جيت لكً ولهـان ..

-13-

"كان مجيئك حنونًا بشكلٍ مُفرط وكأنّك تعتذر لي نيابةً عن كُل ما آذاني، وبينما أنا أرفض كُل العالم بشدّة، كُنت أنت قبولي الوحيد دائمًا."

.
.
.
نجمة وتعليق يسعدني
+ تحديث اسرع احتاج اقوى تفاعل 3>

جالس على الطاوله ينتظر فيصل يجيب الطلب وفي باله افكار كثيره، اول افكاره وضع تركي بعد ما اخذ الامور بجدية وزعل منه
والجزء الثاني وكالعاده الشغل

انتبه لفيصل وهو ينزل الطلب على الطاوله ويتذمر :ياليل الزحمه قرف

سحب قهوته : وين الزحمه ما اشوفها

خزه :اكيد ما تشوفها يا ولد الملك جالس انت ومكوتك على الطاوله وانا احاشرهم

تنهد بسبب ازعاجه لانه قام يأخذ الطلب : خلاص ياخي تراك ما مت قروشت ابوي اسكت

كتف يده ورجع ظهر على الكرسي :زين زين سكتنا يا ابو الهدوء انت
اها بس راح من يسمع سوالفي ولا يسكتني لي الله

ضحك مشاري عليه باستخفاف :توك تذكره

طنش دقه بالكلام له :ما نسيته بس مشغول انا وهو مختفي

فكر فيها مشاري شخص مثل سعد ليه يعامل بذي الطريقه من فيصل
،شخص مثله مستعد يرجع كل مره !!!؟
بأي منطق صار الحب كذا، في باله كلام كثير لكن اهمها كان : فيصل بسألك تحب سعد !؟

استغرب من كلامه : شفيك انت صاحي !

مشاري :رد على سؤال بالاول

ضحك:والله انك مو صاحي اكيد احبه يعني بابقى معه كذا

ثبت عيونه وتكلم :دامك تحبه ليه تسوي فيه كذا !وش حادك

تأفف من الاسطوانه الي بيسمعها الحين : طيب وش تبي توصل له الحين، انا وسعد متصافين ،انت وش عليك

نزل كوب قهوته واشر له باصبعه : وش علي؟. وراضين ياخي وش جنسك انت فهمني فيصل ، الى متى بتبقى على ذا الحال ، ليه ما فيه احساس بقلبك وانت كل مره ترميه وترجعه بكيفك
ياخي حتى ما تسأل عنه وش بلاك يا رجال !؟ما فيه انسان صاحي يسوي سواتك الوصخه ذي

رفع كتفه وشرب قهوته : ارجع اقول وش عليك ،ذي علاقتنا ومالك خص ،جاء فضفض لك لا ،طلب مساعدتك ؟لا ، ايش حارق دمك
ذا طبعي مشاري وانت تعرفني من قبل سعد ،والحين مسوي نفسك مصدوم
واذا على السؤال ما عليك الان اريح ضميرك واسأل عنه

سحب جواله من جيبه وفتح الاتصال ودق على سعد ومشاري يناظره بصدمه من طريقته
رنه وراه الثانيه ومحد رد ، كرر الاتصال كان بيقفل لكن انتبه لصوت غريب مو صوت سعد : السلام عليكم