جيت لكً ولهـان ..

-12-

إنّي أغارُ عليك فليتَ الناس مَا خُلِقوا
‏أو لَيتَهم خُلِقوا من غير أجفانِ
‏إنْ لَم يرُوكَ فصَوت منك يَسْحرُهم
‏يا لَيتهُم خُلِقوا مِن غَير آذان

نجمة وتعليق <~>
تعليقاتكم تسعدني واحب ارد عليها لا تبخلون :)

الساعه 12:30بالشركة
كانو حايسين بالشغل مع فيصل ومو قادرين يحصلون وقت لراحة من لما جو الصبح وهم مكروفين يتنقلون من طابق لطابق، كل ما حسو انهم انجزو وبيرتاحون حصلو فيصل مقدم لهم شغل ثاني،فيصل كان معاهم من الصباح اخذهم من الفندق ووصلهم الشركة وبداء يتعلمون على التدريب على المعرض قبل لا يبدون يشتغلون فيه

مرت فترة الصبح والظهر بدون اي ظهور لمشاري الي كان مستحل تفكير تركي بالكامل وينتظر يشوفه ويدوره بكل مره يمر من مكتبه

كان متوقع يشوفه اول ما يوصل الشركة لكن ما كان له اي ظهور ابداً
ما حب يرسل له اول يسأل فيصل ،تنهد بقهر انه ما شافه وتوعد فيه بيخليه يندم على حركته

كان واقف قدامه ويسمع كلامه وهو ساكت بقهر ما يدري هو ولده او ولد الشارع ، قدام مكتب ابوه  يتكلم عن مشروعه وانه سبب زحمه بالشركة على الفاضي ،لف براسه ويشوف اخوانه جالسين يناظرونه بصمت وهو مثل الغبي واقف ينتظر ابوه يسمح له يجلس

كلمة وراء كلمه واستفزاز بانه مو قد المسؤلية وانه انسان ما يعرف بالشغل الا اسمه ، وانه مستحيل يصعد بالسلم لمنصب اعلى، لا زال يذكره ان لولا امه ما كان حصل وظيفه بالشركه هنا وان مصيره كان بأحد شركات الرياض مجرد موظف عادي ،لولا امه ما زعلت على ابوه كان انطرد من الباب اول ما قدم على الشركه

عبدالملك:يبه الله يطول بعمرك خلاص هو عرف خطاه خله يمشي ذي المره ونسكر على المشروع وننتهي

رفعت راسي له بصدمه من كلامه ليه كذا من سمح يتكلم عني وبأي حق ينهي تعبي كنت بتكلم بس كلام اخوي الثاني صدمني اكثر

زيد :من البداية كان لازم ننهي سالفة المشروع  ،فتحت لنا باب حنا بغنى عنه يا مشاري

ضحك على الحاله الي وصل لها ضغط على يده بقوه يمسك اعصابه
انتبه ان ابوه ينادي عليه ووجهه نظره له

ابوه عبدالعزيز : اسمعني زين يا مشاري ما راح اقدر اوقف مشروعك لان المجلس وافق عليه ذي النقطه الاولى  ، النقطه الثانية مدير التسويق اسماعيل يعطيه العافية  بيتكفل بجميع خساير الي راح تسببها انت بمشروعك بحال خسارته ، بما انك وصلت لذي المرحلة تحمل نتائج افعالك فهمتني زين

تعرف قراري ما راح اتراجع عنه حتى لو امك تدخلت
انت الي جبتها على نفسك، فشل المشروع بيكون هو وسيلة فصلك من الشركة وترجع لرياض