الگاسر (وهم الخوف)

part 36

السلام عليكم ..

#الگـاسـر {وهَـمْ الـَخوَف}

بقلمي الكاتبه :- نـور الـ نـور

قرأئه ممتعه لتنسون التصويت + المتابعه
.............................
‏لا تقتربْ مني ،لقد ماتَ الذي ما بيننا ،والآن حقّاً أكرهك،كم كنتُ أقدر أن أرد لكَ الأذى أضعافَهُ، لكنّني لا أشبهُك .

............

ارجف خـوف وافكار ابالي تتصادم
حسيت انجريت من مكاني
اني بعادتي من اخاف بعد مااعرف احجي
لساني يصير ثكيل والكلمه الف سنه اله تطلع
انجريت وكفت على رجليه
اريد احجي بس ماكدر بس دموعي تنزل بصمت
مشيت واكو احد يمشيني بصمت
لزمني كدني وربطوني لكرسي
وانجر الفاف من عيوني
شلت عيني باوعت للمكان شفت واحد
واكف كدامي
استغفرالله ربي مثل الخنزير واللهي
نسخهه يعني مستحيل بشر
دموعي تجري وارجف بشكل ملحوض كلش
ولساني ميسعفني للكلام
يباوعلي بنضرات مقززه وجهه مو راحه يخوف

حاولت استجمع صوتي احجي
تحمحمت وحجيت بصوت محتقن مختنك

:- مـَ ..منـو انتَ؟ شرايد منيي

ابتسم وتمشه يباوعلي
- متعرفيني، بس اعرفج عليه!
اني صديق لزوجج الله يخلي ...

استغربت مصدومه
:- شـ ..شـ ..شـنو !!! گـاسر؟ هوا خاطفني؟

- ههههههههه لا اني خاطفج ، زوجج شعلي

:- يذبحك والله يذبحـك
عوفني ... عوفني بحالي شرايد مني

- ههههههه أدري بس لعبنه بلنار يونس ..

اباوع بلمكان مليان غراض واني ميته خوف
شراح يسوي بيه صدري ينزل ويصعد
بخوف واتنفس بسرعه مرعوبه منه

:- الله يخليك عوفني خلي اروح
   راح نتأذه أثنينه خليني

هز راسـه
- اكون صريح وياج؟

هزيت راسي بخوف اباوعله

- لا بطلت ..

مستغربه شبي هاذا؟ مبين مو صاحي
ابجي ميته وهوا ساكت

- خوش قطع يحصلها الـگـاسـر والله ..

حاولت اصبر نفسي واسكت واجمع كلامي
علمود لايستضعفني اكـثر

:- شرايد مني منو انته؟

- مو كتلج صديقه لزوجج. !

:- ليش ماخذني ؟ تعرف انته شدتسوي؟

- ههههههه لحد الان مرتين هددتيني
حسبالج حيلگاج الـگاسر؟
والله مايلكاج ل اخـر يوم بـعمره
وقريب ..

:- اسمع .. والله التحلف بي موتك على ايـده
وشوف ..

- ههههههههههههههههههههههههه
نشـوف ... وهسه خلي اني ارويج شراح اسـوي