#الگـاسـر {وهَـمْ الـَخوَف}
بقلمي انا :- نور ال نور
والله حاير!
اني احبنها ضحكتك
وانتَ ماتضحكلي صاير
يَابرودك وانه فَاير
((((((((((((((((((()))))))))))))))))))
ورد:::
ضليت جهازي بيدي صافنه بي شعندي بعد
البنات وراحن باوعت للساعه عبرت 11
معقوله لسه ماوصل؟
فتت علواتساب فتت على رقمه هوا كاتب
عليه ابو حَره واني بقيته ماغيرته
دزيتله
:- شلونك؟.... وصلت لو بعدك؟
سديت الجهاز بعدني مكايمه من مكاني
اجاني. صوت اشعار
فتحت الرساله كاتبلي
::- اتنفس .. اي وصلت
شفتهاا اكو احد يرد على الشلونك ب اتنفس؟
برطمت شفتي مستغربه كتبتله
:- ارتاحيت؟ ... مو متتريك ..
شافها ومارد انتضرت كم دقيقه هوا متصل
وفاتح الرساله ومغلس ، واني اضوجج اكهرب
من هاي الحاله
سديت الجهاز شمرته وكمت شغلت قران بلشاشه
وشويه واندك الجرس رحت فتحت الباب
دخلو حَره وياها عمه خنجر وبعد مره وبينه شابه
سلمن من ورا خشومهن وفاتن واني بلباب صافنه
بس عمه خنجر تنبلع ولطيفه
اذكر من نخطفت رجلها علينه رايحه راده
تتطمن عليه بقت منتضرتني حجيت
:- تفضلي خاله تفضلي البيت بيتج
حَره واكفه قريب مني تباوعلي مبرطمه
مادري شبيها تقدمت عليها شلتها حاضنتهاا
بوستهاا مكزكزه عليها اكرص بيها واعض
وهيه باقيه مبرطمه ووجها صار احمر لان
اكلتها اكل كالت عمه خنجر
- تعالي يمه فوتي الطارمه بارده
:- خلي نشوف الحلو ليش ضايج
شبي منوو مزعلهه
اهووو لو دره بابا حَره مزعليهاا جان حرك
الدنيا على راسنه
- ههههههه اي بالله شيخلصنه بعد
لزمت أديها وشلتها افتر بيهاا طايره
هيه ضحكت وصارت تكركر بس كاشه خايفه
- ولجن لاتتمزلكن الطارمه مرمر مبلل
:- هههههههه اي وربي نتكسر
حطيتها ألهث لزمت أيدها فتنه للبيت وسديت الباب
كعدت عمه خنجر ويا الي اجن وياها
واني حجيت من باب الأدب
:- خلي احطلكم ريوك .. اكيد ممتريكين
كالت العمه
ساجده :- لا حبيبتي متريكين بس حَره أبوها
كالت أكل يم ماما
ابتسمت بعدني داحجي
كالت مره ثانيه حجابها نص ستاو لاابسه حجاب
والكذله طالعه متر شكره
- اكو ريوك لسه عيني العالم دتتغدى
ابتسمت
:- وماكو غده بدون ريوك عـمه
أنت تقرأ
الگاسر (وهم الخوف)
General Fictionفي الطبقـات العـاجيـه من المجتمع ليس كل من يعيش بها بخير من دون صراعـات .. ذكريات ..أو ماضـي بل بعض الاحيان يخلق هاذا النوع من الترف مههوس عاشق لا يعرف الرحمه ولاكــن طيب القلب .. لاكن افعاله تعكس غير ذالك فهل سـيتغير هاذا المحـب القاسي اتجاه محبوبت...
