جـروحــي عـريـانـات تـوك شفـتهـن !!
مـن جـانن حـديـثات مـا كـبعتـهن؟ !
صوتو للبارت + تابعو الحساب
نـور الـ نـور
""""""""""""""""""""""""""""""
ما مصير الذي تعلق وانخذل؟
وما مصير الذي خاف من الموت وادرككه؟
وما مصير الذي احب ولن يحـب؟
الجميع مصيرهم واضح ماعدا الذي بدون
روح وبدون هويه جسده في الدنيا وروحُه
معلقه لاتعرف السبيل سيدوم نكران الذات
والإلم؟ ام سيتغير مجرى الدهر وستضحك له
الدنيا قليلا،
كاعدين يسولفون سحب نفسي وكمت طلعت برا لابسه بنطرون وقميص سود وشايله نص شعري
طلعت للحديقه مادري شنو صار بالي وفتحت باب البستان وطلعت للبستان اجوائه تختلف وتجنن
راحهه بي وخضاره يجنن ممنوع عليه اطلعله وحدي
محذرني شاهين بس طلعت
تمشيت بي واخذني الواهس احس صدري انفتح
وتغيرلي جو صوت العصافيرر والمي بين الشجر
والفواكه
كعدت جوه شجره الرمان متمعنه بلطبيعه التموت
وصافنه ماعرف شكد مر من الوقت واني هنا محد يعرف اني وين قررت اكوم ادخل للبيت مدام محد عرف لسه ماريد اترزل من شاهين
كمت هستوني نضفت ملابسي ومشيت راجعه للبيت
سمعت صوت من وراي وصوت حركه سريعهه
جايه اتجاهي التفتت شفته متتت بمكاني
شفت (جلب) يركض اتجاهي هوا مو كلش بعيد ولا كلش قريب بس يركض حيل وينبحح شفته بادت رجليه وراح حيلي اريد ارفع رجلي من الخوفه ماكدر
اريد اصرخ ماكدر سحلت روحي وبديت اركض
بس هوا اسرعع لحك عليه طفر عليهه واني صرخت
صرختت صوت شك صدري وطلع مليان خوف
دفرته برجلي وحاولت اكوم هوا نهض ورجع عليه عضني برجلي واني اصررررررخ بكل ماعندي صوت
شقت مسامعي صوت طلقه ماعرف وين راحت اجت بيه لو عبرت لو شنو ماعرف باوعت شفت رجلي تطب دم والجلب يرفس وانخنك صوته وسكت ودمه عبه المكان شفت لواء بيده مسدس يركض اتجاهي
اني ابجي ماتحملت لزمت بلواء
ـ لواء : مابيج شي مابيج شي اشششش اشش
ردت اكوم ماكدر شفت الكل اجه يركض اتجاهي الكل حرفياا وشاهين اجاني مثل الطلقهه يركض
ـ شاهين : شصصااااااار شني هاذا الدمم
شالني لصدره حضني واخر كلمه سمعتها
(اششش اني يمج )
مادريت بلدنيه بعد
فتحت عيوني باوعت لنفسي علسديه وبيدي مغذي محد يمي ورجلي من الإلم موتتني بجيت بحركه
علحضي انفتح الباب ودخل شاهين ولواء و كحيلان
أنت تقرأ
الگاسر (وهم الخوف)
General Fictionفي الطبقـات العـاجيـه من المجتمع ليس كل من يعيش بها بخير من دون صراعـات .. ذكريات ..أو ماضـي بل بعض الاحيان يخلق هاذا النوع من الترف مههوس عاشق لا يعرف الرحمه ولاكــن طيب القلب .. لاكن افعاله تعكس غير ذالك فهل سـيتغير هاذا المحـب القاسي اتجاه محبوبت...
