جيت لكً ولهـان ..

قلوب قاسية

للاسف ما راح نبداء مثل كل مره بعباره جميله
راح اكتفي بكلام بخاطري من فتره بسيطه يخص الرواية

البعض يقول ان الرواية خيالية تمام محد جبرك تصدق الكلام
والنصف الثاني يقول مستحيل في اهالي يعاملون ابنائهم كذا او حتى الاقارب

ليه مو مستحيل، مو شرط لما تكون حياتك كلها حب وترابط وحنيه مع اهلك ان الاشخاص الثانيه يعيشون نفسك لا.
البيوت اسرار والناس غريبه ، اكثر الايذاء النفسي يكون من الاهل
اكثر النكران من الاهل ،اكثر مشاعر البؤس من الاهل
تعامل الاهل وكلامهم وافعالهم تحدد حياة ابنائهم

صح تركي كان يعيش حياه عظيمه بوجود امه وابوه، لكن بعد وفاتهم تغير كل شيء والسبب الطمع باموالهم،
عمانه طعنو ابوه بظهره واخذو املاكه هو وزوجته

سعد الي كان وليد غلطه ادت الى نفيه، اي نعم ،ليه الكل يستغرب مو نشوف الاخبار او خلنا نقول بواقعية اكثر مو دار الايتام يشهد بالاطفال الي تخلو عنهم !؟؟
الحظ الوحيد الي ابتسم لسعد هو ان امه امراتيه ولا تخلت عنه
سعد الانسان الي يتقبل اخطاء فيصل بصدر رحب ويسامحه بكل مره لان حياته محصوره عليه .

مشاري وطموحه وافكاره الي سببت له مشاكل مع ابوه، والاغلب يعرف وش يصير لما ترفض نصيحة ابوك كيف بيعاملك.

فيصل الانسان الغريب مشاعره تحدد افعاله،يحب سعد لكن مستحيل يكتفي فيه كـ حبيب
عادي عنده يغرق سعد بحبه وبلحظة يسحب عليه عشان متعته الي تعود على كذا مستحيل يبطل عادته

بطلو ذي الامور وبطلو تتكلمون وانتم ما تعرفون خبايا الاشخاص وما وصلتو معها بالكلام والتعمق
علاقتنا من2019 عشت معاهم الحلوه المره بينا صداقه عميقه لا تظنون انهم بيوم انفتحو لي بالساهل لا ابداً .

اقدر اكتفي بحذف الرواية واتجاهل الكلام ذا كله ،لكن كان لازم اوضح لان الموضوع وصل باستخفاف بحياتهم و مشاعرهم وهذا  مستحيل اتقبله لهم لا  تظنون ان الامور الي عاشوها بسيطه جداً  لا

شفت بعيوني دموع سعد وانهياره

انصدمت وبكيت كثير بعد ما شفت محاولة تركي للانتحار المره الثانيه

ابداً ابداً لا تستهينون بحياة الناس او تستخفون بمشاعرهم

  اكرر الي مو مصدق الروايه واحداثها يحذفها ويريح نفسه ولا تجلس بالخاص تصيح عندي .

.