جيت لكً ولهـان ..

-11-

‏"فإنَّكَ قَد سَكنْتَ خِلالَ روحي
‏ومَن يسكُن خِلالَ الرُّوحِ غالٍ"

نجمة وتعليق <~>
لا تحرموني من تعليقاتكم احبها واحب ارد على الكل:)

انتهى اليوم بخيره وشره
وتفرقوا ابطالنا وكل واحد باله مع الثاني .

مشاري الي يفكر بأنه استعجل وتمادى مع تركي ويمكن يخلق بينهم مسافه

تركي الي حس بأن المفروض يصير شيء
اكثر من البوسه الي صارت بينهم

مشاعر مختلفه بين الاثنين ،
تركي يفكر بعلاقة عابره ومجرد متعه بنسبه له،لانه ما يفكر يدخل بعلاقة جاده

لكن مشاري الي يشوف تركي شخص ثانيه قدم له مشاعر عظيمه ،ويفكر يتقدم أكثر بعلاقتهم ويترك افكاره بعيد ويتأكد بنفسه اذا مشاعره مجرد اعجاب بسيط او حب .

.

الساعه 6:00 الصباح
صحى تركي على ازعاج بالغرفه كالعاده ،دام سلمان معه ما راح يتهنى بالنوم سحب جواله وشاف الساعه وتنهد بقهر وش مصحي الحمار ذا
احد يصحى ذا الوقت كأنا في مدرسه  ضرب السرير بقهر وجلس وهو يمسح على وجهه ،شم ريحة اكل غريبه وسع عيونه لا يكون سلمان يطبخ يبي يحرق الفندق على راسنا

فز بسرعه من السرير ما اهتم هو وش لابس ملابسه او لا اهم شيء ينقذ عمره وبطنه ما يبي يموت !!

ركض لمطبخ وشاف المنظر الي كان متوقعه ، سلمان قدام الفرن والمقلاه الي فيها البيض محترق، والصحن جنب الفرن مليان بيض اسود محترق بعد

المطبخ حايس اكياس سوبر ماركت ، صحن فواكه مقطعه وفوقها ورده حمراء ، خبز التوست المليانه زيت محترقه برضو، الطاوله الثانيه مليانه عصيرات بانواعها وفطائر وشوكلت من كل الانواع الي يحبها

مسح على شعره وتلكم بهدوء : يالله صباح خير صدق وش مسوي انت !؟

التفت سلمان على صوت تركي وابتسم ونزل المقلاه وقرب منه وباس جبينه :صباح الخير يا اعز ما خلق ربي ،اي هذا الصبح الي الواحد يتمنى يعيشه كيفك ان شاءالله احسن

ابتسم على كلامه وضمه : صباح النور بخير يا جعل الخير دايم ما يفارقك ، بتقول انت وش تسوي ولا لا ؟!

طفى على النار وتكى على الطاوله : اخ والله شوفت عينك كنت ناوي اسوي لك فطور محترم لعيونك لكن واضح انها هجت 
بس ما عليه بنطلب من برى ولا شرايك نطلع نفطر في مطعم

سحب عنبه واكلها : تسلم يا حبيبي ما تقصر بس لا عاد تكررها
ما نبي نصبح المستشفى اطلب من الفندق اصرف