جيت لكً ولهـان ..

-8-

ويسألني .. أتهواني؟
‏تخيّـل .. إنهُ يسأل
‏بربك كيف أسمعه ألا من نفسه يخجل؟
‏ألم يقرأ بأشعاري
‏بأني قتيله الأول؟ ‏وأني دون عينيه
‏ضياع ضائع أعزل
‏ألم يلمح بكف الشمس ‏مكتوبًا له مرسل؟
‏ألم يلمح بعرض البحر ‏ديوانًا به منزل؟

.

بعد ٤ايام وكأنه مده طويله مرت عليهم ،كل واحد منهم مشغول بامور ثانيه
محد فيهم قادر يرتاح
تركي واخته
سلمان وخلافه مع محمد
مشاري وتفكيره مع تركي
محمد والي عرف خطاه وندمان اشد الندم

اليوم المنتظر للكل يوم السفره
الساعه 9:00ص
تركي وهو يسكر الشنطه مع ريما : يعني خلاص بتروحين عندهم

ترتب اغراضها : ايوه خالتي ام ساره حلفت ما اجلس لحالي بعد الي صار وبعدين دايم اروح عندهم وانام مع ساره

سكت ومد بوزه نزل راسه لتحت وغطاء شعره الطويل وجهه وعيونه لمعت بدموعه وسحب ملابسها وطلعها برى الشنطه على السرير : بس انا مو مرتاح اعرف دائم تروحين عندها بس مو شهر صعبه

انتبهت ريما على حركات وابتسمت :بس انت برضو بتسافر شهر وتتركني كلنا نفس الحاله

تغيرت نبرة صوته ولازال منزل راسه : شرايك تروحين معاي ، انا محتفظ بشوية فلوس لوقت الحاجه احجز لك معاي

رافع راسه لها بسرعه وبانت عيونه الحمراء والدموع : او اذا ما كفت اتسلف من سلمان واردها له بعدين
او او
قربت منه ريما وضمته لصدرها :اش شفيك تروك هدي لا تصيح ما اتحمل والله وقف يا روحي

لف ايدينه بسرعه وضمها وهو يبكي : مو متعود اغيب عنك شهر طويله بالحيل والله حيل طويله ،ما اقدر اشوفك او ابوس راسك كل ليلة 
امشي معاي ريمو الله يخليك تكفين ريمو

ضحكت عليه : اقول تركي اثقل بعدين بالله عليك وش يوديني هناك طول وقتك وانت بشغل وانا بجلس بالاوتيل طفشانه

مسح دموع بيده ومسك يدها بهدوء يضغط عليها :بس ريما ان..

سحبت يدها منه ومسحت على راسه :لا بس ولا غيره بتروح وتكمل الدوره وابيك افضل موظف هناك تسمعني ، لازم تسمع كلام اختك الكبيره ،راح ازعل عليك وربي

نزل راسه مره ثانيه وعض شفايفه كله ولا زعلها لازم يمسك نفسه رفع راسه و
ابتسم لها هي دنيته وحياته وكل شيء بالكون يغيب من يغيب وتبقى هي وبس  مسح دموعه : اوعدك وعد ياروح تركي

ريما : ايوه ذا اخوي الي اعرفه ، الحين ساعدني عشان نخلص بسرعه
الحين يوصل ساره وسلمان ومن يكفنا منهم