#تحدي_الحب

البارت 25

#تحدي_الحب

نيفين
كاعده بالبيت بعد ما حسيت نفسي استقريت وارتاحيت ومرتاحه ابيتي الصغير كولت خلي اكوم اسوي كيك لان ساره كالت بليل اجيج
هستوني طبيت للمطبخ واندك الباب توقعت فراس
فتحت الباب
طبت مره احس نفسي شايفتها ماادري وين مااتذكر

نيفين/تفضلي خاله
ام فراس/انتي منو وشعندج وي ابني
نيفين/منو ابنج
ام فراس/ابني فراس
نيفين/هاا هلوو خاله تفضلي
ام فراس/اني مجايه اكعد ماادري شنوو الي بينج وبين ابني بــَس اسمعي لافضل الج اتركين ابني لان ابني ميفيدج لتبنين امال عليه فراس متزوج وجايه طفل بالطريق ويحب مرته ويموت عليها لتتصورين بيوم يخليج بمكان مرته انتي ماعندج اهل شلون اهلج قبلو يزوجوج لواحد متزوج وراح يصير اب وكل كم يوم يجيج. بالختله بدون علم مرته واهله جفينه شرج ولا تهدمين بيت ابني اني ماصدكت ازوج واستقر اطلعي من حياته احسن مااسويج فرجه كدام الناس تريدين تببوكين الرجال من مرته احسب الله ماخلقج اذا تحاولين تهجمين بيت ابني

نيفين/انصدمت صدمة عمري اني هستوني طلعت من صدمة فادي وتولاي لنوب اجتني صدمة اقوه منها فراس متزوج مستحيل شلون ماكلي

خاله لَيــِْش فراس متزوج صدوك

ام فراس/اي متزوج شوفي يـعـنـي مكايلج
طلعت تليفونها من جزدانها وطلعت صوره كالت هاج شوفي حته تتاكدين

صوره فراس مال عرسه صحيح يـعـنـي متزوج ومرته وياه بالصوره جسمي كام يرجف ودموعي تجري صدمه ورا صدمه شتحمل بعد

ام فراس/انتي بعدج صغيره والف من يتمناج شلج بواحد متزوج اطلعي من حياة ابني وروحي شوفيلج ولد من عمرج ممتزوج انتي حلوه وعين الله عليج اطلعي من حياة ابني

نيفين/مسحت وجهي مْـإأڜْـي خاله وعد واح اطلع من حياته

هي نزلت واني كعدت بالكاع ابجي على حضي لا بقالي اب ولا ام الوحيد الي جنت اكول عليه سندي هم صدمني وضام عليه خبر زوجه لَيــِْش لَيــِْش كمت هم لميت ملابسي وغراضي بقيت اباوع على البيت ودموعي تجري حيل حبيت البيت جان بالنسبه اليه جنه وهم خسرته اخذت جنطي عندي كم فلس اخذتهن وطلعت طبكت الباب لان متاكده راح يجي فراس اول خطوه طلعت الخط كسرته ماريد اي احد يوصلي بعد لافراس ولاعمتي ولا اي  احد اجرت تكسي كلي وين
بقيت ساكته مااعرف شاكوله وين اروح انطيته عنوان كنيسه جنه بكل عيد نروح الها آٌنـي وبابا وماما
بابا جان يعرف القس الي بيها دعيت الرب الكاه موجود بيها جنت وصلت للكنيسه انطيته كروه ونزلت طبيت خليت جنطي على صفحه وطبيت صليت وشعلت شمعه الأمنه العذراء رحت لغرفه الخاصه بالقس
اديت التحيه وطلبت منه احجي وياه بموضوع

القس/تفضلي بنتي محتاجه شي

نيفين/اني جنت كل عيد مجيد نجي للكنيسه اني وبابا وماما بس بابا توفه ووراه فتره ماما توفت واني ماعندي احد بس اخوات 2 ومسافرات مااكدر اوصل يمهن
ماعندي مكان اعيش بي اكدر ابقه هنا بالكنيسه الى ان ادبر مكان اعيش بي