الگاسر (وهم الخوف)

part 38

بقلمي :- نور الـ نـور

            قناه التلي::- @noo6i6
قرائه ممتعه لتنسون التصويت والتعليق ..

-------------------------------------------
فُقدت السَيطَرة وبالگوة جاي أصبر
وأول مَرة أحس بنفسي ضگت المُر
صفنت لنَفسي هذا التَعب يخلص وين ؟
شوكت أتعَب واحس هذا التَعب مُثمر!
          " الوجَع هَدني "
الجسم من كل مكان يصيح
خلصت طاقتي وتَعبان ما أنكر ،
يومية بحَياتي أنصدِم بالأحداث
أنهدَم حيلي وَبعد مابيه حيل أحزر
مَچنت أدري الظروف تغَير الإنسان
مَصدوم شكُثر يا آني مِتغّير !

::::::::::::::::::::::::::::::::::::::::::

مرت كم دقيقه واني هستوني ردت اغفى
حسيته تقرب مني أكـثر،  بقيت مسويه روحي
نايمه ومتحركت .. تمشت أيده على خـدي
وطبع بوسـه سند راسـه متني قريب من رگبتي
وهمس بكلام مامفهوم
وهدء واني غفيت صحيت قبله هوا بعده نايم
على أيدي واحس أيدي خدرانه تريد تنكطم
وهوا ولا حاس
بقيت اباوعله شلون نايم وذاب روحـه
اريد اسحب أيدي من راسه بس ماريد
أكعده احس خطيه بقيت ربع ساعه على هلحاله
بس بعدين متحملت أيدي خدرت كلش
ونملت زفرت نفس بوجع
هوا فـز رفع راسه باوعلي، معقوله شنو من نومه
نومـته النمله اذا تمشي بلكاع يحس بيها وتفززه
باوعتلـه شعره مخلبص نازل على عيونه
طولان شعره وممحلقه بلعاده أبد ميخلي طويل

::- صباح الخير

:- صباح النـور

كعد على حيله رفع شعره وتحمحم

::- شلونج اليوم؟

:- احسن بس أيدي توجعني

::- هسه أريكج وانطيج علاجج

هزيت راسي مبتسمه ألـه
كام اخذ ملابس وفات للحمام غسل وبدل وطلع
اجه وكف على راسي

::- تريدين تغسلين؟

:- اي

راح جاب حماله أيدي لابسها الي وساعدني
أكوم فتت للحمام غسلي وجهي

:- اريد انضف اسناني

هز راسه جاب فرشتي خلالي بيها معجون
اخذتها منـه فرشيت اسناني وهوا واكف يباوعلي
ومحاوطني من خصري عن لا أوكع
لان حرفياا الجبيره كلش ثكيله واسبوع كامل
ارجع ويطكوها ويسون وحده لخ
ماعرف شنو السبب
كملت ورجعني لفراشي كعدت وهوا كبالي

::- شنو رايده اسويلج ريوك؟

:- بكيفك

هز راسه مبتسم تقرب بوسني وطلع
شويه واجـه بيده صينيه تربع كدامي
وحط الصينيه

:- وين گوبك

::- أوكلج وأكـل

:- ماريد