الگاسر (وهم الخوف)

part 45

الگـاسـر {وهَـمْ الـَخوَف}

بقلمي: نـور ال نـور

••••••••••••••••••••••••••••••••

''لِـنعُد النُجُوم سَوياً وعـِند كـُل نَجمه ''قَـبلـِني''

..........................................

نور :- شبيج ورد سولفيلي. ، اني يمج

:- بيناتنه؟ وعـد؟

نور :- افا ورد اني نور. ، واذا مثاقه لهلدرجه
على راحتج بس اني مااحب اشوفج ضايجه
ومقهوره ..

:- مو هيج قصدي الله يخليج لاتفهميني غلط

نور :- عادي ماصار شي على راحتج

:- نور مو وكت زعلتج هسه اريد احجيلج
واللهي مختنكـه

نور :- سولفليلي گـلي أذن صاغيه الج

:- منين ابديلج اوووف

نور :- ابديلي من الموجعج اكثر شي

:- اوووف نور الموجعني اكثر شي انو اني
عايشه ويا انسان ماأريده ..ماكدر اشوفه
ولا اتقبله وكلشي يصير غصباً عليه

نور :- زوجج؟

:- هوا غصبني على الزواج اني بكلبي انسان
ثاني مامفكره بغيره لسه ولارايده غيره

نور :- شلون غصبج على الزواج منه؟

:- خطفني وساومني بأقرب الناس الي
علمود ابقه ويا وكعدت وسكتت وبعدين جاب
عقد الزواج وجبرني اوقع عليه جوا التهديد

نور :- لا يقع الزواج تحت الغصب والاكراه

:- ماعرف ماعندي معلومه

نور :- بكل بساطه من اجـه السيد يعقد قرانكم
مجرد اكله ماموافقه، ومدامج مجبوره ونطقتيها
حُـرم الزواج ..

:- سيد؟.. سيد شنو ماشفت سيد ؟
تزوجنه على زواج المسيح عقد كنيسه ووعود

نور :- شنووو؟؟؟ شتليصين انتِ ورد

:- والله شبيج

نور :- انتِ مسيحيه؟

:- لا مسلمه

نور :- صخام بوجهي صدك تحجين ولج

:- والنبي شبيج

نور :- ولج انتِ شبيج زواجكم باطل ورد
اصلا ميصير تزوجون الـه واحد منكم يغير
ديانته لو انتِ تصيرين مسيحيه لو هوا يسلم

:- صححححح هم كالتها عمه ساجده بس
ماطخت أبالي سولفتلي على جده من اخذ بيبيته
هوا مسلم وهيه مسيحيه غير ديانته على مودها

نور :- صلوات على محمد ورد انتِ صدك تحجين
تأكدي من زواجكم ترا اكبر حرام الي دتسوو
شلون يطخج ومابينكم زواج صحيح يعتبر
زنـا هاذا