جيت لكً ولهـان ..

-6-

‏وماكُنت من اهلِ الحُبِ ابدًا
‏ولكن من يراك يقع بكُل حُبًا فيكَ
.
.
.
.
.

بغرفة الاجتماعات مجتمعين على الطاولة كل واحد يطالع الثاني بصمت ،فيصل الي يحاول يبداء يتكلم معاهم لكن مو عارف كيف
اما مشاري كان مشغول بالاوراق الي معاه

حس تركي بوخز بكتفة والتفت وحصل سلمان : شتبي انت ؟
سلمان وهو يهمس :وش سويت فيه شفيه مشاري ما طردك حتى الامن ماجو وتلوك؟
ضحك تركي وهمس له :حبيبي ذا سر المهنة اقولك بعدين
بس خلنا نفتك منه هو واجتماعه بالاول 
سلمان :يا ويلك اذا نسيت قسم اذبحك
تركي :زين زين

سكر مشاري الملف ورفع راسه لهم : السلام عليكم نقدر الحين نبداء اجتماعنا الفعلي بعد انضمام موظفين فرع الرياض تركي منصور وسلمان عبدالله ،
بدخل  بصلب الموضوع واوضح لكم الفكره بشكل مبسط ، الاجتماع ذا كل واحد منكم مطلوب انه  يتخلى عن مين يكون سوى مكانتك بشغل او خلفيتك،
احتاج منكم فقط انتم لا اكثر ولا اقل
بنسبه لشيء الثاني سفرتكم لدبي مهمة جداً بنسبه لي ،
شهر واحد كافي انه يحدد موقفنا كالسوق السعودي لازم نغير معتقدهم وتفكيرهم عن المملكة العربية السعودية .

سكت مشاري للحظة ،وشاف على ملامحهم الاستغراب وكأنهم مو فاهمين ،يعرف مشاري خطورة الموقف وتهوره بذي الخطه الي بتنتهي بفشله
يعرف انه بيكون وصمة العار بعيون ابوه بعد ما عاند الكل عشان يسوي الي في باله
تهوره في اختياره موظفين جاهلين في عالم الرياده،تنهد بصوت واضح واحاول يرتب افكاره من جديد
يحس بخذلان من نفسه مو قادر يتكلم ،خايف انهم يتراجعون ولانهم ما راح يتحملون الضغط الي بيصير لهم
كان واثق وحازم بقراراته لكن لان بعد ما استوعب خطورة الموقف

تركي الي وقف افكار مشاري السوداوية : استاذ مشاري عندي سؤال بسيط أيش مطلوب منا بضبط لرحلة العمل عشان نعرف نتعامل مع فرع دبي ،وأن شاءالله نكون عند حسن ظنك لا تشيل هم اوعدك

ابتسم تركي بنهاية كلام لمشاري الي كان يتأمله بالحظة الي حس انه كان بينهي خطته بالكامل ،

كيف كذا ! كلامه المختصر وابتسامته وغمازاته الي كانت بارزه  بشكل يسحر بدون ما يتعب نفسه انه يبستم

كيف قدر يعطيه أمل وثقة وانه يقدر يواصل مبتغاه، مستغرب من نفسه أبدًا ما كان ضعيف قدام اي شخص وخصوصاً من جنسه لكن ليه هو غير وش فيه !،

أول لقاء : لما تعرف عليه بداوم" عرف معنى الفتون"

ثاني لقاء: جمعتهم الصدف يكونو بنفس الفندق الي ساكن فيه تركي
" استشعراغينة محمد عبده لقيتك صدفه"