الگاسر (وهم الخوف)

part 3

وانَة يا انَه شـﻛًـثر لافيني ضيم !.

صوتو للبارت فدوه 💔 ..
ـــــــــــــــــــــــــــــــــــــــــــــــــــــــــــــــــــــــــ

انكتمت انفاسي شفت سهام واكفه وياها رجال بوضعيه ابد ماهي حلوه ابد ضليت مجمده بمكاني منتبهولي همه ولا يمهم رجعت لمكاني خايفه منو هاذا ليش هلشكل يسوي هنا؟
رجعت غطيت راسي حاولت انام وخايفه مامأمنه علنفسي رجال غريب بلبيت لفيت الغطه ع نفسي وحاولت انام ماحسيت الدنيه الصبح ،مابينت شي سويت مثل كل يوم تنضيف وطبخ بس اضل ازاورها

سهام : شكوو مضيعه بوجهي شييي؟؟؟؟

-صفنتت وسكتت ورحت عنهاا ثاني يوم ايضاا نفس الحاله رجع الرجال الغريب اكرم ما اجه
واني بفراشي اطكطك خوف خاف تسوي بيه شي هاي المتخاف الله ، متحملت بعدد قررت اواجهاا

ثاني يوم كعدت الصبح نضفت وطبخت ورحتلها كاعده بلصاله وجهازها ب ايدها شافتني ضمته وباوعت بوجهي بخزره

-منو هاذا الرجال؟؟

صفنت بوجهي بتوتر

-احجيي منووو ليش هيجج يسوي بيج ليشش بدون ملابس احجي

انصدمت ووجها كام ينطي الوان وضح التوتر عليها

سهام : شـ شـ شـنو يارجال شتاكلين تبن انتي

-ترا شفت كلشيي والتلفون التخابرين بي بدون علم احد وسوالفجج بلحديقه

سهام: انجبي لجج اذبحج اذا تحجين نوب عليه بنات الكـ**ب

-واللهي يجي اكرم واكوله واخلي يذبحج انتي

سهام : هههههههههههههه اكرم تكلي ياا اكرم يا صخام ليش هوا يندل راسه من رجله يندل دربه ترا مسويته نعال برجلي لو يشوفني ويه واحد بفراشه مايحجي وهسه اني محترمه غيابه مو بفراشه بلحديقه ههههه

-شكد كـحـ**ه انتي من زلمه لزلمه مثل الجلبه

سهام : هههه والله وطلعلج لسان هين يبت ياسمين هين والله لندمج والله

-خليت ورحت ميتهه افور اريد الزمها اكطعهاا بس بنيتها مال هايشه تحطني تفطسني جوه زرها

للعصر اجه اكرم، سويت عشه وحطيته كدامهم وكعدت بلمطبخ واسمعهم شيسولفون

سهام : حبيبي

اكرم : هاا

سهام : اكلك اني مضايقه من وجود بتك كلش وابد مماخذه راحتي اريد البس اكشخ ب بيتي هيه حاطه عينها عليه

اكرم : شحدها اموتها والله

سهام : فـ يا حبيبي هيه جبيره مو صغيره وتعرف كلشي تسوي ف خلي نزوجها نستر عليها بعد كبرت وهم نرتاح منها