها تخايلتها سحر صح ماكو اي شبه بينها وبين سحر لامن ناحيه الشكل ولا الجسم ولا كلشي
سحر طويله وصاحبه جسمي
اما نيفين ناعمه حيل اذا احضنها تضيع بحضني
سحر شعرها قصير
نيفين شعرها طويل وشقاره طبيعي
حته العطر ونبرة الصوت تختلف بــَس بلاخير اثنينهم بنات وبقيت اتخايل نيفين هي سحر وبعدها ممتزوج مثل قبل حبيبتي اليه وبس بقيت اقربها الحضني ومااشوف اي ردت فعل منها متمانعني ابد نايمه علي ايدي اليسره راسها صاير قريب على كلبي سحبت راسها وخليته على صدري وبقيت اشم بشعرها حضنتها حيل وهي بادلتني نفس الشعور هم حضنتني بقيت العب بشعرها الشمع خلصن وطفن واللايت صار حيل خافت الجو اضلم بــَس ضوه الصوبه وصوت المطر رفعت راسها بيدي وقربت وجهي على وجها صارت شفتي على شفتها بستها بكل قوه فقدت عليها ماادري هاي نيفين لو سحر الي بحضني لان اخر مره جربت شعور هاي البوسه جان وي سحر قبل لتخبرني بخبر خطوبتها بيومين بــَس وجانت اخر بوسـّه
اتخايلتها سحر وتعمقت بالبوسه حيل لدرجه احس نفسها انكطع. مهتميت اريد افرغ الطاقه الي بيه حسيتها تضرب على صدري بخفت ايدها وهم مهتميت بقيت مستمر الى ان اجتي الكهرباء وصار الضوه بوجهنه سحبت نفسي وباوعت عليها راساًغمضت عًـٍُُيُِِِِونها تندمت بلحضتها اني شسويت بهالابنيه شلون استغليت مشاعرها  راساً كمت كعدت على القنفه ورثت جكاره دنكت راسي

نيفين مااعرف شلون نسيت نفسي وياج اني اعتذر منج مااكدر هسه اروح واعوفج وحدج ادري بيج تخافين بس الي اطلبه منج اصعدي الغرفتج رجاءاً

نيفين/
من صحيت على ضوه الكهرباء تندمت شلون ما منعته شلون بادلته راساً نفس الشعور بــَس لا ياخذ نضره عليه غركت وياه وجربت شعور اول مره بحياتي اجربه نسيت نفسي ونسيت كولشي ورحت وياه لغير عالم
من كام وطلب مني اصعد فوك كرهت نفسي شلون استجوبت وياه بدون ماامانعه بدون اي كلام صعدت اركض الغرفتي طبيت للغرفه بقيت ابجي بحركه لَيــِْش هيج سوه ويايه وليش اني ما منعته هو اصلاً يحب سحر واني شلون نسيت نفسي وياه بقيت ابجي بصمت واعض بأيدي لفيت نفسي باللحاف حاولت انام بــَس ماكدرت بقيت للصبح ياله كدرت اغفه

فراس
بقيت اسحب جكاره ورا جكاره للصبح ماريد انام بس اريد الصبح يطلع حته اروح من هنا الام ثاقه بيه رغم متعرفني ومأمنه على بتها يمي اني شلون خليت الشيطان يسيطر عليه كله بسبب سحر الله ياخذج ياسحر شسويتي بيه بعد گـِْـِْلِْ هالسنين منين طلعتيلي اوووووووووف
بده الصبح يطلع دزيت مسج النيفين