#تحدي_الحب
فراس
اهلا نيفين تعالي تفضلي
نيفين
تقربت كعدت على الكرسي ومدنكه راسي جنت لابسه ستره سوده وي الحزام قصيره وجواها قميص ابيض وتنوره قصيره سوده شعري مفتوح
خليته ورا اذني ومدنكه راسي اسمع بــَس صوت القلم بالميز بخفة ايده
فراس/اي نيفين شلونج
نيفين/تمام استاذ زينه
فراس/شلونج بالدراسه خوما تواجهين صعوبات
نيفين/لا استاذ كولش زينه
فراس/تمام هسه ممكن ترفعين راسج ونسولف كزميل وزميلته
نيفين/رفعت راسي ماشي استاذ
خليت عيني بعينه اول مره انتبه الشكله عن قرب لحيته خفيفه وشعره عالي
ملامحه حاده عيونه سود ورموشه طوال
ابتسامه خفيفه على وجهه
فراس/لبارحه ليش تبجي من طبيتي للجامعه
نيفين/هو بس مجرد سألني سؤال واني دموعي بقت تجري اريد اسيطر على نفسي مااكدر
فراس/شفتها نهارت بالبجي استغربت من موقفها شنو وياها هاي لابنيه ومن مجرد سؤال هيج بجت سحبت كلنس ونطيتها
لحضه لحضه بهدوء وبدون بجي وفهميني
نيفين/استاذ اني اصلاً جنت حابه اجيك واحجي وياك وانت سبقتني ودعيتني اجي المكتبك
استاذ اني اصلي مو من بغداد
اني من الموصل وبلاحداث انتقلنه لكركوك ومن خلصت لاعداديه لان بابا وماما يخافون عليه شافو أامن مكان اداوم بي جامعه هي بغداد وانتقلنه البغداد وهاي اول سنه اليه اداوم بس من داومت ولحد الأن هوايه دااتعرض للحرشه من قبل هوايه طلاب ولحد اليوم جنت ابجي لان داامشي وطالب متعمد طخني حيل ووكعت غراضي وملازمي ونضراته جانت مقرفه اني حيل تعبت من هالشي وحته صديقات ماعندي وحده فقط من المرحله الثانيه اسمها زينه بس هاي صديقتي لان بنات قاعتنه احسهن يضوجن مني
فراس/اممممم فهمت عليج
زين انتي حاولي تتماشين ويه بنات قاعتج صادقيهن
نيفين/مااكدر استاذ لان اكثر من مره سمعتهم يحجون عليه وعلى طريقة لبسي واني هالشي متعوده عليه من زمان
فراس/
انقهرت عليها وحبيت الطف الجو وياها
اوووكي لعد على هالانتقادات يمكن السنه التجي اشوفج محجبه من وراهن
نيفين/ابتسمت ورفعت عيني عليه
استاذ مو همه ميعرفون بيه اني مو مسلمه اني مسيحيه والوحيده بالقاعه مسيحيه اني
فراس/رفعت حاجبي وكلت بكلبي هو هذا الجمال كله مبينه مسيحيه
زين مااشي اني راح اساعدج وراح اخليج تكونين مميزه بالقاعه مالتكم بس اريدج بكل محاضره مركزه وياي زين تمام
نيفين/تمام استاذ هو اني اصلاً من اول يوم دخلتلنه واني مركزه وياك بكل حرف تكوله
فراس/عفيه بالشطوره يله بعد ساعتين اكون يمكم تحضري واي شي تتعرضيله تجين هنا وتكوليلي اووكي
نيفين/اوكي استاذ يله عن اذنك وشكراً لان سمعتني
فراس/واجبي هذا اخذي راحتج
أنت تقرأ
#تحدي_الحب
Romanceتدور احداث القصه بين استاذ جامعه مسلم جنوبي الاصل وبين فتاة مسيحيه الديانه طالبه في نفس الجامعه
