ادري بيك تحبني ما داعي الكلام
وادري بدموعك صدك تبجيلي
اني ليلي بلايه واهس ما انام
شلون لو صرت انت واهس ليلي
عمري فدوه لوجوهكم ضيفو قناه التلي
@noo6i6
كلش مهمه
وقرأه ممتعه لتنسون التصويت والتعليق على الفقرات ولو ب احرف انكليزيه. ❤️
:::::::::::::::::::::
مكدرت انام لان أيدي كلش مأذيتني
واتلوه وأبجي منها وهوا مكابلني وكاعد ويحوس
وكل شويه يتأفأف
::- هسه شلون تبقه هيج توجعج
بـ بجي
:- موتتني
مسح دموعي
::- لا تبجين بويه .. رايح اجيبلج
دكتور الطوارئ
:- لااا لاتخليني وحـدي
::- جـا تبقين تتوجعين هيج وردتي
خلي اشوفلج مسكنات عاد على ميصبح
الصبح ويجي دكتورج
بجيت
:- خاف يجيني عدنان
تقرب يمي
::- وعيونج أمـوت وما اخـلي يصيرلج
شي بعد لا تزوديني قهر ورد
هزيت راسي ومسحت دموعي
:- روح ما اخـاف
هز راسه وطلع واني بقيت فحطانه بجي
من الإلم احس ايدي تتكطع
موتتني اول مره احس بألمها هيج
گـطـعت گلبـي ..
شويه واجه وهوا ويا دكتور
سألني
- خـيـرج ؟
:- ايدي كَُلش مأذيتني
شال تقاريري يقراهن
- الألـم طبيعي ولازم أكو ألـم ماكدر انطيها
أي شي غير البراسيتمول بلكت يخفف
شويه ألمها لمن يجي الشفت الصباحي
ودكتورها ويشوفها ..
كتب علاج انطا لخنجر وطلع راح واجـه
::- هـسه يجيبو الشباب واحطه
هزيت راسي
رجع كعد يم راسي. ، مسح دموعي ب أصابيعه
وباسهن واردف گايل
::- عـسـى بيـــه الـوجــع ..
مقهور كلش مبين من عيونه وكأن الإلم بي
هوا الي مامستقر ويحوس مثل المالوم
شويه واجه سراج جاب العلاج وراح جاب ممرض
شكلـه الـي وطلع
كعد يمي لازم ايدي يمشي العلاج
ضليـت اباوعلـه لمن هدء ألم ايدي وغفيت
فزيت اريد اتقيئ شفته نايم يمي
حاولت اكعد ماكدرت دغيته بـ أيده
طفر باوعتله متأسفه ، وأشرتله على السله كام جابها
علسريع تقيئت بقيه البنج احس شي وراح من
صدري
رجعت تمددت روحـي خلصانه اجـه مسح وجهي
وحلكي بكلنس باوعت لحاله
تعباان ووجهه اصفر وسواد جوا عيونه
شفته صفره وجسمه يرجف
شبي هيج تغير،
:- شوكت أطـلع
::- خلي نشوف دكتورج شنو يكـول ، جوعانه؟
هزيت راسي
:- لا
أنت تقرأ
الگاسر (وهم الخوف)
General Fictionفي الطبقـات العـاجيـه من المجتمع ليس كل من يعيش بها بخير من دون صراعـات .. ذكريات ..أو ماضـي بل بعض الاحيان يخلق هاذا النوع من الترف مههوس عاشق لا يعرف الرحمه ولاكــن طيب القلب .. لاكن افعاله تعكس غير ذالك فهل سـيتغير هاذا المحـب القاسي اتجاه محبوبت...
