#تحدي_الحب
البارت 19
نيفين
كال اسمي ودرجتي كامله راساً رفعت راسي باوعت عليه وفتحت عيوني باوعلي ورفعلي تك حاجب
جان اسمي اخر اسم يكوله
بعدها بده بالمحاضره خلصت وطلع
طلعت وراه اول ماطب للمكتب فتحت الباب وطبيت وراه
فراس/حسيتها تمشي ورايه بدون ماادري وجهي كلت هاا نيفين تفضلي درت وجهي وكعدت على الكرسي اشرتلها تكعد
نيفين/استاذ اني ممجاوبه ولا حرف شلون هيج اخذت درجه كامله هذا مو استحقاقي
فراس/رجعت راسي ليوره وبقيت احرك باالكرسي
اي صح ممجاوبه واكيد جان عندج ضرف اني مااضلم طالب عندي شاطر وانتي بكل امتحاناتج درجاتج ممتازه لذالك اخذتي استحقاقج
نيفين/بس اني طلبت تاجلي لامتحان
فراس/ماعدنه وقت بعد حته امتحنج اليوم سلمت الدرجات كامله
نيفين/صح اني عندي ضرف لو مـا ضرفي جان اكيد قريت
فراس/تمام مااريد اسالج شنو ضرفج لان اكيد هالشي ميخصني
نيفين/دنكت راسي تمام استاذ اني استاذن
فراس/اخذي راحتج
بس بكلبي كون تبقه بعد متروح صرت اشتاقلها اضعاف اشتياقي الها قبل
صافن ودك تليفوني شِفـٍـْت طليق سحر
حجيت وياه بلغني حاجزين للعراق وبعد اسبوع همه يجون فرحت حيل لان هالشي يرفع من معنويات سحر وهي مشتاقتلهم حيل خلص الدوام ومشت لايام مثل بعضها ماكو تغير بعلاقتنه اني ونيفين
قربت امتحانات نهايه السنه وحددنه الجدول بقو الطلاب ميداومون لان هذا اخر اسبوع انداوم بي اكثر الطلاب ميجون والي يجي ميطب للقاعه يخلصوها بالسنتر
كمت مااشوف نيفين صرت اشتاقلها حيل وكل مااريد اتصل بيها كرامتي متسمحلي
اليوم يوصلون اطفال سحر وصل للمطار واتصل بيه
رحتلهم استقبلتهم اخذت المى بحضني ماناسيتني حاضنتني وتبوس بيه حته ابوها بقه يضحك
اخذتهم لبيتنه ارتاحو ولحد الان سحر متعرف باطفالها اجوي راحت للمستشفى تفتح الخيط مال عمليه انتضرتها تجي اخذت لاطفال ورحتلها للبيت طليقها اخذ غراضه وراح لاقاربهم هنا بقو لاطفال يمنه اخذتهم وطبيت لبيت خالي سويت مفاجئه السحر فتحت الباب شفتها كاعده على القنفه ولازمه بطنها الضاهر دا تتوجع هستوها شايله الخيط مدنكه راسها لازم المى منا واحمد منا طبيت كلت السلام عليكم هي رفعت راسها وشافت اطفالها طفرت من مكانها واجتي تركض يمكن حته العمليه نستها وهمه هم ركضو عليها حاضنتهم وتشم وتبوس بيهم وتبجي موقف دمعت عيوني عليه تصيح ممصدكه خاف اني بحلم
فراس/لااا مو حلم حقيقه مو وعدتج اجيبهم الج وهاي جبتهم الج
سحر/يااا ربي ممصدكه جهالي بحضني يمه شوكت اجيتو ومنو جابكم
أنت تقرأ
#تحدي_الحب
Romanceتدور احداث القصه بين استاذ جامعه مسلم جنوبي الاصل وبين فتاة مسيحيه الديانه طالبه في نفس الجامعه
