#الگاسر {وهم الخَوف }
بقلمي :- نور ال نور
للتنسون التصويت ومتابعتي
قراءة ممتعه ( أحبگم 🎀🤍)
————————————————————
الليل جاباني ألك لو انتَ جيت ؟
وفززتني سنين جانن غافيه ..وفزعن مفرعات ويدورن عليك
بلا شعور جدام تركض حافيه
صورتك لسه بخيالي ومن زمان .. وجني من هلساعه شخصك شايفه
تزعل وعني تصد .. تنطي گفاك .. أبـقه أحَـبـك
ما أكولن عايفه
/////////////////////////////////////////
ساره :- والله مادري بتفكيرج شلونه
ورد :- زين الحمدلله
ساره :- مايعجبني شغلج ورد اريد كلام وجهه واحد
مو كل شويه راي
ورد :- لا خيه وداعتج هاذهو لخاطر حره مو ل اجله
اني عشت ويا هواي وشفتهم بلنسبه اله حَرايه النفس اليصعد وينزل عنده يتخبل بدونها .. وهيه متعلقه بي تعلق عجيب
يسافر كم يوم يرجع متلهف وهيه تبقه الليل كله من هوا ماكو حاضنه قميصه لو مخدته ونايمه يمي .. من عقلج اسوي هيج
بيها واكسرها .. شعور الاب عضيم هنيال العايشه
ساره :- مو كل أب أب
ورد :- اولهم ابوي لا بطفولتي ولا من كبرت شفت منه
قطره شنو قطره اقل من تعامل خنجر ويا حره
ساره :- هوا رباها مو ؟ من صغر يعني
ورد :- اي جابتها امها ذبتها عليه بعدين من كبرت صارت تطالب تشوفها بس هوا ممانعها منها .. هم متلوع من الامهات هوا
خطيه
ساره :- ليش تكولين عنه خطيه؟!!
ورد :- شبيج واكفتلي على الدوسه تعبير مجازي داده
حتى الجلب اكول عليه خطيه اني
ساره :- جفصت
ورد :- واللله شنو فد نمونه
ساره :- ذكرتيني ب الاب ، اني ماعرفه !
ورد :- ليش
ساره :- مادري فتحت عيوني ويا كومه جهال بلميتم
شلون وصلت شجابني اني منو مادري
ورد :- ماسئلتي
ساره :- ميجاوبون حفاضاً على نفسيتنه لان اكو الاهلهم ميردوهم
واكو ولد حرام اكو هواي مصايب بلميتم ،
ورد :- ابد ماعرفتي؟
ساره :- ابدد وهلشي دمرني ودمر شخصيتي اكثر بقيت
افكر خاف اني بت حرام لو خاف امي ماتت من جابتني وابوي
ذبني لان موتت امي بقت افكار هواي براسي ..
ورد :- ياروححيي .. الحمدلله الله عوضج
ساره :- ألف الحمد والشكر اله شما احجي عن بهاء ما اوصفه
أب واخ وأم وسند وصديق وزوج وكلهم عوضني عن كلشي
ورد :- الله يخليكم ويديمكم بجاه النبي
ساره :- الله يعوضج عن كل ايامج بحق الكاظم
ورد :- ههههههه سلام الله عليه شبيج محتركه روحج
ساره :- هههههه كومي نتغده
ورد :- ماريد نفسي ماتستقبل ولج صارت عندي گلبه معده
خلي لمن استقر
ساره :- خلي احيبلج علاج معده عندي يجنن قبل الاكل
ورد :- اوك
أنت تقرأ
الگاسر (وهم الخوف)
General Fictionفي الطبقـات العـاجيـه من المجتمع ليس كل من يعيش بها بخير من دون صراعـات .. ذكريات ..أو ماضـي بل بعض الاحيان يخلق هاذا النوع من الترف مههوس عاشق لا يعرف الرحمه ولاكــن طيب القلب .. لاكن افعاله تعكس غير ذالك فهل سـيتغير هاذا المحـب القاسي اتجاه محبوبت...
