كُون كل شارع اشوَفك
چا كَضيت لُعمر امشي
وكون اكَابل مَرة وجَهك
إله أعميهن أذا ينطبك
رمشِي مو مجَرد صدفهَ
انتَ ولا مَحطة ويمها اكعد
وستراح انتَ كُلشي"
-----------------------
صوتو وتابعوني وقرأة ممتعه
------------------------*-----*---------
سحبني للغرفه واني ادردم علساس وين اني
عن سراج شو يسافر اسبوع واسبوعين ويبقي
يمنه هسه اله مايشوفج كعدت
:- لتخزر ترا مااخاف
باوعلي بطرف عينه وراح سد باب المطبخ
وفتح الباب الخارجي لسراج يدك بي
حره يمي تلعب ثواني ورجع فات للغرفه يمنه وجهه
شثخنه
:- يلا ماما كافي لعـب خلي أنام
حـره :- اي ماما
اخذت الايباد منها، وتخطيته طفيت الضويات
ورجعت تمددت وجريتها لحضني بوستها
وهيه حضنتني وهوا واكف يباوع للكاع ضايج
مدري يفكر ماعرف شبي، غمضت عيوني أفكر
ألف شي براسي قليل افكر بكلام نور، صدك يحبني؟
يعني هسه أكدر أكسره، فتحت عيوني باوعت
للمكان الجان واكف بي ماهو التفتت شفته
متمدد يمنه وحـره صايره بلنص بيناتنه
نايم على ضهره بدون تيشيرت وايده على عيونه
ضلت عيونه عليه لمن غفيت ..
بعـد مرور اسبوع ..
داشوفـه كلش كأيب وضايج ومختنك
دوم دمعته بطرف عينه ماعرف شنو البي
او شصاير ويا بس هوا ميحجي شي كدامي
خاف يضوجني او ميريد يزعجني او مادري
شنو السبب الرئيسي اصلاً ، يطلع هواي من البيت
من الصبح لحد تالي الليل ويرجع عيونه مورمه
مثل الباجي وكلش ماله خلك ، مره سئلته
:- شلونه الشغل؟ متعب اليوم؟
::- ماجنت بلشغل
اكتفيت بلسكوت بهلكم من الاسئله لان حالته
ابد مو مال استجواب شبي ياترى اريد اعرف
شنو البي ليش هيج تغير حالـه حتى مابقه مثل
قبل وياي جان يبوسني ويحضني وميفاركني
هسه هوا بغرفه واحنه بغرفه ، جابو العشه
اخذته رتبته على السفره وجهزت كلشي
حـره بلصاله تلعب وهوا بلغرفه الي اعتزل بيها
من كم يوم الي غيرت حاله حتى صار لا أكل
ولا شرب مثل قبل ياكل لكمتين علمود يسند
حيله ويرجع يطلع ويرجع نص الليل
رحت لغرفته فتحت الباب على كيف كل ضني
نايم شفته كاعد بلكاع ومتجي ضهره على
الجربايه وطابك رجليه لصدره ب زويه بين
الجربايه والحايط مكان شخص واحد
تقربت منه شفت ب أيده صوره. ،صوره قديمه
بعدها الوانها ضعيفه وممبينه الملامح بيها
كلش ونص ممحي ونص باقي جان مخليها
وصافن بيها عيونه تجري. ، بعدني اريد اركز بيها
اريد ادقق شنو الي بلصوره ،حس بيه طبكها بين
اديه ضمها لصدره ودار وجهه عني، ل اول مـره
يباوعلي، من خله فضولي يقرا الف
تقربت منه متلمسه ضهره البدون تشيرت هامسه
أنت تقرأ
الگاسر (وهم الخوف)
General Fictionفي الطبقـات العـاجيـه من المجتمع ليس كل من يعيش بها بخير من دون صراعـات .. ذكريات ..أو ماضـي بل بعض الاحيان يخلق هاذا النوع من الترف مههوس عاشق لا يعرف الرحمه ولاكــن طيب القلب .. لاكن افعاله تعكس غير ذالك فهل سـيتغير هاذا المحـب القاسي اتجاه محبوبت...
