الگاسر (وهم الخوف)

part 40

ناسيني اريد اذكرك اني ماناسيك
لهسه نار شوگك بيه تجويني
وبعدها اثار منك بيه خيط خبال
احجي بلا وعي لمن تحاجيني
انا خلافك تولاني الوكت سطرات
ماهميتله ولا كلت ماذيني
وماطخيتله معاتت اني ويا
بس سطرت جفاكم بي طفت عيني
انا خلافك گـريم وبهذلاه العوز
واستنكف جفوف نذال تنطيني
انا خلافك ضريح نترس بس تـراب
ولا زاير اجه ونـذر ينطيني
انا خلافـك يتيم وهل عليه العيد
بس جرود لابس منو اليتشيني

الـگـاســـر .....

قرأئه ممتعه لتنسون تابعوني وتابعون الابطال 🤍
.......................................................
////////////////////////////////////////////
................................................

:- حسب السولفه الي مرته خاينته ومطلقها
هيه متريده

سـاره: - والله حقهااا

:- لج لو تشوفين معاملته ويا بنته حَـره
لج تكولين ماكو بحنيته، يشيل ويلاعب ويبدل
ويمشط ويروح ويجي يتبسملي ويبوسني
يگلي ارتاحي ماريد اتعبج لتسوين ولاتحركين
شي بس اكعدي

سـاره: - اللللللهههه علحنان الللههههه
زين ليش تغير مو لازم أكو بسبب؟

:- سئلته قبلج، گـلي اكيد اكو سبب وبعدين
تعرفي

ساره:- وشتحسين مرتاحـه ويا هسه انتِ؟

:- تسئليني هيج ساره؟! تعرفيني اني ماريده
ومستحيل انسه السوا بيه واسامحه لا وعزت
ربي الـه اندمه على اليوم الي فكر يسوي
بيه كل هاذا وارجعله الاذيه الي حصلتها
منه اضعاف الاضعاف واخلي يعض اصابيعه
ندم وحسافه واذكريها ..

ساره: - عاشت أيدج بس لتستعجلين احس
ورا تغيره هاذا سبب، سبب جبير ومقنع

:- مثلاً يرجع يأذيني؟

ساره: - ماعتقد الصراحه غير حسب گـلامج
ماعتقد عنده شي ..

:- ماخاف منه بعد حجيتلج گلشي
اقل شي روحي قدمي بلاغ عليه وانطي
گلشي عندج ..

سـاره: - ورد

:- ها؟

ساره: - متأكـده بگلبج نغمه انتقام لـگاسر؟
حتى ورا ماتغير؟

:- اي ...

ساره: - ماحس هيج

:- شتحسين ؟

ساره: - مادري بس گلبي يگلي غير هيج

:- عاد گـُولي لگلبج ليحس بعد

ساره: - هههه وشوكت تنتقمين؟

:- بعد .. بعد اريد يثق بيه ويسولفلي گلشي
اريد اعرف عنه تفاصيل أوراق اشياء قويه
اريد الزمه من أيده التوجعه مثل ملزمني من
أيدي التوجعني اريده يحبني وأكسره واخيب
كل ضنونه اريد اشوفه يتوسل ومكسور
بعـد ...بعـد هـوااي