#تحدي_الحب

البارت 13

#تحدي_الحب

فراس
وصلت للمحل واشوف حسام يم نيفين بالمحل طبيت وهمه محسو بقيت واكف اشوف حسام يشاقه ويضحك وي نيفين وهي مندمجه وياه وتضحك صارت عيوني بكصتي دارت وجهه عليه شافتني واكف
احتي باتجاهي

نيفين/هلاوو فراس
تدري هواي بعت اجني زبونات وحسام خطيه هوايه ساعدني هم
فراس/اي تمام رفعت حاجبي الحسام لعد لَيــِْش عايف شغلك ومحلك
حسام/مو العامل اجه بي هذا وقت استراحتي
فراس/اي استراحتك تخلصها بلبيت تاكل تنام تترتاح مو تخلصها يمي
حسام/اي يمعود رايح رايح اودعناكم

فراس/وانتي شدعوه عليج بسرعه اندمجتي وياه وسوالف وضحك
نيفين/استغربت من طريقه كلامه احسه تضايق من وجود حسام وبقه يحاسبني زين اني شعليه غير هو صديقه
سكتت ورحت ارتب بالغراض لحد ساعه 9 كال ياله راح اسد المحل
سد المحل وصلني للبيت تلكتني ماما كعدت اسولفلها على الشغل بعدها تعشيت ونمت ثاني يوم عندي دوام بالجامعه

فراس/احس فتحت عليه باب بسالفه المحل لازم اظل مكابلها وكاعد مدري منين طلعلي حسام اضوج فد نوب من اشوفه يمها واتضايق صرت يوميه الصبح بالجامعه والعصر اكابلها واكعد بالمحل وكل مايجي حسام اطلعله سالفه حته يطلع من المحل مشت لايام واني على هالسالفه هايه يوم على يوم احس روحي صارت بنيفين
خلص شهر صار موعد راتبها هي حته ما سالتني شكد الراتب ولاشي حسبت الدخل عزلت فلوس الايجار وفلوس المسواك الباقي كلت كله الها لان اني علمودها فتحت المشروع ممحتاجه طلع 600 الف ثاني يوم اجتي انطيتهن الها كلتلها هذا حق تعبج راتبج

نيفين/اخذتهن منه مااعرف شكد بس كلت شكد مايطلع نعمه تشكرت منه وضميتهن بالجنطه وصلت للبيت حسبتهن 600 ابد مجان ابالي هيج مبلغ راتبي فرحت حيل وخليتهن بيد ماما ماقبلت تاخذهن كالت تعبج
طلعت فلوس لايجار والكهرباء عزلتهن والبقه منهن كلتلها هذا مصرفي كافي عليه عطلنه عطله نصف السنه صرت اطلع بالمحل الصبح والعصر والشغل تطور احسن

فراس/يوم على يوم احس كلبي يتعلق بنيفين اكثر صرت حته بحلمي اشوفها بصفنتي تجي صرت مجنون بيها من اشوف حسام يجي للمحل واشوف عينه عليها بدي اكتله واطرده كوه لازم اعصابي بالعطله صرت اشوفها من الصبح للعصر انطيها حته وقت استراحة الغده لغيتها اجيب اكل من المطعم ونسد الباب ونكعد ناكل مرات تكلي على شنو مشغلني وياك اذا انت متفرغ للمحل
اكلها هو الج اني مجرد اساعدج بس
بكلبي اخــّّـّّاف عليها وحدها واكثر شي من عيون حسام الي احسه يدور فرص من اتركها وحدها
اما سحر صرت احسها تتقرب عليه اكثر شكد ماابتعد عنها هي. تتقرب عليه ويوميه تسالني على نيفين حاولت بكل الطرق تندل المحل بــَس ماانطيتها مجال
اخر يوم العطله جنه كاعدين نريد نعزل وطب حسام للمحل جايب عليه حلويات وعصاير كال عازمكم
كعدنه ناكل واني عيني عليه نضراته النيفين حيل ضايقتني حته من تكوم ياكلها بعيونه رغم نيفين ابد متباوعله. ولا يمها اختنكت لدرجه كمت على حيلي وصحت بنيفين يله بسرعه لتتخرين وامج يضل بالها عليج سديت المحل وصلتها باقصى سرعتي بدون مااحجي شي رجعت بالطريق اتصلت بحسام كتله تًٓعْال بفلان بمكان رايدك تواعدت وياه بمكان جوله انتضرته اجه طبك سيارته اول مانزل تقدم اتجاهي بدون وعي ضربته بوكسي. على خشمه بقه يجري دم كاعد بالكاع يمسح بالدم وصافن عليه انصدم من الي سويته بدون سابق انذار