مساء الخير ❤️..
قرائه ممتعه ولتنسون تابعون الحساب
والتعليق على الفقرات والتصويت
علمود تشجعوني احبكم ❤️
..............................
أنـي احبك حتى لو غيري الخذاك
انتً تبقى بداخلي مالك غرض
وكلشي بلدنيه حلو يذكرني بيك
يا خساره عمري يل مالك عوض
وكت كمت اسمك اسمعه من الغريب
كبل جنت اسمك اسمعه ويه النبض
انتَ خلي ودمعتي ونجمي البعيد
انتَ يقرونك علي وكت المرض
وانه مابيه نقص والله العظيم
انه حض ماعندي بس عايزني حض
.............................................
صفنت عليه يضحك
سكتت مبتسمه على ضحكته
:- بلا هسه شتاكل حره .. صدك عود
::- غير جايب ريوك اني
رفعت عيني باوعتله
:- والله؟ .. وخليتني اتعب خنجر صدك تحجي
ضحك وهز راسه
::- ردت اكل من ايدج لمره بحياتي
بس للاسف انتي لو محروك لو ماينوكل
شنو سالفتج ماادري
:- والله هاذا الموجود
كام جاب الريوك الي جايبه اساسا
شال هاذا وخلا علميز
وكعد يسوي لفات يوكلنه وبعدين ياكل
:- اني ماريد حروح اعزل الغرفه
::- بعدين يابه اول شي اكلي واخذي علاجج
وبعدين الي تريدين تسوينه سوي
:- واللهي ماريد ماكدر اكل
لزمني كعدني وصار يوكلني ويوكل حره بنفس
الوقت، واني صافنه عليه شلون هيج تغـير
بين يوم وليله نكلب گلشي ومجاي اعرفه
عرفت باديس ، الانسان القاسي الماعنده رحمه
وتعودت عليه وعلى بروده واستفزازه وطريقه
كلامه وكلشي تعودت على باديس الي مايوم
حسيت بشعور أمان واني ويا وهسه اكتشـفت
انسان جديد گلياً ، جزء من هل الانسان الي
مجان ابالي ابد ، لدرجه بعض التصرفات البسيطه
احس ديتصنعها ليرضيني ومداعرفه
معقوله تغير لو ديغشني؟ مثل مجان غاشني؟
باوعتله يحجي ويه حره ويكرص بخدودها
صفنت عليه، ملامحه تختلف ، لونه الحنطي
وطوله الوسط جسمه المليان المرتب
يجبرك تصفن عليه من يلبس شي
لحيته الخفيفه وشمره حاجبه ، عيونه الصفر
الي بحياتي مشفت هيج لون عيون
رموشه كصيرونات حلوات ، عيونه الطولانيه المسحوبه. ، والوشم الي بركبته بلنهايه
مكتوب The and وعروقه البارزه
حسيت غصت بملامحه اول مره اتمعن بي هيج
ومو بعادتي اصلا ممنتبه لملامحه من قبل
اكرهه واطلع كبل ،
مامرت عليه هيج ملامح العرفتهم كلهم شكران
هاذا املح بس حلو
اباوع لتقاسيم صدره وللكلاده الي خيطها خرز
اسود وبنهايتها حجر ازرك على شكل سن
اذكر مرا گلي هلحجر بلون عيونج
رجعني يمهم بصوته وهوا يحاجيني
::- يوجعج شي بويه؟
شلت عيني باوعتله ابتسمت
:- لا
أنت تقرأ
الگاسر (وهم الخوف)
General Fictionفي الطبقـات العـاجيـه من المجتمع ليس كل من يعيش بها بخير من دون صراعـات .. ذكريات ..أو ماضـي بل بعض الاحيان يخلق هاذا النوع من الترف مههوس عاشق لا يعرف الرحمه ولاكــن طيب القلب .. لاكن افعاله تعكس غير ذالك فهل سـيتغير هاذا المحـب القاسي اتجاه محبوبت...
